الملاك وقسوة الشيطان (مكتمله )

الملاك وقسوة الملاك

......
#الكاتبه نبا البارت السادس
البارت السادس
كلت بكلبي صح انته اذيتني وحرمتني من عائلتي  بس كلش يهمني انو اكشفها كدامك وتشوف حقيقتها .... بقيت افكر شلوون رحت للخاله ام جان كلت بلكت تعرف عنها شي وشي عن عائلتها
ملاك :هلا خاله
الام :هلا بنيتي
ملاك : عادي اسئلج شي
الام :ي تفضلي بنيتي
ملاك : خاله بخصوص حياة يعني هيه من وين عائلتها وين ليش هيه هنا صارلها فوك لشهر
الام : حياة يتيمة الاب والام
ملاك : يتيمه !! زين من شوكت هي يتيمه
الام : يي من جانت عمرها 19
ملاك :ليش وهسه شكد عمرها
الام : 24
ملاك :ها
الام : يي ف عمج ( ابو جان) يستخطيها وانطاها اسهم من الشركه وبقت تشتغل وليش هيه هناا لأن عمج كاللها سكني هناا ليش عايشه وحدج ابيت
ملاك : وثااقين بيها !!
الام : يي بس ليش هالاسئله
ملاك : لا هيج بس كتيلي ديربالج منها
الام : يي بس مو معنات اني اكرها اقصد يعني خاف تتقرب من جان او هيج يعني
ملاك :هاا خاله شكرا
الام : العفو يمه
ملاك : رحت ودا افكر شلون اكشفهاا كدام الكل .... بعد تفكير دام ربع ساعه (قررت لازم اصير زينه وي جان واتقربله حته يصدكني )
ملاك : صعدت للغرفه لكيته نايم .. كعدت ع الكرسي وبقيت صافنه عليه واشلون اكسب ثقته ....
جان : نمت لان مو كلش نمت لبارحه .... كعدت لكيت ملاك صافنه عليه
ملاك : صح لنوم
جان : .... شوكت جيتي
ملاك : هوه مثل ماكتلي
جان : يي
ملاك : ابتسمتله ..
جان : شبيج ( وغمزتلها بمعنى شكو )
ملاك : بأبتساامه لا مابيه 🙂
جان : مادري كلمره صوتج اعلى من صوتي شو هاديه خير
ملاك : لا بعد ماعلي صوتي
جان : خير نشالله لسبب
ملاك : ماكو 🙂
جان : موطبيعيه انتي
ملاك : ..... اجيبلك اكل لو تنزل
جان : واو .... (بضحكة استغراب) كتلها خاف حاطتلي بي سم
ملاك : لا بله😒😒
جان : شمدرينه يجوز فكرتي تخلصين مني
ملاك : مو صوجك 😒 خليت ونزلت (كلت حته ليصير زين ويا يندمه)
جان : نزلت الكل كاعد .... وكعدنه ع الطاوله  كلت ممكن الكتشب ....
ملاك : راد الكتشب اجة حياة تنطي بساع نطيته اله
جان : بنضرة استغراب باوعتلها ليوم موطبيعيه ملاك
ملاك : خلص الكل ... وجان صعد للغرفه كتله تفضل !!
جان : كعدت اصفح بالتلفون وجان جابتلي كوب شاي خذت لكوب وحطيته ع الميز كتلها بيج شي
ملاك : سالتني وكتلك مابيه وبعدين كافي تسأل مصختها
جان :يي هسه رتاحيت هاي انتي ام اللسان مو لبريئه
ملاك : اني ام اللسان جيب الجاي
جان : 😒
ملاك : كعدت ع الكنبه وكلت اذا اضل هيج يشك لازم مو كلش اصير لوكيه .... طلعت كلت لازم اكو شي بغرفة حياة ردت ادخللها جان اسمع صوووت ماي وتحجي ... رحت لكيتها بالحمام ولباب مردود مديت راسي وشفت ضهرها مشوه كلياا  حطيت ايدي ع حلكي من الصدمه .... ردت اروح جان وكعت المزهريه
حياة : منووو هنااا
ملاك :ختلت وره لباب
حياة : دا اكول منووو
ملاك : جان تدخل للحمام بساع طلعت بقيت مو مصدقه الي شفته وليش هيج ضهرها مشووه ...
صعدت للغرفه حته مانتبهت لجان خليت وكعدت ع الكرسي (ياترى بشنو هيج متشوه ضهرها) واحتمال اعتبره دليل حته اكشفها بس لازم اعرف شبيها .... بقيت افكرر
جان : شبيجج !!
ملاك : اني
جان :  لا اني
ملاك : فففف خليت وطلعت كعدت بالحديقه اخر شي نوب صعدت للغرفه
ملاك : جان
جان : ...
ملاك : شكد تثق بحياة
جان : شهالسؤال 😒
ملاك : جاوب هسه
جان : اثق بيها اكثر منج 🙂
ملاك : ...... بقيت ساكته مارديت
جان : اكو شي يدور براسج
ملاك : ايهمك ؟
جان : اكيد لا 🙂
جان : رحت سبحت وبدلت  وطلعت وي جماعاتي ......
ملاك : كلت بس شخص لازم اكوله الي براسي اتصلت ع سحر
سحر : هلا كبد
ملاك : هلا بيج
سحر : ها مبين عليج ضايجه
ملاك : تكدرين تجيني
سحر : اذا كدرت اجي
ملاك : وك .....  رحت افكر كلت شلون اثبتله وهوه يثق بيها كومه لازم اله دليل قووي
حياة : ها دتفكرين هههههه
ملاك : ......
حياة : لكيتي شي لو بعدج
ملاك : اي لكيت 🙂🙂
حياة : ها شنو شكليتي
ملاك : ..... مارديت عفتها ورحت ... جان تجي سحر
سحر : هلا عمري شلونج
ملاك : مو زينه
سحر :شبيج ؟؟؟
ملاك : تعاي نصعد للغرفه
سحر : وك
ملاك : صعدنه للغرفه وبقيت اسولفلها ع حياة علامة تعجب ع وجه سحر
سحر : لا
ملاك : مثل ماسمعتي
سحر : وشلون هسه
ملاك : دحاول اكشفها كدام جان
سحر :يي وشكال جان
ملاك : مكتله بس كتله انو تثق ب بحياة كال اثق بيها اكثر
سحر : وشبيج ضايجه
ملاك : ههه ع شنو اضوج
سحر : يجوز لان كالج هيج
ملاك : هه اصلا عادي متعوده
سحر : ووف بس اني ويااج وانشالله نحاول نكشفها
ملاك : نشالله
سحر : يلا عمري رايحه اذا لكيتي شي كوليلي
ملاك : تمام
.... راحت سحر ... رحت ادوشت وسويت شعري كعكه ...
سحر : دا اطلع وجان اشوف حسن
حسن :سلام (بأبتسامه)
سحر : وعليكم السلام
حسن : ها طالعه
سحر : ايي شفت ملاك وهسه اريد اروح وانته
حسن : هاا اريد اشوف جان
سحر :يمكن ماهوه
حسن :ها لعد خو خل اوصلج بطريقي
سحر : ..... بقيت اباوعله
حسن : لتكوليلي اتعبج متعبيني للان طريقي ع طريقج
سحر :هههه وك لعد
حسن :بأبتسامه ...
سحر : وك نازله هنا
حسن : ..... بقيت اباوعلها
سحر : ....
حسن : ها اوك ..
ملاك : نزلت للمطبخ ... ردت اشرب مي جان احس احد وورايه درت وجهي من الصدمه الكلاص وكع مني ... (شفت شخص اول مره اشوف ) جان حط ايده ع حلكي ولزم اديه بقيت ماكدر اتحرك جان عضنييي حيل من ركبتي ...و دفعني وراح صعدتت للغرفه وقفلت لباب بقيت ابجي وخله كدمه بركبتي طلع دم منها مسحتها بقيت افكر منو هذا الشخص ..
جان : بقيت اتونس وي اصدقائي جان صارت الساعه ب 8 الليل كلت ارجع ابدل ملابسي حته اطلع للبار
ملاك : بقيت افكر  جان الخدامه تصيحلي اكل كتلها ماشتهي ....
جان : اجيت لكيت الكل ع الطاوله اله ملاك .. .. صعدت للغرفه ..  لكيتها كاعده وراسها بين رجليها
جان : ليش منزلتي اكلتي
ملاك : اول ماجه حطيت اللفاف ع ركبتي لان اذا شافها .... كتله : مااشتهي
جان : ... اجيت بدلت ملابسي جان دكت حياة لباب
حياة : ها ملاك ليش ماجيتي اكلتي 🙂
ملاك : .... باوعتلها صفح وكتلها : اهم شي انتي تاكلين
حياة : زين ليش لافه للفاف حاره تره
ملاك : .... ماجاوبت
حياة : يلا اخذو راحتكم
جان : صدك ليش لابسه للفاف
ملاك : .... مارديت بده يتقرب واني كلبي يدك الف مره جان يوخر اللفاف وغمضت عيني
جان : ماقبلت توخر اللفاف وكلشي تعاند بي لازم اكو سبب ف ووخرت اللفاف وشفت عضه بركبتها
ملاك : بس اسمعن..... جان يصفكني راشدي لمن اذني صفرت
جان : لج رحت نص نهار خنتيني .... لزمتها من شعرها كتلها كولي ويامن
ملاك : ااااخ ولله ماخنتك بس وخر
جان : لج عبالي غير لبنات طلعتي مثلهن بالبدايه بعتي ثكل شفتي الثكل مافادج  ...ياساقطه
ملاك : بدموع كتله ولله واحد .... بعد ماخلصني ضربني راشدي 
جان : لج حتلووو اكرهج وماطيقج بس محسوبه عليه .... تقربت وعضيتها بنفس المكان ( صح اكرها بس مجرد يمسها غيري اتخبل )
ملاك : وووخرررر كااافي .... (الكل صعد ع صياحنه )
الام : يمه شبيكممم
ملاك  : جان صم حلكي وكال لا مابينه شيي جان عضيته بيدي وصحت خااااله
الام : يمه شكوووو
جان :يمه كتلج مااابينه نزلي لخاطرر الله
جان : لج هسه لو اموتج بيدي كلبي ميشفيي كعدت بالكرسي ولازم راسي واهز برجليي
ملاك : بقه كاعد وميعرف شيسوي بدموع كتله ولله صعدت دا اشرب مي درت وجهي شفت شخص ولله حاولت افلت من ايده بس ماكدرت
جان : ....... مارديت خليت وطلعتت رحت للبار بقيت اشرررب ( حسيت بداخلي شي نكسر الغصه الي بقلبي اجتني هسه !! تذكرت كلام حسن وكلت لا مستحيل ..... ) ..
ملاك  : طلع معصب واني بدموع رحت بالكوه دخلت للحمام باوعت لركبتي زلكت عليها لزكة جرح ... وغسلت جسمي وطلعت الساعه ب 12 صارت وجان ماجه  صح علاقتنه مو مثل رجال ومرته بس صعب انو اشوف نضرته مقرفه تجاهي اخذت نفس ... وتمددت  تعبانه حيل نمتت .....
جان : رجعت للبيت ب 3 لليل نمت بغير غرفه
ملاك : كعدت ب 7 ونص .... غسلت وبساع نزلت ..
الام : صباح لخير بنتي
ملاك : صباح الخير
الام : يمه شبيكم لبارحه وشبيها ركبتج
ملاك : لا خاله مابيه بس جان عصب ع شي تافه (ماكدرت اكولها )
الام : محروسين بنيتي تعاي تريكي
ملاك : ..كعدت وجان تجي الحيه حياة
حياة : صباح الخير حبي ههههه
ملاك : .... مارديت
ملاك : اكلت شويه .. وكمت ردت اروح جان تلزم ايدي
حياة : نشالله لبارحه ماتأذيتي هه
ملاك : رفعتلها حاجب وكتلها : ليكوون ...
حياة : هذا مجرد درس صغير الج حته تعرفين انتي ويامن دتلعبين
ملاك : شفت ناس هوايه بحياتي انذال بس مثلج ماشفت (حجيت بنرفزه )....
جان ينزل جان ...
جان : صباح لخير يمه
الام : صباح لنور
جان : سويت روحي ماشفتها اصلا
ملاك : شفته شلون ديتجاهلني
جان : بساع طلعت من لبيت .....
ملاك :  كلت لهنا وبس لازم اكوله انو كله بسبب حياة ...
جان : اول مره احس روحي ضايج بمعنى لكلمه والدنيا طافره من عيني بقيت افتر بالسياره وقررت لازم ابتعد عن البيت واغير جوو شويه رحت حجزت تذكره لايطاليا ...  رحت لحسن
حسن : هلا بالضلع
جان : هلا بيك
حسن : يي شبيك هالمره
جان : شلون عرفت
حسن : انته توأم روحي يعني احس بيك
جان : طبطت ع كتفه وكتله لحمدلله انته موجود
حسن : يي سولفلي شبيك
جان : ...... سولفتله كلشي ...
حسن: شفت ملاك وحسيتها حبابه مالها علاقه بهيج سوالف
جان : كافي مو كل مره تطلع انته الصح يجوز البنيه صدك ممسويه هيج
جان : اوووف راسي مشوش قررت اسافر
حسن : بكيفك غير جو بس ارجع بساع لتخلينه نشتاقلك
جان : يلا رايح ..
حسن : حضنته وكتله لتشيل هم كله ينحل
جان : ..... طلعت من بيت حسن اريد اروح لبيتنه حته اخذ ملابسي ..
ملاك : بقيت انتضر جان شوكت يجي ..
جان : دخلت للبيت لكيت ملاك كاعده بالصاله هيه وامي دخلت لا سلام ولا كلام
ملاك : شفت دخل بدون ميحجي اي شي ... لحكته وكتله اريد احجي وياك
جان : .....
ملاك : جاان اريد احجي ويااك
جان : بس اني ماريد ( كلتها واني دا طلع ملابسي من الكنتور )
ملاك : شفته ديطلع ملابسه كتله رايح لمكان
جان : ميخصج
ملاك :  حرت شسوي ويا كتله : لازم تسمعني
جان : ردت اطلع وبيدي الجنطه جان تقفل لباب
ملاك : راد يطلع قفلت لباب وخذت المفتاح كتله لازم تسمعني
جان : فتحي لباب ( بعصبيه )
ملاك : الصار كله بسبب حياة هيي سوت هيج حته تفرقنه وهيي...
جان : قاطعتها كتلها هه تفرقنه احنه عمرنه مانجمعنه
ملاك : خذت نفس وكتله اوك حته انته تطلكني وانته تدري بيها تحبك وهيي مجرمه
جان : شدتخررطين انتي
ملاك :هه اكيد متصدك
جان : اكيد ماصدك حياة متسوي هيج
ملاك : تكدر تكول عندي دليل
جان : ملاكك خليني اروح فتحي لباب
ملاك : لك صدك ولله دا احجي الشفته بعيني
جان : واني هم شفت بعيني (رفعتلها حاجب)
ملاك : زين مامصدكني روح اسئلها وتأكد (ولو هيي راح تجذب كلت بكلبي)
جان : من تحجي هيج ملاك لا اكدر اصدكها ولا اكدر اجذبها كتلها : اسئلها بس بعد متلحين وتبررين
ملاك : .......
جان : حيااة
حياة :نعم
جان : باوعت لملاك
ملاك : اي حياة كافي جذب كولي انو انتي لبارحه دزيتي ذاك الشخص
حياة : ها. شدتحجين انتي
جان :......
ملاك : احجيي لتجذبين
حياة : جان تعرفني اني ماسوي هيج
ملاك : لزمتها من ايدها وكتلها كوولي لحقيقه احسلج !!
حياة : ماعندي اي حقيقه تردين تغطين فضيحتج بيه عيب عليج
جان : كاااافي ....
ملاك : باوعتله ..( بنضرة مهضومه)
جان : ماتعبتي كافي
ملاك : لا ماتعبت اله اكشفهاا
جان : اكررهجج ( بنضرة حزن)
ملاك : .... اكره مو مشكله بس لتشك بيه بيه وبشرفي ( كلتها ونزلت دمعتي )
جان :...... سحلت الجنطه ورحت ...(بداخلي طفل ناسي لعبته وميكدر يعوفها هيج حسيت ....)
ملاك : ... صح وجوده جان يضايقني بس من راح احسني مالي احد بهالقصر ... صعدت للغرفه ... بقيت ابجي ..

(خلقت في هذه دنيا وحيدا ليس لديه احد . اصبح النفس لا يطاوعني متُ وانا
ع قيد لحياة .. سرقت الحياة اشياء ثمينه ... ومن دونها اصبح لا شي. في قلبي جراح كثيرا تمنيتكَ دواء هذه الجراح ...)
ملاك : بقيت متمدده ودموعي تنزل وماعرف شسوي ....
جان : سافرت غصب عني ..... وصلت لايطاليا حجزت فندق تقريبا يوم كامل اني ماطلع من لغرفه
ملاك : .... نمت وحلمت بي انو جان بصفي ويلعب بشعري بساع فزيت لكيت ماكو احد تقريبا اني وياا سنه ونص باليوم نتعارك الف مره ع اشياء تافها جانت تقربنا هالمشاكل حيل من بعض بس من كال انو اكرهج تأكد هوه ميكرهني لان عيونه مو هيج يكولن ...

جان : فكرت كلت ماريد اهرب من شي لازم اواجه الواقع .... كلت بعد يومين اني ارجع واعرف شلون اتصرف )

ملاك : مر هاليوم وهوه ماكو ماحسيته يوم جام تجي سحر
سحر : ياعمري شلونج
ملاك : موزينه كلش
سحر : شبيجج ولج
ملاك : ....... سولفتلها الي صارر
سحر : وشوكت يرجع
ملاك : ماادري
سحر : انتي تحبي ؟
ملاك : ...... ماعرف اجاوبها ( جانب يريده وجانب كل الي سواه بيه شلون
........ يتبع
#الكاتبه نبا تفاعلو حته انزل ساع حط متابعه وتصويت