#احببتها كثيرا (مكتمله)

#احببتها كثيرا

#احببتها كثيرا
#البارت السادس
الكاتبه نبا
وثقى :
اكلت شويه ورحت ساعدت سميه بغسل المواعين اما غدير
ماشفتها حته ماكعدت اكلت واني دا احس بالذنب احسني اخذت شي ملكها ..
سميه :انشالله لعصر ترحون مو
وثقى :اوف ماريد اروح بس عمر مصر
سميه : لا روحي وشوفي بيتكم لجديد واحنه هم نجيلكم
وثقى:بأبتسامه كتلها نشالله ... خلصنه شغل رحت للغرفه حضرت ملابسي واني عندي الف غصه بكلبي ماكدر اتأقلم ..بقيت بين الماضي ولحاضر ..
غدير: ردت اروح للمطبخ جان شفت وثقى دتحضر حته تروح احسها خانتني رغم امنت بيها وحجيتلها كلشي بس بسيطه ... خليت ورحت
عمر :  دخلت للغرفه ...جان اشوف وثقى
وثقى :ماريد ارووح تعرف شدا احجي
عمر :رجعنه نفس لموضوع اذا خلصتي يلا خنروح (كلتها ببرود وبيدي جكاره )
وثقى :باوعتله بنضرة شمئزاز 
عمر : نزلي عينج (بعصبيه)
وثقى :مانزلها شتريد
عمر : انتي ليش اللسانج طويل؟(بنرفزه)
وثقى :ولله يعجبك ميعجبك
عمر : انتي يرادلج تربايه واني راح اربيج
وثقى :اول شي ربي روحك
عمر : طررررراخ .. ضربتها راشدي وكعت ع الجربايه
وثقى :من ضربني راشدي حسيت اذاني راحت
عمر : مال ضرب يلا تمشين عدل
وثقى :الله ينتقم منك نشالله
عمر : ردت اجيها واعلمها شلون تحجي بس ندك لباب طلعت سميه
سميه : ممكن وثقى شويه
وثقى :كلت لحمدلله اجت بوكتها .. رحت شفتها
سميه : جدو يريد يحجي ويااج
وثقى :🙄
الجد :تعاي بنيتي كعدت
وثقى :كعدت بصفه وضل يخطب بيه
الجد :ديربالج ع نفسج وع عمر ولله عمر حباب بس كون متجادلينه ومن هالحجي .. ...
وثقى :الله كريم 😊
عمر :يلا تأخرنه
وثقى :يلا بعد سلامه ودعت الكل وركبت لسياره وطول لطريق محجيت هوه هم بس يسووق لسياره وساكت
عمر :اباوعلها دايرره وجها ع الجامه
وثقى: ع طوول طريق وكلبي مقبوض شلون راح اتحمل اعيش وياه ومانسه موقف ابويه معقوله يعوفني ويروح صح اني سويت خطأ من شردت بس هوه بكل حياتي ماوكف وياي عبالك مو بنته اهم شي عنده مها ونهاد ..... بقيت افكر لمن وصلنه
عمر :يلا نزلي وصلنه
وثقى :لبيت كولش حلو وجبير والوانه بس ابيض واسود طابقين دخلنه للبيت كله تحفات ويلمع ... كتله
وثقى : اني اخاف اضل وحدي
عمر :🙄 واني شنو لعد
وثقى :اقصد من تروح لشغل
عمر : تره بعد شكم يوم دوامكم حيبيدي واني راح انقلج بمدرسه قريبه
وثقى :ماريد اداوم
عمر :اي مو هيه بكيفج
وثقى : تدري بكلشي حاط روحك
عمر :باعي وثقى تمشيت حسب كلامي لو تعبين تره
وثقى :سكتت مارديت طلعت لملابس رتبتها بالكنتور هوه الكنتور شكبره بحيث حطيت ملابسي وملابسه والكنتور نصه فارغ ..وسبحت ولبست تراكسود وراسلتني نور
نور :هاا شلونج شو ماكوو
وثقى :ولله ملتهيه
نور :ولج حيبدي الدوام ستلمتي كتب
وثقى :ولج حته الدوام طالع من عيني
نور :اي عفيه بعد دمري مستقبلج 😒
وثقى :مالي خلك لكلشي
نور :دنجبي ماخذتلج واحد صاك وطاك وضايجه
وثقى : تعالي اخذي ماريده
نور : هههه لا هوه يريدج 
وثقى : 😒 دنجبي
نور :يلا ولي خل اروح اكل
وثقى :ههه وك ....
عمر : باعي وثقى رايحه اجيب اكل خو متخافين
وثقى : سويت روحي ماسمعته وتلفوني بيدي
عمر : وووثقى(بعصبيه)
وثقى : نعم
عمر : ليش تخليني احجي حجي موحلو
وثقى : باوع عمر مالي خلك لاي شي
عمر : مارديت خليت وطلعت جبت اكل... تعاي حضري الاكل
وثقى : حضرت الاكل جايب بيتزا وكولا
عمر : متكعدين ؟
وثقى :خل اسوي جاي
عمر : شسوين بي
وثقى :احب الجاي وي الاكل
عمر: لابربج 😏
وثقى :اي يطلع كلش طيب
عمر : سوت جاي وكعدت اكبالي وشلون تاكل (انتبهت شلون حلوه ... ياريت حابها بغير ضروف)
وثقى :انتبهت شلون صافن عمر كتله... شبيك متاكل
عمر :لا بس شهيت الجاي
وثقى : وك هسه اصبلك ...
عمر :صدك طيب واو
وثقى :بعد ذوقي 😌
عمر : 🙂.... هسه اذا خلصتي غسلي لمواعين ردت اروح ..
وثقى :لتروح اخاف
عمر : يلا خلصي بساع كاعد هنا
وثقى :غسلت مواعين .... هوه بقه كاعد كبالي يلعب بتلفونه ... يلا خلصت
عمر : يلا صعدنه للغرفه دخلت سبحت لفيت منشفه وطلعت امشط كدام  المرايا
وثقى :من شفته بالمنشفه بقيت صافنه
عمر :احمم
وثقى :بساع نزلت وسويت روحي ملتهيه بشي.... كتله .. متلبس؟
عمر :هه شعليج
وثقى : اوي شعليه بيك .... وين تنام
عمر :وين انام!!
وثقى :اي وين تنام !مستحيل انام يمك
عمر :مستحيل هه بقيت اتقرب عليها كتلها ليش مستحيل
وثقى :من بقه يتقرب كلبي حسيته يريد يطلع كتله.. ها اي مستحيل
عمر : لزمت خصرتها وكتلها ليش شصيرين مني
وثقى : بس بالاسم
عمر : تردي يصير بالفعل
وثقى :ففف وخرر .... دفعته ورحت
عمر :نمت ع الجربايه وهي نامت ع الكنبه
وثقى :ضليت بس احوص لان مكان مامتعلمه بي ف النوم مااجاني ...
عمر : شبيجج سطرتيني لتحوصين
وثقى :ففف مامخذه راحتي وانته حضرتك نايم ومرتاح
عمر :غير قرارج هذا
وثقى : نننن
عمر :كلتي شي
وثقى :لا سلامتك
عمر :بقيت مبتسم وغمضت عيوني...
وثقى : فف هذا نام وكلبه مرتاح شكد مكروه .. بحال نور تكلي نطي فرصه  ..
عمر :طبعا اسمع اسوالفها وخربان ضحك
وثقى :لا ماكدر انام...  كمت ونمت بصفه
عمر : نامت بصفي ... لمن غفت خذتها بحضني ونمت ....
وثقى : كعدت ب 5 وعمر جان حاضني بساع كمت ونمت ع الكنبه ... كعدت ب 9 لكيته ماهوه كعدت سبحت وبدلت لكيت محضرلي لريوك بكلبي بتسمت اكلت وبقيت اتصفح بالتلفون وضوجه بس اني بالبيت كلت بكلبي شوكت يجي .. ف رن الجرس اجه
عمر : ها شلونج خو ماخفتي
وثقى : لا عادي
عمر : نطيني هويتج حته انقلج
وثقى : من لا جاره نطيتهيا
عمر :جهزي نفسج ... حته نروح
وثقى: هسه شلك بهالدوخه ماريد اداوم
عمر :حته ميكولون مرة عمر متدرس اذا مطلعج اقل شي صيدله
وثقى :لا بله
عمر :شعبالج لعد
وثقى : اذا هيج شاطر لعد ليش مدرست
عمر :بأبتسامه حزن
وثقى : مادري ليش ضاج من كتله هيج... يلة خنروح
عمر : صعدنه لسياره رحنه لمدرستها انوب للمدرسه لجديده ... هي هاي مدرستج لجديده
وثقى :باوعتلها حلوه طابقين ... دخلنه سجلنه ونطوني كتب كلت بكلبي بدت الدوخه ...... رحنه للبيت
عمر :  تعرفين تطبخين ؟
وثقى: طبعا اعرف منال لعالم متلحكني 😌
عمر: هلا ولله لعد طبخي
وثقى :ها. ي اطبخ
عمر : روحي لثلاجه واختاري شطبخين
وثقى :كلت بكلبي ليش نفخت روحي صح جنت اشتغل ابيت اهلي بس جنت مو كلش اطبخ لان ماعرف ...  ف طلعت دجاجه اصلا ماعرف شلون تنكص وعساس سويت تشريبه بس شكلها ميساعد كلت بكلبي عزا هاي شلون صارت
عمر :لو باجه هم ستوت يامنال لعالم
وثقى :اي جيت شبيك ... ف قدمت للاكل 
عمر : قدمتلي للاكل بقيت صافن
وثقى :ها معليك بالشكل اهم شي لطعم
عمر :حاصرتني لضحكه كتلها ماشي ...اكلت وياريتني مماكل بساع ذبيت اللكمه .... استغفرلله هم حاسبته اكل ليش نفختي روحج (بضحكه)
وثقى : نننن ماكو داعي تضحك تريد انته اطبخ اوي خليت وكعدت
عمر :طبعا اطبخ اصلا اذا تردين اعلمج لطبخ
وثقى :هاا هيج
عمر :ي
وثقى :لعد كوم اطبخ
عمر :... كمت لبست صدرية لطبخ بلشت اطبخ ..
وثقى : يطبخ واني اباوعله شلون ديطبخ
....كتله  يلا ماطلعت باجه
عمر :اصلا اطيب من لباجه تعاي
وثقى : قدم الاكل مسوي برياني وتشريب  وكلش طيب ... كتله منين تعلمت تطبخ
عمر : ماعرف تعلمت لان هوايتي الطبخ من اضوج اطبخ
وثقى :خوش لعد تفيد
عمر : بأبتسامه كتلها طبعا
وثقى :  باجر حيبدي لدوام وماعندي ملابس مدرسه
عمر : لعصر نطلع
وثقى :وك ....
عمر :صعدت للغرفه نمت شويه ...
وثقى :عمر نام واني ابد مانام لضهريه بقيت اتمندل .دخلت للغرفه لغرفه ثلج لان عالك لسبلت كمت غطيته وخرت شعره جان ع عيونه .. .. صارت لساعه 4 لعصر حضرت نفسي
وثقى : كلت بكلبي هسه هذا غير يكعد كتله ع.عمر كووم يلا .. عمرر (رحت ردت انهده .. كتله عمرر جان يسحبني للحضنه
عمر : سحبتها لحضني بقيت ممتسم الها
وثقى :ووخر شبيك
عمر : اووخر بشرط
وثقى : اهوو شتريدد
عمر :بوسه
وثقى : لا بله
عمر :ولله
وثقى :ووخر عمر راح نتأخر
عمر : مثل ماكتلج ☺️
وثقى : تمام بس غمض عيونك
عمر : ادري بوسه لو شنو 😒
وثقى : حطيت ايدي ع عيونه بساع بسته بخده
عمر : اويلي يااب
وثقى :يلااا كوم
عمر :  كمت بدلت ملابسي ..... هاا خلصتي
وثقى :يي يلا .... صعدت لسياره ووصلنه لمحل ملابس
عمر : هاا حلوه هالصدريه ؟
وثقى : لا شنو هااي
عمر : زين هااي
وثقى : لا موحلوه
عمر :😒 ... بقت اتدور وثقى ع صدريه ..
وثقى : ها هاي حلوه !
عمر : وين حلاتها
وثقى :تره اني راح البسها مو انته
عمر : ستغفرلله يلا شتردين اخذي بس فضيها
وثقى : ... اشتريت صدريه وقميص وحذاء ...
عمر : نجيب اكل لو انتي تطبخين😂
وثقى :هه ماطول تعرف تطبخ انته اطبخ
عمر : نجبي تعاي نكعد بهذا لمطعم
وثقى : كعدنه بمطعم حلو وراقي طلبنه شاورما وجاي 😁 عمر بيتزا وكولا .. خلصنه رجعت للبيت لساعه ب9 لليل دخلت سبحت ولبست تشيرت وبرموده كعدت بالصالون شويه وعمر هم يلعب بتلفونه اني دباوع تلفزيون جان يدك تلفوني جان يطلع سيف بقيت اباوعله والتلفون يرن ......
يتبع الكاتبه نبا
تفاعلو رجاءا حته يصير واهس انزل بساع