عاشقي ام معشوقي

تبادل مشاعر 💑

اسما:بعد ما لواء اعترفلي بمشاعره واني تخربطت أفكاري وكمت افكر بي دائما وهوه كام كل فتره يمر للحله عده شغل ويمر يطمن علينه صرت افرح من اشوفه واتحمس لجيته وانتظر واعد الأيام شوكت يجي وأكثر كلمه احبه بكلامه هيه ال(جا) تموت وخاصة هوه صوته خشن وبي بحه تصير تموت ..فمره من المرات أجه وجان محمد عازمة عالعشه تعشينه وخلصنه وكعدنه نلعب العاب تعلوله ساعه دومنه ساعه محيبس فجان عمو جايب هذي مال دكات الكلب السماعه فإني طلعته وعود صرت دكتوره ..فحصت جدو وبيبي وعمو علي ومرته وصلت لمحمد ..ممم يي حمودي حطيت السماعه على كلبه
محمد:ها ولج بشري
اسما:عيني حمودي كلبك تعبان يا عيني عميمي
محمد:يي والله كلبي تعبان
اسما:هههههه ديربالك عليه لعد ..خلصت محمد ورحت لابن عمي الجبير ندلعه نوني حطيته على كلبه لك نوني هذا كلبك كلب عاشك ولهان
نوني:ييي كلب ابن عمج عاشك
اسما:بيه الخير ان شاء الله عن قريب نسمع اخبار تفرح😉
نوني:أن شاء الله
اسما:خلصتهم بقه لواء رحت يمه بس ميته خجل حطيته على كلبه ودكات كلبه احسهن يركضن همستله كلبك عده سباق ..
لواء:هاي دكات كلبي هيج تصير من تتقربيلي
اسما:دكات كلبي اني كامت تقره الف ومتت خجل همسلي لا تخجلين بس شوكت تحنين عليه ..هوه يحجي واني احس راح اوكع من طولي عفته وطلعت من الاستقبال هوه بقه ورايه شويه وراح ..بس بهاي الفتره انتبهت انو مروان كل ميجي لواء يختفي ما عرفت السبب لأن مروان ولواء كولش اصدقاء ..وبعده عدت الأيام والأشهر واجت نص السنه بس صار حدث بيه ما جنت متوقعته بالعطلة مال نص السنه جنت  يم بيت جدو و كاعده  وحدي بالهول ما احس غير مروان طب وقفل الباب كتله مروان شدا تسوي
مروان:اششش اريد احجي وياج
اسما:الصراحه خفت لأن مروان اول مره يسوي هيج كتله كول بسرعه لا يجي احد
مروان:اسما اني احبج ومو بس احبج اموت عليج
اسما:انصدمت من الكلام السمعته بس ما اتحرك بيه شي بداخلي مو مثل من اعترفلي لواء حسيت بفرحة  وشعور غريب من لواء كال احبج وبهاي  اللحظه اكتشفت انو اني حبيت لواء جاوبت مروان لا مروان عيب عليك هالكلام احنه ما بينه بس الاخوة
مروان:لج اكوله احبج تكول اخوه يا اخوه ولج احبج
اسما:يي بس تعذرني اني ما اكدر احبك
مروان:ليش تحبين شخص ثاني
اسما:لا ماكو هيج شي بس اني اعتبرك اخوية وما اكدر احبك
مروان:خلص هذا آخر كلام عندج
اسما:يي آخر كلام
مروان:ماشي يبت عمي واني اسف اذا تجاوزت وياج
اسما:لا مصار شي بس اتمنى ما يتكرر هذا الموقف
مروان:لا ان شاء الله ميتكرر..
اسما:فتح الباب وطلع فرحت لانو رفضت مروان مو فرح اهانه بس حسيت انو اني بعد عدي امل ويه لواء انو احبه ويحبني وما كدر ارتبط بأحد ثاني غيره  ..مرت الأشهر وكعدنه مراجعه ف بالمراجعه كال بابا اليوم نروح لبيت ابو احسان(صديق بابا وشيخ عشيره)ماما كالتله اني ما اروح لان جانت مريضه فرحنه اني وبابا لأن لازم نروح لأن عازمنه واني احب بتهم اسمه اسماء صديقتي كولش فكاعدين اني وأسماء وره الغده دتسوي جاي وحسينه على هوسه بره كالت يجوز ناس جاين على أبويه شويه واجه ابنهم كاله سوي كهوه والله سوت واجه اخذه شويه وسمعنه ضجه يم باب المضيف رحنه نسمع وكفنه قريب عالباب وسمعنه..
ابو احسان:خويه ابو لواء ليش متشرب كهوتك
ابو لواء:كهوتي ما اشربه إلا تنفذولي طلبي
ابو احسان:كول خويه وإذا طلبك يمنه تأخذه من عيوني
ابو لواء:سالمه عيونك بس طلبي يم ابو اسما شوف شيخ اني قبل فتره طلبت بته لابو اسما وهوه رفض وكال بعدهي صغيره بس اني اليوم جاي وجايب هالوجوه الطيبه حتى ارجع اطلبه لأن ابني رايده وميريد غيره ابو اسما اني جاي اليوم وطالب ايد بتك لابني لواء واتمنى ما ترفض
ابو اسما:ما عاش اليردك بس لو البنيه مكملة تدري بيه ما ارفض بس بعدهي صغيره
ابو لواء:واني عدي الحل هسه نعقدلهم ومن تكمل سادس نزوجهم مو صح شيخنه
ابو احسان:صح كلامك ويا ابو اسما اني دا اشوف الرجال وابنه شاريه لبتك ونطاكم مهله وافق وان شاء الله خير
ابو اسما:لازم أسأل البنيه وعمامه جاين بالطريق
ابو لواء:يي طبعا
اسما:اباوع لأسماء واكفه تردح واني ما اعرف اذا سألوني شراح اجاوب صح اني احب لواء بس متوقعت يرجع يتقدملي
اسماء:ولج والله وكبرتي وصرتي عروس
اسما:لج لا تخجليني احنه دنحجي طب اخوهه كاله اطلعي ابو اسما وعمامه يردون يحاجوهه ..راحت اسماء وطب بابا وجدو وعمو علي ومحمد وعمامي2 بعد ونوني ومروان وابن عمتي الجبير
ابو اسما:بابا اسما اليوم أجه عمج ابو لواء علمود يطلب ايدج لابنه وكال حاليا بس عقد ومن تخلصين سادس الزواج شغلتي باباتي
اسما:اني متت خجل اول مره انحط بهيج موقف كتله بكيفك بابا
ابو اسما:بابا إذا متردي كولي
محمد:هاي شبيك ابو اسما البنيه كالت بكيفك لو ماتريده جان رفضت
ابو اسما: هيه هالبنيه وين تريدني اوديه للناصريه
جدو: ابني هاي قسمه ونصيب والولد رجع خطبه يعني شاريه ومراح تلكه اليصونهه مثله
ابو اسما:هذا آخر كلام الج بابا يعني موافقه
اسما:اباوع لمروان الي بعيونه نظره عتاب ويريدني ارفض جاوبت بابا وكتله موافقه ..باركولي وطلعوا وشويه وصاحوني حتى نعقد ودتني اسماء وره الباب ردد الشيخ واني رددت ورا ووكلت بابا لأن قاصر اسماء كامت تهلهل وطبت ام لواء واخته وبيبيته يهلهن سلمت عليهن وباركلي ام لواء:مبروك بنيتي صحيح اني جنت ما موافقه بالبدايه بس من شفت تعلق ابني بيج كلت ولا أكسر بخاطره مدام يحبج الله يوفقكم وهسه عرفت ليش ابني هيج كاتل نفسه عليج هوة اليشوف هذا الجمال اكيد ميتركه
اسما:ابتسمتله وكتله الله يبارك بيج خاله تسلمين....جنة كاعدين ودك فون الماس وراحت جاوبت شويه ورجعت
الماس:ماما لواء يكول اريد اشوف مرتي
ام لواء:يي ماما كوليله هسه
اسما:ودوني لغرفة من الغرف شويه وطب والابتسامة على وجه تقرب يمي كولش وكال
لواء:مبروك حبيبي ان شاء الله ربي يقدرني واسعدج
اسما:جاوبته الله يبارك بيك ..وما احس إلا شفايفه صارن على شفايفي ويلتهم بيهم يي هذا جان وصف بوسه لواء بوسه مليانه حب وحنيه وعنف وشوق فصل البوسه وهمسلي
لواء:اووووف شكد جنت أحلم تصيرين مرتي وهسه تحقق حلمي اسف حبيبي اذيتج بالبوسه
اسما:استحيت من كلامه وكتله لا مأذيتني
لواء:حبيبي نتي موافقه عليه لو مجرد علمود متحرجين أبوج
اسما:لا اني موافقه
لواء:يعني تحبيني ؟!
اسما:حرت شارد عليه لا مو حب بس من آخر مره حاجيتني نولدت مشاعر الك بداخلي وان شاء الله اتأكد منه واعترفلك
لواء:أن شاء الله
اسما:حاول يوخر شالي بس رفضت كال ترا اني زوجج وهذا حلال كتله ادري بس ما متعوده كال واني دا اسوي هيج حتى تتعودين بعدني ما مجاوبه وخر شالي وأخذ نفس من ركبتي وهمس افيييش يا عطرج الجان مدوخني خدرت بايده ومن لمسته بس بعدته وكتله لواء ليجي احد
لواء:ممم ماشي  حبيبي رتبي نفسج حتى نطلع
اسما:عدلت شالي وطلعنه ورحت كعدت وهوه راح بأس رأس بيبيته
لواء:ها حبوبه شفتي مريتي خوش اصيد مو
بيبيته:يي يمه تخبل جنه جماره ولايكتلك بس صارلك ساعه كارص بيه بالغرفه شعدك وتغمزله
اسما:عزا ستحيت وهوه ابتسم على كلامه وكله حبوبه ديري بالج على مريتي
بيبيته:امشي ولك هاي صارت بنيتي ومره الغالي ل توصيني عليه
اسما:تسلمين بيبي
بيبيته:ولج بيبي شني كولي حبوبه
اسما:ما اعرف اكوله
بيبيته:لا تتعودين عليه
اسما:ماشي..حبوبه
خلص العقد ورجعنه لواء للبيت وطول الطريق عينة عليه بس من رجعنه بابا مكال لماما لأن ماما حترفض رفض قاطع وخاصه هيه مريضه وكال خلي من تخلصين سادس يتقدملج وإذا رفضت نحطه أمام الأمر الواقع...

يتبع...

هلاوووو حبايبي اليوم البارت طويل واتمنى يعجبكم وهاي لعيون نور بس مو اليوم انزلج البارت الثاني باجر ان شاء الله باجر بارت هديه لأن وعدت نور 😘