صرخت تغريد:اووووووف روووان شششوفي شناطي السفر الكبار مضيقات علي بشقتي فوق
روان:حطيهم بالغرفه اللي جنب غرفتي
تغريد بفرحه:ججد ماتبينها
روان ابتسمت:وش ابي فيها واصلاً احس لازم نستفيد منها نحطها مستودع لاغراضنا
تغريد:فكرت فيها بس توقعتك تحتاجينها
روان:لا ي قلبي مابيها
تغريد:حلووو واصلاً انتي قريب بتتزوجين
ابتسمت روان واستحت
تغريد:حييياتي الحياوي ، يلا بروح ارتبها
روان:طيب
قامت تغريد وطلعت لفوق وروان رجعت ع جوالها تناظر لانستقرام بندر وصوره وابتسامتها مااختفت الا لما تذكرت شيخه ، تعرفها من بعيد تعرف شقد هي حساسه وطيبه ، شلون بتتقبل فكره زواجها من بندر بعدين؟؟!
،
زايد يضرب يديه ببعض:وخلصنا
ناصر:باقي هالاغراض وين نوديهم
زايد:ع فكره ترا ماتكلمت معها عن البيت اللي بنوديهم له
ناصر:ليش؟؟
زايد تذكر لما دخلت اريام عليهم وماكملو كلامهم وطلع
ناصر:ليش ماتكلمتو
زايد ناظر له:كانت مشغوله
ناصر:الله يهديكك بس ، طيب امش نتكلم معها
زايد:روح انت لحالكك
ناصر:لا عاد تعال
زايد؛انـ.
وسكت شوي وابتسم:تمام روح ولاحقك
ناصر:طيب
ومشى وزايد اخذ نفس شوي لين دخل ناصر ومشى له
دخل زايد للبيت ويسمع صوت ناصر يتكلم مع العنود بهدوء والبيت الفاضي يطلع صصدى وكل كلمه واضحهه وسمع صوت ع يساره بالغرفه كانه ضرب ع الارض استغرب ولف شاف ناصر والعنود يتكلمون ومو لمه ، مشى للغرفه يساره وقبل يدخل طق الباب والضرب ماوقف ، استغرب اكثر وطق الباب بااقوى وكانه وقف الضرب شوي وبعدها رجع ، عقد حواجبه ولف شاف ناصر ماسكت ورجع ناظر للباب ومشى لناصر
ودخل عليهم ع كلام العنود
العنود:تشرفت فيكم ي ناصر وزايد بس والله مستحيه منكم يعني كذا كثير ساعدتونا وبـ.
قاطعها ناصر:واحنا تشرفنا فيكم وحسايناكم اهلنا ، يعني اللي ابيه بس تقبلين هالدعوه وتعالي لو اسبوع بس عندي بالبيت وعند زوجتي واختي نحطكم بعيوننا
العنود سكتت شوي
زايد:الود ودي اعيشكم ببيتي واطلع انا بس شكلك ماراح توافقين اذا مافي اهل ، عشان كذا خلكم عند ناصر وانا بخدمتكم
العنود ابتسمت:وربي ماتقصرون ، ماادري وش اقول لكن مشكورين ع مانلقى لنا بيت
زايد:براحتكمم
العنود:خلاص بنادي اريام ونطلع
ابتسم زايد:طيب ، ننتظركم بالسياره ، يلا ناصر
ناصر:يلا
وطلعت العنود قبلهم ومشت للغرفه ومن فتحتها ضضحكت وسمعوها ناصر وزايد واستغربو
العنود:ووقت دبكك انتي بعد هههههههه
وضحكت اريام
ودخلت وسكرت الباب
ناصر:هلا هلا الاخت تدبكك داخل
ابتسم زايد وطلع وناصر ناظر للبابعم وفيه الضحكه وطلع وراه
،
فتحت امنه الباب بقووووه وقامت خيريه بسسرعه
امنه نزلت عباتها ومحمد وراها وجامده ملامحهه
امنه؛خوووش والله ي اختي ، تششوفين ولدك كذا وسساكتهه
خيريه بضيق:بندرررر سود وجهي والله ماتوقعته يفكر مذا
امنه تتلفت:وووووينهه الدلوووع وييينه؟؟
خيريه:مو فيه طلع
امنه لفت لها:ورقه بنتي تاصصصلها اليوم تقوولينها له وششغله عندي قسسم لااقلب عيششته من زوجته الجديده سووووداااااا
خيريه نزلت راسها:قال لشيخه بيتزوج هاه
محمد بحده:قال ، لكن خله يدور احد يوقف معه بزواجه ، يلا امنه
امنه صدت واخت عباتها
خيريه:طييب انا وشش ذنبي
ماردو عليها وطلعو وخيريه تضضضضايقت اكثر وحست كل ششي فكرت فيه خررب ، بس الشي اللي مريحها ان ولد الموسى (سعود) ماراح يرجع لشيخه بعد اللي صار ، ممكن خيريه تحب شيخه بس طبع الغيره بالانسسسان لو اختلط مع انانييه ممكن يكرهه للي يحب الخييير
،
اريام بصدمه؛نعم؟؟
العنود بحده:اوووص اوصصص ولا كلمه ، هالرجال وقفو معنا وبنروح لبيت هالناصر لين نلقى لنا بيت سسامعه ماابي اعتراض
اريام:بسس احـ.
العنود بعصبيه:بسسس اريام ، لو مشيت بكيفكك كان نومتيني بمسجد ، امششي ولاتعترضييين لو مره
اريام صدت منقهرره
العنود لفت لثمتها واخذت شنطتها:يلاا
اريام ناظرت لها وطلعت العنود...
وضضربت اريام رجلها بالارض وتاففت وهمست:بنعيشش بييت مع ناسس وماناخذ راحتنا اوووف
واخذت شنطتها ولفت لثمتها وطلعت
،
بهالوقت دخل بندر للبيت يصفر وبيده السبحه يلعب فيها
وخيريه تناظر له بطرف عينها لين جلس
بندر:الله ي عرفت امكان جديده قسـ.
خيريه قاطعته:بندر انت تكرهني؟
بندر ناظر لها وابتسم:افا يمه وش هالسوال
خيريه:لا جد جد تكرهني بتموتني؟؟
بندر:اذبح اللي يقهرك
خيريه صرخت:اجججل وش قاعد تسسوي ، انت كل يوم بوووجه شفيكك؟ جد وربي بتذبحني
بندر تنهد:سالفه شيخه مره ثانيه!
خيريه:وثالثه ورابعه وعاشره شيخه زوجتك حسس شوووي بس
بندر:خالي يقول يبيني اطلقها وانا ماراح اقول لا
خيريه عصبت؛بندر
بندر قرب لها:يمه ، انتي كل هالزواج عشان ولد الموسى ماياخذ شيخه ، وانا ابصم لك بالعششر ان بعد مااطلقها ماراح ياخذها اححد لاني طلقتها من ثاني يوم يعني اكيد البلا فيها مو فيني فاهمهه
خيريه سكرت عيونها بقوه:اخخخخخ ي بندررررر بسس ، مو فاهمني
بندر ابتسم:متى تخطبين لي روان
لفت له خيريه بسسرعه
بندر:هههههههه اوك بطلق شيخه اليوم وبتزوج روان بكرا تمام؟
خيريه مسكت راسها بقوه وبندر قام
بندر:لاتتضايقين انا بروح للمحكمهه
وطلع وخيريه ضغطت ع راسها بقوووه حسست انها سسوت ششي كبيييير لو عرفت فيه امنه وشيخه وحتى محمد مسستحيل يسامحونها
،
ناصر طلع جواله:عن اذنك شوي
ناظر له زايد ومارد وناصر مشى بيكلم
وزايد واقف قدام السياره والعمال قدامه
العامل:بابا متى يمشي؟
زايد اشر له يسكت وسكت وزايد لف شاف العنود واريام طالعين من البيت
زايد للعمال:اركبو السياره والحقونا
العمال:اوك
وركبو ع وصول العنود واريام وراها ماتناظر لزايد ولا زايد يناظر لها
العنود:تاخرنا عليكم؟
زايد:لا ابد ناصر توه بيكلم ، تفضلو اركبو
العنود:ماقصرتو
ومشت لسياره وركبت ورا واريام ركبت جنبها وزايد صاد يناظر لناصر
ناصر:تغريد قلت لك رتبي الغرفه الفاضيه اللي جنب روان
تغريد بقهر:رتبتها وحطيت اغررررراضي
ناصر:طلعيهمم ، شوي وجايينا ضيوف يلا
تغريد:اووووف ناصصصر
وسكرت وناصر سكر ولف شاف زايد ياشر له وهو معصب
ومشى له ناصر:تاخرت
زايد:اركب وانت ساكت
ناصر:انا بسوق
زايد:اخلص
وركب زايد وناصر يسووق واريام ورا ناصر وساكتين لين حرك ناصر
ناصر:عسسى بس يعجبكم بيتي
العنود:مو مهم يعجبنا ولا لا
ناصر:افااا اهم شي اصلاً يعجبكم
ابتسمت العنود وسكتت وزايد ناظر لناصر بطرف عينه وناصر ابتسم وسسكت ، وسكتوو دقايق وفجاءه رن جوال زايد صار يدخل يده بجيبهه وطلع جواله ع صوت اريام
اريام:جوالي
سكت زايد واريام تناظر للمتصل وتوترررت (ماجد
////////////////////////////
رن جوال شيخه وتاففت وسحبتهه وردت
شيخه:هلا؟
عفاف؛ماعندي احد جيبني
شيخه:خلاص عادي صرت احسن
عفاف:بجيك بكرا زين؟
شيخه:طيب
عفاف:انتي ببيتكم صح
شيخه بضيق:اي
عفاف:تمام ، كلميني اذا تبين شي
شيخه:طيب
وسكرت وقامت من غرفتها حست خلاص بتنكتمم فيها طلعت ونزلت شافت امها ومحمد بالصاله ساكتين
شيخه:سلام
لفو لها:وعليكم السلام
محمد:هلا هلا اخيراً وريتنا وجهكك
جلست شيخه:وش تبي فيهه يزود الهم
امنه:وجع شيخه لاتقولين كذا
شيخه:بنطلع احس نفسي متضايقه حييل بالبيت
وبجلس فيه بعد بالعده يعني طلعوني اليوم
ناظرو لبعض محمد وامنه شوي وصدو بضيق
شيخه:يلااا
محمد:طيب يلا
ابتسمت شيخه وقامت وامنه ناظرت لمحمد ومششت لغرفتها اما محمد انقهرررررر عليها ووده لو يكسسر راس بندر بعملته هذي
،
نرجع لسياره ناصر
اريام كانت تناظر لجوالها وهو يرن وتفكر وششش بتقووول!
ع صوت العنود:اريام ردي
اريام لفت لها وهمست:ماجد
ناصر وزايد سمعوها
العنود:اعطيه مشغول اجل ع مانوصل ذا بيزعجك لين تردين
اريام رجعت تناظر للجوال ع صوت زايد
زايد:ناصر وقف ع جنب
ناصر ناظر له ومافهم واريام ناظرت لزايد
ووقف ناصر وزايد لف بس بدون مايناظر لهم
زايد:انزلي ردي
ناظرت له اريام شوي ونزلت
ولف زايد وناظر لقدام وناصر ناظر له مو فاهم ليش سوا كذا
،
اريام وقفت بعيد عنهم وردت
اريام:هلا
ماجد:عيووووني ، ليش تاخرتي مارديتي
اريام بببرود:كنت بالسياره مع عمتي
ماجد:يوه بس ي عمتك احسها ناشبه بالملعوم عندك وعندي هههههههههه
اريام صدت تناظر لسياره وماردت
ماجد:ايوه حبيبتي ، وين رايحين
اريام؛بنغير بيتنا
ماجد:اووه ليش؟
اريام:ابومرزوق جـ.
ماجد قاطعها:دقيقه خالد اكلمك بعدين
وسكر واريام انصصصصصصصدمت
ونزلت الجوال تتاكد ، وطلع مسسسكره جد وانقهرررررت تاكدت ان عنده احححد وجت بتتصل بس نزلت جوالها ومشششت بسسرعه لسياره
العنود وهي تشوفها جايه معصبه همست:الله ياخذك ي ماجد بسس
عقد حواجبه زايد مستغرب ليش؟؟
ركبت اريام السياره وضربت الباب بقوووه وكلهم استغربوو وسكتوو
ومشى ناصر
شوي وجاء صوت رساله وفتحتها من ماجد
ماجد؛(اسف حبيبتي ابوي دخل علي ع بالي بيخانق اني اكلمك هههههه)
اريام رمت الجوووال وزايد لف لها من الصوت واريام صاده تناظر للدريشه
والعنود تناظر لها
ولف زايد يناظر لقدام مستغرب
//////////////////////
طلعت روان من غرفتها ع صوت ازعاج جنب غرفتها استغربت
ومشت للغرفه اللي جنبها شافت تغريد توكانها ترتبها وهي تتحلطم
روان:وش عندكك معصبه؟
تغريد بدون ماتناظر لها:اخوووك وفيه غيره بيطلع فيني الششيب ، يقول في ضيوف بيجون
روان عقدت حواجبهت:ضيوف؟؟ من؟
تغريد اخذت الشناط بتطلع:اسأليه
وطلعت
روان:طيببب وش ذنبي انا استغفرالله
تغريد:شّمري اكمامك وتعالي رتبي معي قبل انججن
روان:والله زوجك طلب منك انا وش دخلني
لفت لها تغريد:رووووووان لاتخليني اذبحكك
روان:ههههههههههه طيب طيب خلاص يمه لاعصبتي تخرعين
ماردت تغريد ومششت وروان دخلت للغرفه ترتب وهي مستغربه من ممكن يكون بيجيهم؟؟؟
،
بسياره محمد
محمد:وين تبوننا نروح
شيخه:مممم عادي بس مكان حلو تعرف ماراح اطلع كل العده
امنه:اذا بندر مالمس ولا قرب لك مالك عده اذا تطلقتي
لفت لها شيخه:جد؟
محمد:اي جد، واحلا لك بعد ، خليه يولي هالقذر
شيخه بضيق:زين اشوا ع بالي كل مطلقه عدتها وحده
امنه بضحكه:ليش انا مدخلتك المدرسه اجل؟
شيخه ابتسمت:ماعرفت من هالمدرسه الا الحروف والارقام والباقي انمسح
محمد:ههههههههههه زين اخذتي الحروف والارقام بعد
ابتسمت شيخه وسكتت شوي وبعدها لفت لهم
شيخه:خالي ااجل بنرووح الالعاب
سكت محمد شوي وهو يناظرها بالمرايه
امنه:لا البنت انجنت
شيخه:تكفون تكفووون تكفوووون
محمد:خلاص تم تم
شيخه بفرحه:بتصصصل بعفاف ونمررها بعد
امنه:لا خليـ.
قاطعتها شيخه:ماعندها احد يجيبها حرام
محمد:اذا هالشي يفرحك ابشري
فرحت شيخه وطلعت جوالها
،
وبسياره ثانيه وقفت وطفى السياره
ناصر:ووصلنا للبيت هذا هو
العنود:ماشاءالله
زايد:اجل انا بنزل شناطكم اللي تبونها وباقي اغراضكم بحطهم عندي بالمزرعهه لين نحصل لكم بيت
العنود:ماتقصر زايد مششكور وربي ارسلك لنا عافيه
ابتسم زايد
ناصر:افا وانا؟
العنود:هههههههه وانت بعد
زايد:اعوذ بالله شوي وتذبحه الغيره ، ماعلينا حياكم وانا بركب مع الناقله
ناصر:حياكم
وفتحو البيبان بينزلون ولفت العنود لاريام
العنود:اريام يلا
ماردت اريام وسهييييييانهه
واستغربو ناصر وزايد ونزل ناصر اما زايد لف لها شافها مو معهم وعرف ان فيها ششي واضضضح
العنود حطت يدها ع كتف اريام:اريام
اريام:ها هلا
العنود:وصلنا
ناظرت اريام للبيت ونزلت نظرها وطاحت عينها بعين زايد وصد زايد ونزل واريام لفت للعنود:اوك يلا
العنود حست فيها شي بس ماتكلمت ونزلو
ومششت اريام وهي تفكر بـ ماجد وحست عمتها وقفت ووقفت اريام ورفعت راسها شافت زايد واقف قدامهم وناصر ينزل شناطهم
زايد: ناصر مثل ماتعرفين عنده اخته وزوجته واخاف لو مايقدر يلحق عليكم وعليهم ، ماقصدي بالمصروف قصدي اذا كنتو فجاءه تبون شي يعني ، واانا ماابي اثقل عليهه اكثر عشان كذا انا بهتم بكل شي لكم وناصر لاهله اذا كنتي تسمحين
العنود:ماتقصر انا فاهمه هالشي ماراح اطلب شي منهه
زايد طلع ورقه:هنا كاتب رقمي اي شي تبونه اتصلي علي وتراني فاضي من الصبح لليل وماعندي شي وتراني بعد اخوك يعني اي شي تبينه لاتترددين ماتتصلين
العنود اخذته وابتسمت:ابشر
اريام بهمس؛عممه يلا
العنود لفت لها وبعدها مشت لناصر ، اريام مششت وراها وحست زايد وقف قدامها ورفعت راسها وناظرت له
زايد يناظر لها وساكت واريام عقدت حواجبها وناظرت للعنود مو لمهم وتاشر للشناط اللي تبهم ورجعت اريام تناظر لزايد
اريام؛نعم؟؟
زايد:اول شي ي سارقه الكتب انا مو جاي اهدم عيشتكم عشان تتعاملين معي بقله هالذوق
اريام بصدمه:انا؟؟؟ وش سويت؟
زايد:تسكيرك الباب بوجهي اليوم الصبح مع كلامكك يبين ، انا تقدرين تقولين عابر سبيل بساعدكم وبمشي وصل؟
اريام تنرفزت:انت مريض؟؟ شي طبيعي ماراح اووافق ت طول ع مساعده من رجال غررريب ، وفارق عني انا حره بااسلوبي مع مين ماابي
ولفت بتمشي ووقف زايد قدامها
زايد:لا مو حره قله هالذوق ماراح تكبرك بعين احد
اريام؛ومممممين قال لك بكبرر بعييينك وشي عينكك اصلاً؟؟؟
زايد ابتسم وهو يناظر لها وكانها مستخفها:دفاع عن النفس يبين ضعفكك
اريام بصدمه:نعممم؟
زايد لف عنها:لا بس حللت شخصيتك
اريام شهقت:هييييه
زايد لف لها:ع فكره جوالك بالسياره مااخذتيه
واريام انصدمت ومشى عنها زايد
ودخلت يدها بشنطتها ومالقت جوالها وناظرت لزايد وهمست:بسم الله الرحمن الرحيم
ورجعت بسسرعه لسياره وشافت جوالها طايح تحت واخذتهه وطلعت ومشت ع صوت العنود تناديها وزايد يناظر لها وهو قدام الناقله ناظرت له اريام بطرف عينها ومششت ورا العنود وناصر اللي شايل شناطهمم وزايد ركب الناقله وناظرهم لين دخلو ومششى
،
أنت تقرأ
ماكنت بالنيه ورب العباد جابك
Acciónاللي اشوفه ظلام بوسط انوار ، مااسمع بس اللي حولي يتراقصون ع انغام اغنيهه مفرحه ، امي وصديقاتي وبنات عمي وخالي حولي بس مو قاعده احس فيهم خالي وخالتي يضحكون لي بس ماحس بفرحه احد ، كلهم فرحانين بولدهم الوحيد ولد خالتي الوحيد بندر بس هالبندر هدم فرحتي ن...
