نهوه_جبار
البارت الثالث
اجت ماما وكعدت يمي سالتها كلت الها ماما منو هاي التباوع عليه .. كالت يا قصدج ام جبار .. بهاي الاثناء عرفت نفسي ما راح ارتاح من اتزوج جبار .. خلصت الخطوبه وطبيت للغرفه .. حطيت راسي ع المخده وكعدت اتذكر جبار شلون جان يدافع الي من جنت صغيره لحد ما نمت ..
كعدت وكمت بدلت هدوم مال مدرسة ورحت .. ضليت امشي بعدين اسمع واحد يكول مو كتلج هاي الصدريه متلبسيها .. اني متت من الخوف درت وجهي واشوف جبار كدامي وشكله يخوف هوه وعصبي .. ها شو صرتي خرسه جاي احجي وياج .. بلعت ريكي وكلت اله معليك .. كال خطيبتي انتي نسيتي ... وبعدين تعاي اوصلج راح الوكت .. كتله لا ميحتاج اني امشي ... اني كلت هيج وهو صار اعصاب كال تصعدين لو اصعدج بطريقيتي .. ها اي هسه اصعد .. صعدت بلسياره واني ميته خوف .. وصلني وكلت اله تعبتك وياي .. كال ماريد اسمع بعد هاي الحجايه افتهمتي ..
أي ها افتهمت طبيت للمدرسه واشوف الكل يباركلي .. هلا نور مشتاقتلج وين هل غيبه .. اني غيبه لو انتي .. شنسوي اي صدك شلونج .. الحمد لله حبيبتي وانتي .. تمام كلبي .. خلص اليوم ورجعت من الدوام حيل تعبانه وجوعانه ... وينج ماما الحكيني .. اجت امي تركض بخوف شكو بنيتي .. جوعانه الحكيني .. وجع اي والله عبالي بيج شي .. كلت الها شنو الغده .. دولمه اني كالت هيج واطفري صدك دولمه .. اي شبيج يمه .. لتحجين وياي ماما اريد اكل .. الحمد لله ع نعمه العقل .. اكلت ورحت نمت .. كعدت واسمع صوت مال جبار .. وينها نايمه بغرفتها يمه .. اني قبل طفرت سمعت صوت فتحت الباب .. ولبدت جوه الجربايه ..
كال بصوت ناصي طلعين من جوه الجربايه لو اطلعج اني .. كبل طلعت وكلت ها جبار شلونك مشتاقين .. هو انصدم اجه يمي واتقرب حيل .. كلي مشتاقه اليه .. كلت ها اي لا اشاقه .. هوه وخر وكعد يضحك .. اول مره اشوفه عنده غمازه .. كلت بكلبي شهل غمازات .. كال ادري حلوات .. كلت بكلبي يبو شكد عقده .. اتقرب يمي وكال منوه العقده .. بلعت ريكي وكلت شنو .. باسني بخدي .. وكال شبيج مرتبكه .. اني كلت شلون منيه مرتبكه .. يلا اني رايح ديري بالج على نفسج .. راح واني كلت اني شبيه كل ما يجي يمي ارتبك واخاف .. حطيت راسي ع المخده واني كل ساعه اتذكر جبار معقوله احبه .. كعدت ردت ابدل اتذكرت اليوم الجمعه .. صبحت ع ماما لكيتها تخبز خبر .. احنا حالتنه زينه بس امي تحب كلشي تسوي بيدها .. كعدت اتريك .. وين بابا .. بلشغل بنيتي .. كمت لغرفتي اعدل الكفشه مالتي جنت حيل ضايجه .. شفت موبايلي رن .. المتصل جبار .. مرديت عليه .. دز رساله كال اعرفج موجوده اليوم حظري روحج الساعه ثمانيه اجيج
يتبع ...
