عاشقي ام معشوقي

حادث مؤسف 💔

اسما:بعد مرور فترة من خطوبتنه ظلينه على تواصل اني ولواء ودائما يجي للحله ونشاوف وكولش جانت فتره حلوه واجت الامتحانات ولواء ابد ما أثر على دراستي لأن جان يتصل ساعه وحده باليوم والامتحانات تركت الفون فجان يخابرني على بابا يسأل عليه ويكولي شدي حيلج اريدج تبيضين وجهي ويروح .. قبل يوم من امتحان الإنكليزي خابرني لواء ..
لواء:الووو ها بنيتي شلونج
اسما:هلاوو لولو(لقب لواء)تمام
لواء:دومج تمام
اسما:تدوم ايامك نته شلونك
لواء: تحت رحمه ربج .. حبيبي باجر اني اجي اخذج للامتحان
اسما:مممم اوك كول لبابا
لواء:يي حبيبي كتله كال ميخالف
اسما:ماشي اشوفك باجر لعد
لواء:أن شاء الله يلا بنيتي درسي زين وشدي حيلج
اسما:أن شاء الله
لواء:باي
اسما:بايات
اسما:خلصنه مكالمه وجهزت كولشي وخلصت دراستي ونمت كعدت الصبح وبدلت وطلعت لكيت لواء بالباب..
اسما:صباح الخير
لواء:صباح النور بنيتي..يمه فديت هيج الصباح إذا اتصبح بوجهج
اسما:فداك الكون 🙂
لواء:يي شلونه المعنويات
اسما:تمام بس شايله هم للفيزياء
لواء:أن شاء الله سهله نتي بس ركزي وتجيبين درجه كامله
اسما:أن شاء الله ..وصلنه للمدرسه ولواء كلي ب10 ونص أمر عليج كتله ماشي ونزلت دخلت للقاعه وامتحنت وجانت الاسئله الحمد لله سهله خلصت ورحنه اني والبنات للسوبر ماركت اليمنه ومن دا ارجع من السوبر ماركت شفت لواء
بس مو لواء عزااا عيونه بكصته رحت يمه وكال اصعدي بساع صعدت بدون نقاش بس دكات كلبي تقره الف
لواء:نتي شلون تروحين وحدج بدون ما تكوليلي
اسما:ليش وحدي مو ويايه البنات
لواء:لج لا تخبليني شفتي الولد الي بباب السوبر ماركت واني الغبي واكف هنا صارلي ساعه اكول خطيه خاف بعدهي والأسئلة جوز صعبه طلعت الأخت رايحه تشتري
اسما:طبعا هوه يحجي باعصاب وشراينه ناطه يمه متت خوف .... اااا لولو والله ما نتبهت ومن رحت مجانوا موجودين سوري والله متنعاد بعد
لواء:لااا هم عوزج تنعاد باعي قسما بالله اذا بعد ترحين للسوبر ماركت تشوفين شيصير هذا السوبر ماركت تلغي ممنوع تطبيله
اسما:شفت الوضع مو مال جدال سكتت
لواء:(بصوت عالي) مفهووووم
اسما:يي مفهوم 😒
لواء:عيونج يول
اسما:شبيهن صخاماتي
لواء:اموت عليهن لا تحجين عليهن هذني الي
اسما:....
لواء:حبيبي والله من غيرتي هيج صيحت ما شفتي الولد شلون من طلعتي من المحل اكلوج بعيونهم
اسما:مصار شي بس بعد لا تصيح عليه
لواء:ينكص لساني ولا اصيح بيج بعد
اسما:ماشي .... وراهه رجعني للبيت واجه امتحان الرياضيات امتحنت واني متعوده أخذ الفون ويايه حتى خاف الخط يتأخر أو يصير شي أجه الخط وصعدت بالطريق دك فوني وجان رقم لواء رديت كلت الووو بس هذا مو صوت لواء
سليم(ابن عم لواء) السلام عليكم اسما اني سليم
اسما:اهلا سليم
سليم:اااا اسما ما اعرف شأكولج ويجوز غلط اكولج بس لازم تعرفين
اسما:خير سليم قلقتني كلبي نغزني من حجي سليم عرفت اكو شي
سليم:اسما لواء سوه حادث من ديرجع بالطريق وحاليا هوه هسه بغرفة العمليات
اسما:شنوووووو احس جسمي برد وما اعرف شأسوي حتى ابو الخط وكف السياره .. سليم حباب نتو بيا مستشفى
سليم:احنه بمستشفى( )أخذت العنوان من سليم وخابرت بابا كتله هسه اروح رفض بالبدايه بس بعد اللح قبل وكال كولي للخط ابقوا بمكانكم اني هسه جاي أجه بابا ورحنه اني ويا للمستشفى وصلنه لسليم وكتله لواء وين كال جوه بالعمليات ادعيله اسما حالته خطره ..رجليه بعد ما اكدر اوكف عليهن كعدني بابا عالكرسي وسليم جابلي غراض لواء كال خليهن يمج جانوا موبايله وساعته بس مكسوره والموبايل مفطور فتحت فونه وشفت صورنه اني ويا شبعت بجي وجان عده البوم كامل بصوري حتى من جنت طفله ضليت كاعده وادعيله ربي بس نجيليا كولشي ما اريد بعد بعدين اجو ولد عمامه وعمامه وكلهم سدوا المستشفى كل كثرتهم ما شاء الله بابا كلي خل نرجع ميصير تبقين هنا وحتى لواء مراح يقبل رجعت للبيت وره ساعه خابر سليم وكال طلع من العمليات فرحت بس رجعت نتكست من كال سليم دخل بغيبوبه 💔شبعت بجي عليه لهيت نفسي بالدراسه وبعد يومين من رجعت من امتحان الفيزياء تلكاني بابا وكالي لواء صحه احس رجليه مو عالكاع احسهم طايرين بالسمه رحنه للمستشفى من خفوا جماعته طبيت عليه سوده عليه حبيبي صاير اصفر شافني وابتسم بس بعدين عقد حواجبه سلمت عليه وتحمدتله بالسلامه رد عليه وبعدين كال
لواء:شجابج لهنا والمستشفى كلها ولد
اسما:هههههه لا تخاف ماكو احد بس سليم ومحمد حتى ونته بهاي حالتك تغار
لواء:جا شلون لعد شنو سويت حادث راحت الغيره
اسما:لا هههههه ...ضليت كاعده يمه وسولفنه وحجالي عالحادث وبعدين رجعت للبيت ورحتله ثاني يوم لأن خلصنه امتحانات جنه كاعدين نضحك وطبت الططوه اهوو و اجت بهمس
لواء:اششش ولج دقايق وتروح
اسما:مممم سكتت ارد اشوف تاليته طبعا الي ضجت منه هيه ريم بت خاله لواء جانت تريد لواء ولسه تريده واني اتخبل من تجي ادخل إنذار
ريم:حياتي لواء الحمد لله على سلامتك ما تشوف شر ما تدري شصار بيه من سمعت الخبر متت عليك
اسما:كون متي صدوك وشالوج للكبور بهمس
لواء:يضحك على حجي أسما الله يسلمج بت خالتي ما بيه شي حادث بسيط
ريم:يي الحمد لله كول حياتي اي شي تحتاجه اني موجوده وإذا تريد ابقه يمك
اسما: لا حبي ما يحتاج مرته موجوده وتقوم بالواجب نشكر خدماتج
ريم:يي الله يخليكم لبعض
اسما:تسلمين يوم الالج واخلص منج(بهمس)
ريم:شكرا
اسما:كعدوا شويه وراحوا..اووف هسه ارتاحيت من راحت
لواء:خرب هههههههه ولج نتي فلم هيج تغارين عليه
اسما:طبعا اغار زوجي شعدي غيرك
لواء:اخخخخ والله لو اكدر اكوم جان محد هدج من أيدي
اسما:ههههه ديلا خل انطيك دواك أخذ الدوه وكال بعد وحده كتله لا كاملين كال لا بعد وحده ما موجوده هنا كتله لعد وين وما احس إلا أخذ شفايفي 💏وبتعد..
لواء:همسلي هاي وره كل دوه أخذ وحده حتى أطيب بسرعه
أسما:روح لواء نته صاير منحرف وكمت من يمه أجه بابا ورجعت للبيت وراهه لواء طلع للبيت واني كمت يوميه اروحله وارجع بالليل ومن تجي أمه اروح العصرية وارجع ..

يتبع...

هلاوووو حبايبي أن شاء الله يعجبكم البارت واريدكم تصوتون حتى تصعد القصه
احبكم ❣

منونه الشمري 💌