حياه بعد الموت (مكتمله)

البارت الثالث

💙 #البارت_الثالث 💙

📘#رواية_حياه_بعد_الموت 📘

😍 بقلمي #رنا_محمد 😍

بعد ما الدكتور قال لهناا على تخفيض فلوس العملية فرحت جدا وروحت البيت وفضلت تصلى لربنا وتشكره وتعيط علشان لما وقعت فى ضيقه ربنا ساعدها وجمعت الدهب بتاعها وبتاع مامتها وراحت باعته تانى يوم ب 15 الف جنيه وراحت لمامتها المستشفى اتطمنت عليهاا وبعد كدة راحت الشغل واول ما وصلت

وليد:- ازيك يا انسة هناا

هناا:- الحمد لله ازى حضرتك يا استاذ وليد

وليد:- الحمد لله كنت عايز اقول لحضرتك ان الاستاذة سلمى قالتلى لما الانسه هناا تيجى تروحيلها علشان عايزاكى ضرورى

هناا:- ماشي يا استاذ وليد هروحلها

وراحت لسلمى

هناا:- صباح الخير يا سلمى

سلمى:- صباح الفل يا حبيبتي

هناا:- هاا بقي عايزانى ليية

سلمى:- كنت عايزة اعرف عملتى ايية فى فلوس العملية

هناا:- الحمد لله المستشفى نزلت السعر ل  50 الف جنيه   وعملت خصم 30℅ وبقوا الحمدالله  35 الف جنيه الحمد لله معايا منهم 15 الف  يبقي فاضل 20 الف

سلمى بفرحه :- الحمد لله يارب طيب كنت عايزة اقولك حاجه بقي

هناا:- قولى يا حبيبتي

سلمى بفرحه:- طبعا انتى مبتسبيش حد واقع ف مشكله غير لما بتساعدية وعلشان كدة لما اصحابنا هنا فى الشركه عرفوا ان مامتك تعبانه حبوا يساعدوكى زى ما بتساعديهم علشان كدة جمعنالك 20 الف وبكدة يبقي معاكى تمن العملية كله

هناا:- حضنتها انا مش عارفه اشكرك ازاى الحمد لله يارب اشكريلى كل اللى ساعدنى

سلمى:- حاضر اتفضلى الفلوس اهيي

هناا:- ان شاء الله هرجعهم بعد اذنك بقي

سلمى:- هتروحى المستشفى

هناا:- لا هروح اصلى ركعتين شكر لله

سلمى:- ماشي يا حبيبتي

(احسن حاجه ان احنا نصلى شكر لربنا على اى حاجه فى حياتنا سواء كانت حلوة او وحشه وربنا لما بيبتلى حد بيخفف عنه وبيساعدة علشان كدة لازم نخلى ثقتنا ف ربنا كبيرة واى حاجه تحصل معانا نعرف ان دى فيهاا خير ليناا حتى لو خسرنا حاجه بنحبها  )

وبعد ما هناا صلت استأذنت من استاذ سليم وراحت المستشفى ودخلت للدكتور

هناا:- السلام عليكم

الدكتور:- وعليكم السلام ورحمه الله وبركاته اتفضلى

هناا:- شكرا لحضرتك انا كنت جاية علشان ادفع فلوس العملية اتفضل