نهوه_جبار

نهوه_جبار
البارت الرابع
كمت لغرفتي اعدل الكفشه مالتي جنت حيل ضايجه .. شفت موبايلي رن .. المتصل جبار .. مرديت عليه .. دز رساله كال اعرفج موجوده اليوم حظري روحج الساعه ثمانيه اجيج
.. طفرت كلت شنو .. كمت سبحت وبدلت وبديت احط مكياج .. حطيت عطر سمعت صوت الهورن مال سياره يدك .. كومي بابا اجه جبار يريدج .. بابا راح اروح وي جبار .. كلي روحي بنيتي هذا رجلج .. رحت وبديت امشي ولكيت جبار منتجي ع سياره انلوت رجلي .. اخخ رجلي .. اجه جبار يركض .. شبيج سمر .. اخخ رجلي جبار رجلي اخخ .. كومي ماكدر اكوم اخخ رجلي .. راح اشيلج .. ها لا كلشي مابيه .. كال كومي وكافي هاي السوالف شالني واني صافنه لزمت ركبته حيل .. اخخ امشي اوديج للمستشفى .. لا ماريد اروح .. كال تروحين وغصباً متشوفين رجلج .. ماريد ماما تعاي اخذني وحطني بالسياره .. كمت اصيح كلت الك ماريد .. حط ايده وسكتني .. كال تسكتين لو لا .. سكتت من الخوف .. وصلت للمشتفى وطلع عندي كسر قليل .. شالني جبار وكال ترحين للمطعم لو متكدرين .. كلت كلشي ماريد منك .. وصلني للبيت .. مكدرت امشي .. حطيت ايدي على ركبته وبديت امشي .. اجت امي يمه بنيتي شبيج .. خاله انلوت رجلها ديري بالج عليها ولتخليها تتحرك .. امي بس تبجي .. كتلها مابيه شي يوم .. يمه جبار بس وصلها لغرفتها .. اي هسه شالني ويباوعلي لزمت ركبته حيل .. اخخ جاي اتذيج .. اي وابجي .. كافي بس تبجين عفيه دموع .. خفت منه ومسحت دموعي .. وصلني للغرفه .. وكال ارتاحي افتهمتي وماريدج تتحركين ودوام متدوامين اله من تصيرين زينه .. سكتت .. افتهمتي بصوت عالي .. اي يلا رايح اني .. راح واني بس ابجي من الوجع .. كعدت سمعت صوت جبار يكول شلونها زينه .. على حطتها لسه نايمه .. دخل وسويت روحي نايمه .. لزم ايدي ويكول اخخ لو تعرفين شكد احبج .. عافني وراح .. فتحت تك عين ومسمعت بس صوت الستكاين والريوك ميته من الجوع .. صحت يوم تعاي متت من الجوع يوم .. اجه جبار كومني وكال كومي ام بطن .. اني من الفشله .. كلت لا ما جوعانه كال كومي ويضحك .. كومني وكعدت اكل على كيفي من الفشله .. كالت امي اي شوكت العرس يمه .. كال الها اسبوع اليجي .. اني قبل لا يحجي غصيت وردت اكوم ورجلي كامت توجعني اخخ .. هوه صار نار شكو تكومين شنو اني مو كتلج لتمشين وحدج أني الج .. سمي باسم الله يمه يمكن نست رجلها توجعها عوفها .. شو تعاي شالني وداني للغرفه .. وكالي اياج تتحركين خطوه .. يبو هسه شجاني لبست كعب .. تقرب يمي وكال حظري روحج الاسبوع الجاي نتزوج .. فرحت لان احس نفسي بديت احبه
يتبع ...