لا احلل النشر بدون ذكر اسمي وصال بروان ⚠⚠⚠
البارت 8
ريتال: رضعها عطيها البيبرونة او لا السكاتة قاع يخ على بنادم(او رجعات عند ملاك اللي الدم كيخرج ليها من جنبها ) ملاك حبيبتي مالكي( هزات عليها التريكو لقات الجرحة كتنزف ) لا لا ياربي لا غاتمشي من بين ايديا ميمكنش عيطو للطبيب
ريتا:(تخلعات) علاش كيدوز منها الدم ياك غاضرباتها برجلها
ريتال: حيت الفهيمة ياله دايرة عملية على الكلوا عيطو على الطبيب مانقدرش نعيش بلا بيها والبشر والقرينة الكحلة نتوما مستحيل تكونو بنادم حبيبتي ماتخافيش انا اللي غانديك او يقرب ليا شي كلب غانتفاهم مع ريتو( او هزات ريتال ملاك على ضهرها او غادية كتجري او خايفة) ملاك ملاك متنعسيش بقاي كتهضري معايا طاكسي طاكسي( تاحد مابغا يوقف ليها) اجي خويا نسولك فين كين اقرب سبيطار هنا
الدري: غاتمشي نيشان او دوري على ايديك ليسرى غايبان ليك
ريتال: هاحنا قربنا غير صبري غاشوية ملاك ملاك حبيبة
ملاك:(بصوت شبه مسموع) هاني معاك اختي ما غانمشيش او نخليك غير كوني هانية انا مستحيل نخليك دبا حتى نزوجك هه
ريتال: هاحنا وصلنا( دخلات ريتال من الباب او هازة ملاك فوق ظهرها) شي حد يعاوني عفاكم دكتور عفاك شوف ليا ختي مالها اش واقع ليها
الدكتور: حطيها هنا مامساليش ليها دبا
ريتال: لا مستحيل راها غاتموت او لا ماتت غانقتلك
الدكتور: واش كتهديني
ريتال: شوف دير خدمتك حسن ليك او لا نخلي البوليس يسدو ليك السبيطار ديالك مفهوم ياله دير خدمتك
#يتبع
ريتال شافت تاحد ممهتم بأشنو كتقول علاش او هو في المغرب مني كيكون عندك الفلوس كيديرو ليك بحال الما الثقيل كلشي كيوجد عندك اما الا كنتي زيرو درهم تاحد ماغادي يخسر عليك تاشي كلمة فكرة وحدة كتدور بالمخيلة ديالها سناريو حياتها كامل كتشوف قدامها كيتعاود في هاذ اللحظة او الدموع في عينيها حيت واقفة عاجزة قدام توأم روحها اللي مبغاتش تقبل انو توأم روحها غادي يضيع من بين ايديها بسبب اهمال طبي علاش او هي اللي خرجاتها من مستنقع الوحل اللي كانت غاتمشي ليه برجليها هي ختها هي حياتها متقدرش تعيش بلا بيها فكرة انها غاتمشي او تخليها كتخليها تجن فجأة عينيها ولاو حمرين او حاملين حقد كبير اللي كيشوفهم كيتخلع حيت كون كانو قرطاس كون قتلو كلشي بحالا البنت الضريفة الضحوكية مبقاتش تولدات بنت جديدة بشخصية جديدة لدرجة غانتسائلو واش هاذي هي ريتال الخوافة اللي كتخاف من خيالها عمرها هزات صوتها على شي حد ولكن فكرة انو غاتبقى بوحدها لا حنين لا رحيم هي اللي خلاتها تولي هكا او تسترجع كاع الذكريات الزوينة اللي كانت مع ملاك او عائلتها
ريتال: ( غوتات ) شوفو اقسم بالله او ما تعتقو ليا ختي تاغانقلب هاد السبيطار سفاه على علاه مكيهمنيش ندخل الحبس حيت مني غاتمشي ملاك ماغادي يبقى ليا مانخسر عندي عادي ندخل ليه او هانية اواشنو كتفضلو او انت اسيد طبيب غابالفم وجد غرفة العمليات دبا او انت اللول غانبدا بيك سربيو( او تحنات عند ملاك باست ليها جبهتها او قالت ليها ) سمحي ليا احبيبتي نتي هنا بسبابي ولكن ماتخافيش ماغاتموتيش بإذن الله ( او مسحات دموعها) ياله هزوها
شوية كيبان ليك كلشي داير باش يعتق ملاك البولة الحمرا شعلات الساعات دازو عند شي وحدين عاديين اما عند ريتال فدازو عليها سنين ولكن هي كانت كتصلي او تطلب من الله يعتق ليها ختها التوأم اما عند اللي في الغرفة كيحسو بحالا داخلين الحبس شوية شعلات البولة الخضرا اللي خلات ريتال تقفز او تمشي كتجري باش تسول الطبيب
ريتال: امضرا اشنو كاين
#يتبع
أنت تقرأ
قلب من حجر
General Fictionهاد القصة كنهديها لكاع البنات اللي كيبكيو على فراق شي دري او لا على شي غولاصيون ماكينش لاش تبكي الحبيبة ديالي هو ميستاهلش تاشي دمعة من عينيك او حتا الدراري اللي كيلعبو على بنات الناس او لا اللي كيعانيو من الغدر اتمنى لكم امسية سعيدة مع قصتي قلب من ح...
