عاشقي ام معشوقي

موعد👀

لواء:بعد ما عقدنه اني وأسما احس نفسي ملكت الدنيا واخيرا تحقق حلمي وصارت طفلتي إليه وره مرجعتهم للبيت أخذت رقمه من ابوهه بدون متدري وبالليل راسلته..
اسما:بالليل وره العقد كاعده دا اقره لأن احنه بفتره مراجعه وجتني رساله عالفايبر من رقم غريب كبل حذفته شويه ورجع هم دز رساله وحذفته وراهه دك مكالمه وما جاوبت كلت هذا منو بعدين دزلي رساله وكلي جاوبي اني لواء ..
لواء:دزيتله رسالة وكتبت مساء الخير وما جاوبت وراهه رجعت دزيتله جاوبي وهم ما جاوبت وراهه دكيت عليه وما جاوبت عرفته من نوع مترد على رقم غريب دزيتله جاوبي اني لواء..
اسما:عزا هذا منيله رقمي(احجي بكلبي) اهلا لواء
لواء:اهلا بيج شلونج
اسما:تمام الحمد لله
لواء:دومج
اسما:تدوم ايامك
لواء:اكيد دا تفكرين مين جبت رقمج
اسما: الصراحه يي بس اكيد لو من بابا لو من محمد
لواء:يي من أبوج
اسما:ممم
لواء:بس حبيت اكولج انو باجر حمر عليج بالليل نطلع
اسما:شنو لا ما اكدر
لواء:ليش ما تكدرين؟
اسما:لواء نته تعرف ماما متدري بخطوبتنه فما اكدر اطلع وياك براحتي
لواء:يي ادري بس لا تشيلين هم اني راح اتفق ويه عمي(يقصد بابا)ومحمد عود حتطلعين ويه محمد
اسما:اوك ماشي
لواء:ههههههه عبالك مراهق وطالع ويه حبيبته ولا يكولك مخطوبين وعاقدين
اسما:هههههه شنسوي بس ماما حترفض اكيد وما عدنه غير هذا الحل
لواء:يلا الحمد لله على كل حال المهم صرتي حلالي اوووف شكد احبج
اسما:...
لواء:لا تجاوبين يجي يوم وتكوليه
اسما:اوك شكرا على تفهمك
لواء:عفوا بنيتي
اسما:بنيتك ؟
لواء:يي بنيتي وطفلتي الي نتضرتهه تكبر وتصير الي
اسما:ممم ماشي
لواء:يلا بنيتي اخذي راحتج
اسما:باي
لواء:بايات

اسما: طلعت من المحادثه وحيل فرحت لأن حاجاني وكولش متحمسه لباجر حتى نلتقي وراهه خلصت دراسة ونمت كعدت ثاني يوم كروتين ودرست وراهه الظهر ماما نامت وبابا حاجاني انو لواء حيطلعني اليوم وفهمني انو اني حروح العشه بره ويه محمد وراهه نروح نفتر صار الليل وتجهزت لبست بنطرون جينز وعليه بدي وفوكاه بشت اسود وذهبي وشال بي ذهبي خلصت وطلعت طلعني بابا وجان لواء واكف بالباب سلم عليهه وصاه عليه وكله
ابو اسما: شوف لواء اني ما رحت وياكم ولا دزيت عمه وياهه لأن مأمن بيك وادري بيك شكد تحبه واكيد تخاف عليه مثلي
لواء:بعيوني عمي تحجي صدوك هاي بنيتي واشكرك على ثقتك
ابو اسما :العفو يلا حبايب روحوا تونسوا بس لا تتأخرون
لواء:أن شاء الله عمي مع السلامه
ابو اسما:الله وياك ابني
اسما:سلمت على بابا وصعدت ..طول الطريق فاتح اغاني ويغني ويه المطرب ويباوعلي جان فاتح ضمني ضمني
لواء:لآخر نفس اهواك عمري وحياتي فداك كلمه احبك موت ما احبه بس وياج 🎶🎤
اسما:لزم ايدي وطول الطريق يبوس بيه خجلت كولش وهوه حس عليه وكرص خدودي وهد ايدي ..كتله لواء احنه وين رايحين شو الطريق طويل
لواء:من نوصل اكولج
اسما:مممم ماشي .. بعد فتره وصلنه ونزلنه وكال يلا نزلي جان مكان مثل الشط وعليه رمل والجو جان يجنن وهوه مسوي مثل الكعده وعليه شموع منظر مشايفته بس بالمسلسلات باوعتله واني مبتسمه كال عجبج كتله كولش
رحنه كعدنه وتعشينه وراهه اكلنه حلويات وكلي كومي كمت
كعد كدامي مثل الديطلب ايدي
لواء:شوفي صح اني ابن شيوخ وهاي مو من عادتي وخاصه هسه نتي مرتي بس ما احب الشي التقليدي بنيتي طفلتي الي عشت عمري افكر بيه واتمناهه الي من اول ما شفته حبيته وهيه طفله وما هتميت لأن أسرت كلبي ببرائته ونظرة عيونه عمري وحياتي وحبيبتي تقبلين تتزوجيني واكون شريك حياتج بس قبل موافقتج اريد اسمع الكلمه الطول عمري منتظرهه
اسما: فرحت وخجلت وما اعرف شأسوي وكلامه واسلوبه ونظرة عيونه الي تبين صدوك لواء حبني وما حب غيري وهوه الشخص الي اكدر اكوله احبك بدون ما اتندم جاوبته بدون تردد احبك واني موافقه وما حسيت غير شالني وكام يفرني
لواء:بعد ما عترفتلي ووافقت حسيت هسه صدوك كملت فرحتي شلتهه وفريتهه
اسما:عاااااا لواء نزلني حباب
لواء:هههههه نزلتهه وحضنته صدوك بنيتي تحبيني
اسما:يي وضميت راسي بصدره
لواء:اووووف يا روح لواء واني اعشكج ..شو باعيلي خل اشبع من عيونج ليش هيج ضامتهم عني
اسما:باوعتله
لواء:اويلي يأبه شنو من عيون
اسما: عاد لهنا ولا تجامل بعد عيوني صغار
لواء:ييي بس احبهم اني
اسما:وهنه ما يشوفن غيرك وابتسمتله ..ما حسيت غير باسني وبادلته بس جان بوسه كولش حلوه لأن ثنينه متأكدين من مشاعرنه ....وره فتره فصل البوسه وراح على خدودي يبوس بيهن بالاخير عضهن .. أوووي لواء خدودي
لواء:هاي الاووي لا تكوليه كدام أحد وخدودج ملاتي لج مو خدود تفاح والله
اسما:احم يي يلا هسه ممكن نرجع لأن تأخرنه
لواء:فديت اليخجل يي حبيبي يلا نرجع
اسما: صعدنا للسياره وطول الطريق فاتح اخيرا كالها و يبوس بأيدي لو من خدودي لو يكرص خدودي موتني بس فرحانه على فرحته وصلت للبيت وصعدت لغرفتي بدلت وكملت وحجينه وضلينه لل4 نحجي ونضحك على الشغلات النحبهم واطباعنه وكال يوميه نسولف هيج حتى اني اتعود على اطباعج ونتي هم كتله ماشي
لواء: بس بنيتي لبسج غيري
اسما:ليش لواء ترا لبسي معقول
لواء: حبيبي ادري بس نتي ما شاء الله حلوه وتجيبين التايه وهذا لبسج يجذب
اسما:ممم ماشي
لواء: بنيتي اريدج تقتنعين انو تغيرين لبسج مو على مودي
اسما:لا ان شاء الله عن اقتناع
لواء:يلا بنيتي اخذي راحتج إخرتج اليوم وباجر وراج دراسه اسما:لا عادي مصار شي تصبح على خير ❤
لواء: ونتي من اهله يعمري 💋

يتبع ...

هلاوووو بنات اسفه والله صار يومين ما منزله بارت بس جانت عدي ظروف والله اعذروني وان شاء الله يرجع النشر مثل قبل بس حيتبدل الموعد ويصير الساعه ب12 بالليل بدال الساعه ب10 ..
والنشر الأسبوع الأول..الإثنين..الأربعاء..الجمعه.
الأسبوع الثاني الأحد.. الثلاثاء..الخميس..السبت.
ويرجع اسبوع هيج اسبوع هيج أن شاء الله كدرت اوصل فكره النشر 😂😂
احبكم❣

منونه الشمري 💌