سرين وعيون الصگر.

البارت الرابع

علي: من كال جدي لملاك صحيلي جدي مو شيخ ادري بملاك تحجي الصراحه حتى لو كانت مؤلمه وراح تكله اني ما احبكم ومن هذا الحجي لهيج اني رئسن قاطعتهه وادري بيهه هي تكرة واحد يقاطعهه بس والله العظيم ردت اموت من نضراتهه الحاده لهيج كلت برتباك
لا جدي بس هي ما متعوده 
ملاك بهمس لعلي محد بيسمعه: علي تدري شنو عقاب اليقاطعني لو كان واحد غيرك جنت راويته ملاك الثانيه
علي: اوك حبي اسف
ملاك. اني راح اروح للمخفر اشوف الشغل شلونه هنا
علي: اوك اروح وياح
ملاك: لا ماكو داعي
كمت وحجيت بصوت عالي علمود يسمعه الكل وحجيت برود
بابا اني راح اروح شويه اشتم هوى
وردت اطلع قبل لا واحد يحجي بس وكفت بصدمه من سمعت ……
ـــــــــــــــــــــ
شهم:  جنت صافن على ملاك من حجاهه جدي وشلون ردت عليه برود بس ليش هيج اتسوي ورادت تحجي هي بس علي قاطعهه بس انصدمت شلون اتباوع لخوهه بنضرات غضب وحادة اصراحه كلش استغربت لان احنه عدنه الحرمه ما اتحط عينهه بعير الرجال حتى لو جان اخوهه ادور ظلت تحجي هي وياه بصوت ناصي وكلشي ما سمعت ادور كامت وحجت بصوت مسموع بحيث الكل يسمع بس الحجي يلي كالته تريد تتمشه  وملابسهه هذني وشعر طالع اني صرت عصبي بحيث عيوني صارن حمر وعروق ادي ورگبتي برزن وهي كبل طلعت حتى قبل لا تسمع الرد اني هنا ما تحملت كبل نطيت من مكاني وحاجيتهه بعصبيه واخوزر بيهه
شنو بله احنه ماعدنه حرمه تطلع طبي جوه لا اكسر راسج يلا
ملاك: من سمعت حجيه اني صرت عصبيه لان محد يوكف بوجهي حتى علي مو ادور هذا الهمجي بس حاولت اخفي غضبي ودرت عليه وحاجيته برود قاتل
وانتَ شنو حتى اتكسر راسي هاي اولا و ثانيا مو ملاك يلي يتحكم بيهه واحد مفهوم
شهم: من حجت هيج وبرود واني يلي محد يرفع عينه بعيني ويحجي مو ادور هي حاطه عينهه بعيني وتحجي برود اني هنا ما استحملت كبل رحت لهه ورفعت ايدي اريد اضربهه راجدي جان يلزم ايدي علي

علي: من كالت ملاك تريد تطلع وهذا شهم كام يحجي واني ادري بملاك ما اتحب شخص يتحكم بيهه وادري بيهه هسه اب اي  ثانيه اتكتله  وشفته شلون عصبت ومكوره ايدهه اعتقد راح تكون نهايتك ياشهم على ايد ملاك الف رحمه على روحك ياخويه لان جنت خوش زلمه ينشد بيك الظهر بس اني هنا ما اتحملت من كام يريد يضربهه كبل كمت ولزمت ايده وحجيت بعصبه حاولت اخفيهه علمود ما تصير ملحمه هنا وكتله
علي: من حجيت وياه ما كلت شي بس مال تضربهه لا والف لا يصير حجي ثاني وياك 
شهم:شنو والك اني الشيخ شهم محد يسترجي يرفع عينه بعيني مو ادور تجيني وحده زعطوطه تحجي وياي هيج لا وحق رب العزة اذا ما اتعدل اسلوبهه باحجي وتروح اتغير هاي ملابسه لابستلي بنطرون وجايه علمود تلفت انظار الزلم يلا روحي غيري هذا الزفت الابسته وحطي حجاب على راسج وهذا الزفت يلي بوجهج مسحي يلا طبعا احجي واني معصب واخزر بيهه

ملاك: من راد يضربني اني هنا ما اتحملت وحطيت ايدي على خصري وردت اطلع السلاح مالتي لان اني دائما وياي وحتى واني نايمه اخليه يم راسي المهم بس اجه علي ونقذا وكال الحجي يلي فوك بس باين علي هذا شهم ما يجي بلعين وغاتي لهيج دفعت علي وسحبت سلاحي وحطيته بين عيونيه اشو ذوله كلهه كامت وكلتلهه بعصبيه وحده واخزر بيه
ملاك:اذا ما تحجي عدل وحق من سماك شهم هذا افرغه براسك وما يرفلي جغن مو الملازم ملاك حسين يلي يتحكم بيهه واحد مفهوم وحجيت اخر كلمه بصياح عالي وكام هذا يلي يسمه جدي
الشيخ:شنو هذا الحجي بويه عوفي هذا البيدج هذا مو لعبه
ملاك برود:ومنو كالك اني دالعب بي هاا و وخرت السلاح من راسه وضربت طلقه  على الحايط وكلتله
هاي المرة بلحايط المرة الثانيه براسك

شهم:اني هنا اجتني صدمت عمري من رفعت السلاح بوجاي …

ــــــــــــــــــــــــــــــــــــــــــ
آلَکْآتٌبًهّ
تٌوٌتٌهّ آلَمًجّنِوٌنِهّ
ـــــــــــــــــــ
هّلَوٌوٌوٌ شُلَوٌنِهّ آلَبًآرتٌ حطوا الكومنت والفومنت ارجوكم

احبكم 💋💋💋💋❤❤