#احببتها كثيرا (مكتمله)

#احببتها كثيرا

#احببتها كثيرا
#البارت السابع
الكاتبه نبا
وثقى :دك التلفون جان يطلع سيف بقيت اباوع لعمر
عمر : رفعتلها حاجب كتلها متردين ؟
وثقى : ها لا هاي الشركه
عمر : الشركه كتيلي
وثقى : ي.يي الشركه
عمر : كمت سحبت التلفون منهاا ..
وثقى :اول ماسحب التلفون غمضت عيوني لان اعرف بي خبل هسه يكلبها كلاب
عمر : هه سيف لجج اني مو كتلج طاريه ماريد اسمع بي( بعياط وعصبيه )
وثقى : ولله اول مره يتصل شبيك
عمر : واضح اول مره شنو ذكرج لو شنو
وثقى : بكيفك تصدك متصدك ماضل ابرلك
عمر : من العصبيه تلفونها ضربته بالحايط تفلش خليت وطلعت بره البيت
وثقى ؛ طلع وركع لباب ركعه .. بقة الدمعه بعيني كلت بكلبي (هوه حضي يكعد وياك ) .... صعدت للغرفه صدك بجيت من كل وكلبي سؤال بعقلي ليش اتصل سيف ع كولت عمر شنو اتذكر ماني صارلي شهر  ممحاجيته
وثقى : بين تفكير ودموع جان يصير رعد قوي واني ببيت ووحدي جبير غطيت راسي بالبطانيه وحاولت انام بس الخوف اكلني اكل ومطر قوي صار والشبابيك مفتحه كمت نزلت حته اسد الشبابيك وجان ترعد رعده بساع صعدت للغرفه لاسديت الشبابيك ولا بطيخ....
عمر : طلعت عصبي من لبيت رحت لكوفي بس جكاير اشرب كامت ترعد وتمطر اتذكرت وثقى تخاف بساع رحت للبيت لكيت الشبابيك مفتحه سديتهن ودخلت للغرفه ..
وثقى : اجه عمر وصدك حاقده عليه لان عافني كتله شكد حقير شلون تعوفني وانته تعرف بيه اخاف واضرب ابصدره
عمر :شفت وثقى صدك خايفه خذته لحضني وامسد ع شعرها ..كتلها اشش اني يمج لتخافين
وثقى : ولله سيف اول مره يتصل ( بدموع)
عمر : اوك انسي
وثقى : 😢
عمر : بقة وثقى نايمه بحضني لمن غفت .. بقيت افكر بهذا سيف ..وهم ضايج لان عيطت ع وثقى حضنتها حيل ونمت
وثقى : كعدت لصبح واني واني بحضن عمر بقيت صافنه عليه اتذكرت لبارحه شسوه بساع كمت رحت غسلت وسويت جاي وجبن اكلت شويه وكمت نضفت لبيت اصلا هوه نضيف بس مسحته جان يكعد عمر
عمر :كعدت شفتها تمسح بالبيت ومحضرتلي لريوك .. كتلها صباح لخير ماردت عرفتها ضايجه
عمر : وثقى!
وثقى : نعم
عمر : لزمتها من ايدها وكتلها اسف علمود لبارحه
وثقى : مقهوره بس ع شغلتين
وعمر :وهنه ؟
وثقى :لانك شكيت بيه وع تلفوني
عمر : ماحجيت
وثقى : صعدت للغرفه هم رتبتها وشفت عمر طلع ساعه ورجع هوه دخل للغرفه اني اخذت ملابسي ودخلت للحمام ف طلعت من الحمام (طبعا لحمام داخل لغرفه ) شفت ع الميز علبه رحت عليها فتحتها لكيت رساله كاتب عليها اسف وبالعلبه تلفون الي جنت احلم بي جان نازل اخر شي الي هوه ايفون 9 صدك بداخلي فرحت رحت عليه لكيته بالصالون شبكته من وره وكتله شكرا
عمر : بعد ماشفتها ضايجه ع تلفونها رحت جبتلها تلفون وحطيت بي خط ف عندي شغل ماطلعت لخاطرها شتغلت بالبيت واكف دا اجيب الاوراق حضنتني من وره وكلتلي شكرا درت وجهي عليها كتلها هاا رضيتي
وثقى :بأبتسامه كتله يي
عمر : حضنتها...
وثقى : يلا مبين عندك شغل هواي
عمر :  يعني مو هواي
وثقى : لعد شتغل
عمر :بأبتسامه  كتلها تمام
وثقى : كعدت يمه وهو ديشتغل
عمر : هاا خلصتت واخيرا
وثقى : جعت !
عمر : اطبخيلي !
وثقى :ماعرف بس
عمر :تعاي اني اعلمج
وثقى : مابيه حيل
عمر : يلا كومي ...
وثقى :خذاني من ايدي ورحنه للمطبخ لبسني صدرية الطبخ وبقه ديعلمني
عمر :روحي جيبي طحين
وثقى :رحت حته اجيب طحين جان عثرت ووكعت وصار وجهي كله طحين
عمر :هههههههههههههه شصاير بيج
وثقى : اشش لتضحك
عمر :تعااي ههههههه
وثقى :بقه يمسح وجهي وكالي انتي مصلحين لطبخ كعدي هناك واني اسوي اكل كتله تمام
وثقى : سوه فطائر وجاي حته هوه تعلم يشرب جاي وي كل اكل 😁
عمر : اكلي يلا ام بطن
وثقى :اممم واو ...
عمر :  طلعينه فلم حلو
وثقى : جبت الحاسبه وطلعت فلم ع النت فلم رعب
عمر : مو خاف بعد مترحين حته لتواليت 😂
وثقى :😒 باوع واسكت
عمر : وك 😂
وثقى :دباوع فلم وكلش مبين يخوف ودناكل جان ردت اشرب جاي وصارت لقطه تخوف جان يطلع جاي من خشمي
عمر : هههههههههه صحه صحه
وثقى : عزاا وين راسها راح
عمر :  كافي سدي (طفيت لحاسبه )
وثقى : ليش ماخليتنه نشوف راسها وين راح
عمر : 😂وين راح
وثقى : صارت الساعه ب 3 لضهر واني كاعده من وكت  ف نمت
عمر : نامت بالصالون رحت غطيتها (احسني صدك حبيتهاا واني محبيت هيج شخص بحياتي صح لطريق الي تزوجنه بيها مو حلوه بس يكفي انو تكون يمي ولاحضت ع نفسي بس اضحك وياها جنت قبل لا اعرفها اصلا ماحجي وي اي واحد بس ع كد الشغل بس من شفتها  تغيرت حياتي )
وثقى :كعدت لكيت عمر يلعب بتلفونه لكيته مصدوم ويباوعلي
وثقى :شبيك
عمر : ها مابيه
وثقى: وكفت كدام المرايا دا امشط شعري  جان تتصل عليه نور
نور: هاا شلونج شوو ماكو انتي تزوجتي وانتي نسيتينه
وثقى :دنجبي  بس تلفوني نكسر
نور : مشتاقتلج متجيني
وثقى :خاف عمر ميقبل
نور :باجر مو دوام من تخلصين تعالي
وثقى : مادري اشوف
عمر : وووثقى
وثقى :يلا بعدين احاجيج عمر يصحلي
نور :يلا بيباي
وثقى : هااا
عمر : شنو رايج نجيب خدامه
وثقى : شتسوي بيها
عمر : يعني شسوي بيها
وثقى :ماكو داعي
عمر : مو اريد اطلع وانتي تخافين تبقين
وثقى :لا بعد ماخاف😊
عمر :هاي شنو
وثقى : شعبالك
عمر : شتردين اكل
وثقى : موجوعانه
عمر : طلبت شاورما وبيتزا
وثقى :لعد ليش دتاخذ رأيي
عمر : يعني خاف تردين شي غير
وثقى :لا ماريد
عمر : باجر دوامج مو
وثقى : ي
عمر :صباحي لو ضهري
وثقى :لا كله صباحي
عمر :ها
وثقى :يلا رايحه انام حته اكعد من وكت
عمر :وك
وثقى  :نمت ب 9 كعدت 6 حضرت نفسي  صارت 7 ونص
عمر : يلا خلصتي
وثقى : هاي من شوكت كاعد
عمر : ب7
وثقى :خلصت يلا .... رحنه للمدرسه
عمر :هااج
وثقى :نطاني فلوس .... كتله شسوي بيهن
عمر : اخذيهن
وثقى :خذتهن ورحت دخلت لصف وكعدت بالرحله اجن بنات تعرفن عليه وحده اسمها فاطمه كالتلي اضافيرج واو حلوات
وثقى :شكرن
فاطمه :بس اكو مدرسه مجلوبه تغار من الابنيه الحلوه الي تطول اضافير
وثقى :بلكت متجينه
فاطمه : مدري
وثقى :خذوونه دروس وكل مدرسه اطب انتي متزوجه🙄 خلصت صارت 12 وربع كلت خل اروح ل نور ماطول بعد وكت ... رحتلها
نور : ياا عمري شلوونج (وحضنتها)
وثقى : بقينه نسولف ...
نور :تعاي دخلي
وثقى : لا عمر اصلا ميدري من اجيت
نور : ها
وثقى :يلا عمري غير مره.. صارت ب1 وبساع رحت للبيت جان الكه عمر منتضرني ويهز برجله ويشرب جكاره
كلت بكلبي بس لا عرف
عمر : هاا شلونها المدرسه وياج
وثقى :زينه (بتلبك)
عمر : وووين جنتي (بعصبيه )
وثقى : .......... يتبع
#الكاتبه نبا
ملاحضه :القصه موجوده بالواتباد اذا حابين تقروها واذا وصلوتها 200 تصويت انزل بارت