قدري

عودة للماضي

قدري الحلقه _1_
         
      عودھ للماضے 💖

                  افتش زاتي في جـــــواك
                 وانت قريــب وما القــــاك
                 فارش رموشي لي لقيـــاك
                 فارد ايديني لي دنيـــــــاك
                 عشان لحظة القى رضــــاك
                 انسى ضياعي بي رؤيــــاك
                 لأني فيك ومــا بنســــــاك
                 وكيف اصبح وامسي بـــلاك
                 كيف افرح بدون ألقـــــــاك
                 وكيف أسعد وانت هنـــــاك
# Lojain

لجين مع نفسها
لجين ... اه ي مروان والله اشتقت ليك 😔 11 سنه م شفتك فيها 😢 بقيت كيف ؟ وقريت شنو ؟ والناس الاتبنوك معاملنك كيف ؟
سارة... ي لجين لجين .. ي بت ي لجين
لجين ... ايوا ي سارة
سارة...بابا عثمان بناديك
لجين ... جايا

          

            ـــــــــــــــــــــــــــــــــــــ
   

                   مكتب عثمان

لجين .... نعم ي بابا ناديتني
عثمان ... ايوا ي لجين بكرة جاينا ضيف مهم شديد عايزك تهيئي ليهو وضعو وتكلمي الباقين كلهم
لجين ... حاضر
عثمان .. طيارتو الساعه 9:00 يعني الساعه 9:30 بصل
لجين ... ان شاء الله حتلقا اي شي جاهز
عثمان .. نبهي الاطفال م يزعجوهو
لجين ... حاضر
عثمان ... يلا ابدي في التجهيز
لجين .. حاضر يلا
عثمان .. يلا

           ــــــــــــــــــــــــــــــــــــ
 
              غرفه الاطفال البنات

لجين ... ي حلوات اسمعوني كويس حبيباتي بكرة بابا قال جاينا ضيف مهم شديد وقال لازم نحن م نزعجو
سارة .. عايز يتبنى
لجين ... والله ي سارة م عارفاهو 😅 بابا م وراني
رزان ... اكيد عايز يتبنى لو م عايز يتبنى البجيبو لينا شنو
لجين ... م مهم جاي لشنو الاهم نحن نستقبلو كيف
سندس ... اها مهامنا شنو
لجين ... سارة انتي ورزان وسندس و عهد ولمياء تجو معاي المطبخ ...الباقين ينضفو
البنات ... حاضر
ـــــــــــــــــــــــــــــــــــــ
 
غرفه الاولاد الاطفال 

لجين ...ي اولاد بكرة جاينا ضيف مهم شديد وبابا قال نحن لازم م نزعجو
يزن ... ونحن ننضف مع البنات كالعادة
لجين... اكيد
يزن ... م تشيلي هم م بنزعجو نهائيا
لجين ... بشير
بشير .. نعم
لجين ... اياك تزعجو فاهم
بشير ... اكيد
لجين ... اكيد زي المرة الفاتت لمن انا اتوسطة ليك
بشير ... انتي م في مقام امنا ي عثل
لجين .. بشير 😒
بشير .. مالك م هثل والله لو م كنتي اكبر مني بي 10 سنوات كنت عرستك
لجين ...😒😒😒
بشير .. سكتا
الـــــــــــ 1:47 ـــــاعه
عثمان ... برافو ي لجين ... الاطفال وين
لجين ... نامو
عثمان ... لجين
لجين ... نعم
عثمان ... طبعا انتي الوحيدة البقيتي من القدرك
لجين ... ايوا
عثمان .. واكيد م عمرك كلو حتقعدي معانا لازم اجي اليوم الحتتزوجي فيهو و تمشي بيتك
لجين .. بابا
عثمان ... لجين طول عمري اعتبرتك بتي ودايما انت بتقولي لي بابا وانا والله بتي م برضا تكون من غير زواج فهمتيني
لجين .. اي فهمتك بس لمن اجي ود الحلال
عثمان .. ود الحلال قرب اجي 😏
لجين ...😞 انت فاهم الشي البتقول فيهو دة
عثمان ... اي
لجين ... انت بتخطط لشنو ي بابا
عثمان ... الصبر حلو اتفرجي وشوفي
لجين ... طيب ..صاح حامسك منو الملجأ لو انا اتزوجتا زي م بتقول
عثمان ..فريدة وبناتها الاثنين عايزين يشتغلو معاها وجايه ابتسام و نفيسه
لجين ... خالتو فريدة جايه
عثمان ...اي حتجي الاسبوع الجاي
لجين ..م انصحك بي نفيسة
عثمان ..لي
لجين.. بتعامل الاطفال بي طريقه قاسيه و..
عثمان ..نفيسة اتغيرت شديد ي لجين
لجين.. والله ي بابا شايله الهم
عثمان .. م تشيلي اي هم ...بعد كدة احسن تنومي عشان تستقبلي الضيف بي نشاط

ـــــــــــــــــــــــــــــــــــــ
في صباح اليوم التاني

الـــــــــــــ9:00ــــــــــــــــاعــــــه

                  في المطبخ

لجين .... كدة اي شي جاهز
سارة ...فاضل نص ساعه صاح
لجين ... اي صاح
سارة ... طيب وقت اي شي جاهز قاعدة في المطبخ لشنو
لجين .. بعمل لي في تحليه و عصير للضيف
سارة ...وااااو تحليتك حلوة اعمليها كتيرة
لجين... حاضر ي سارة
سارة .. لجين
لجين .. ايوا
سارة .. معليش انا امس صحيت من النوم وكنت خايفة وبقيت افتش عليك لانو في غرفتك م لقيتك و مشيت لي مكتب بابا لقيتك معاهو 😔وسمعتا كلامو معاك 😓لكن والله م كان قصدي اسمع
لجين ... عيب ي سارة تسمعي كلام الناس التجسس حرام
سارة ... انا م اتجسستا عليكم الهم يعني حتتخلي عننا قريب
لجين ... مين القال ليك كدة
سارة بابا قال عايز يزوجك 😭 انا ي لجين م بعرف نكهه الام وما بعرف الام هي شنو ولا حنانها ..بس متاكدة م حتكون احنا منك علينا انت الام البعرفها انا البتخاف علينا من النسيم عليك الله ي لجين م تخلينا م بنقدر نعيش بلاك
 لجين تحضن سارة عليها شديد
لجين ... عمري م حاخليكم ي سارة ... طيب ي حبيبتي وريني الكان مخوفك شنو
سارة ... والله ي لجين خايفه اتبنوني وابعدوني منكم
لجين ... لو اتبنوك حتعيشي حياة حلوة وسط ام وابو واخوان
سارة ... لالا انا م عايزة ام وابو اذا امي وابوي اتخلي عني البضمني شنو الغربا م بتخلو مني
لجين .. منو القال ليك كدة
سارة سمعت خالتو مريم قالت لي خالتو صفا مساكين الاطفال ديل 😢 امهم وابوهم اتخلو عنهم وهم اسي زي الوجوه البريئة دي والقلوب النضيفه دي بتبرو منهم وقالت انو اهلنا م عندهم قلب 😭 انا عارفه اي شي ي لجين م تقولي انا صغيرة عارفه انو ولدونا من غير م يتزوجو بس هم م عارفين انو نحن محتاجين ليهم م عارفين انو نحن هنا بنربي في روحنا برانا ماف زول بقول لينا الصاح من الغلط والله ي لجين لو م انتي معانا م كنا عرفنا الصاح من الغلط الحرام من الحلال😭😭
لجين 😢😢 سارة م تقولي كدة حبيبه اهلنا م معروف خلونا لي احتمال مجبورين واحتمال قلعونا منهم واحتمال اتوفو م معرف الحقيقه شنو ي سارة ماف والد بقدر اخلي جناهو وافوت بس ربنا اقفر ليهم من حقنا كان خلونا قاصدين 😔
يزن ... احم احم معليش على المقاطعه بس بابا قال ليك الضيف دة وصل
سارة ... لجين اديني الضيافه اوديها ليهو مسافه م تغيري ملابسك دي
لجين ... مشكورة حبيبه هاك (ادتها الضيافه) بس ارمي بالك اوكي
سارة ... اوكي
    

ـــــــــــــــــــــــــــــــــــــ

مكتب عثمان

عثمان ... والله شرفتنا
..........لي الشرف والله

طق طق طق (صوت طرق في الباب)

عثمان ..... ادخل
سارة ... السلام عليكم
.........وعليكم السلام اتفضلي ي حلوة
سارة..... شكرا ..عن اذنكم
عثمان ...... نادي لجين
سارة .....جايه

طف طق طق

سارة هدي جات
عثمان .... اتفضلي
لجين ..... اسفه على التاخير
عثمان ... م مشكله تعالي سلمي
......... كيفك لوجي
لجين 😳😳😳😳😳

ازيكم 😍
معليش البارت صغير 😅
يلا وروني رايكم شنو .. ~_~... !!!!

    #   à7làmà6følà ♡