رفقاً بمن ْ حولكم

رفقاً بمنْ حولكم البارت الرابع

مهمُا كٌان الشْشعور مرٌ
لا تّظهر ضعُفك لأحدْ
————

آمين : كعدت الصبح  حتى اروح للدوام كالعادة   سبحت وبدلت رحت للمطبخ شفت الحجية كاعدة
صباح الخير يمة
ام امين :صباح النور يمة تعال تريك
امين :ايي يمة جاي  تريكت ورحت للدوام ...........
من بعد ماانتهى الدوام واني طالع شفت بنات اثنين يمشون واكو وحدة حيل عجبتني بقيت امشي وراهن واشمر بالحجي  هنا خافن  ومشن سرريع 😂😂😂😂
وصلت للبيت  لكيت الحجية  واركان   وزوجتة زمن
السلام عليكم
وعليكم سلام يلا  تعال اتغدة
اي جاي بس خلي ابدل  بدلت وكملت وكعدت اتغدة وامي كالعادة
ام امين :شوكت تزوج يا ابني اريد ارتاح
امين :يمة دكافي من هالسطوانة مااريد اتزوج اني هيج مرتاح
كملت غدة ورحت تمددت وكعدت اكنك واجت ع بالي هاي البنية الشفتها اليوم لازم احصلها واكبل وياها نمت وكعدت رحت ويا جماعتي وخابرتني الوالده كالت يمه وينك صار وقت عشه وانت ماكو ....
امين :يمه اني اتعشه بره واتاخر لايضل بالج
امين كاعدين بالمطعم اني وجماعتي وشفت بنت عجبتني بقيت اباوعلها وهي تباوعلي واجيت ارقمها ومدري منو اجة اخوها مدري ابوها مدري زوجها 😂😂😂 وتفشلت  وسويت انسحاب
تكتيكي

مياسة :كعدت اقرأ باجر عندي امتحان وماا احس الة احمد يعيط علية اني وكف كلبي كل ظني عرف بهذا الولد مشى ورانا
نزلت ركض هااااا احمد شكو شبيك تصيح
احمد : للج انتي شبيج متفتهمين كم مرة كتلج اكوي القميص هسة شلون اطلع
مياسين :يمة وكَع كَلبي عبالي عرف
اييي هسة هسة اكوي
احمد:شلون بلا ابقى منتظرج  ست مياسين واني اريد اطلع هسة
مياسين : اييي هسة اكوي الك غير عندي واجبات وجنت اقرأ
احمد :درروحي مااريدة ماكتلج ع شي وسويتي بلحضتها
مياسة 🙄🙄بعد احسن
كعدتني ماما الصبح حتى اروح للدوام بدلت ورحت اتريك وطلعت للدوام بابا وصلني ودخلت للصف واني وصديقاتي
عندي امتحان بقيت اراجع
بعدها امتحنا وطلعت من الامتحان لجج نرجس
نرجس :هااا ميوس شلون ب الامتحان
مياسين :لجج مو زينة بالامتحان
نرجس :يلا عادي حب
مياسين :بعدها انتهى الدوام. وطلعنا مشى اني ونرجس وهم شفت الشاب التحرش بينا
هم رجع يمشي ورانا وبقى يشمر حجي لجج شنو هالجمال يحلوووو
اني ونرجس مشينا سرريع اني اخاف لا بابا يشوفة او احد من اخواني ويبطلوني من المدرسة
اووف يربي هسة هذا منين اجاني
دخلت للبيت وشفت بيت عمي يمنا والبيت هوسة دخلت ع السريع رحت بدلت وسلمت عليهم وبديت احضر ويا ماما وزهراء الغدة الهم
ماما بيت عمو شعجب جاينا اليوم
زهراء : جايين حتى نحدد موعد الزواج
مياسة : هااا يعني زواجكم قريب
زهراء :اممممممم
مياسة: تغدوا بيت عمو وحددو الموعد وراحوا
وحددوا زواجهم. الاسبوع الي جاي وزهراء من هسة بدت تحضر وتكتب شنو تحتاج اني رحت نمت