رفقاً بمن ْ حولكم

رفقاً بمنْ حولكم البارت السابع

مازال يسكُننا يقين ان عوض الله دائماً اجمل ♥️🌹
—————
مياسين :نعم حبيبتي تفضلي
حبي اني صديق اخوية دزاني عليج ويكول كلش معجب بيج وهذا رقمة وواسم حسابة ...... واليوم ينتظرج يم المدرسة ولابس .....
مياسين : صفنت مااعرف مااجاوبها لان اول مرة تصير وياية
كلت للبنت مااريد الرقم واني مالي علاقة بهيج سوالف خلي يروح لغيري
البنت :ماشي اني بس حبيت ابلغك
مياسين : لللج نررجس تعالي شوفي هاي البنت وسولفتلها شنو رادات
نرجسي :عزززا بعينج مياسين وصارروا عندج معجبين عيني
ااووو صار عندي فظول اريد اشوف هذا المعجب شلونة شكلة حلوو او لا
مياسين : للج انتي شتحجين اسكتي افضل والله لو يعرف احمد يموتني
انتهى الدوام وطلعنا للبيت  وجان انصدم بالمعجب هو نفسة الشاب الي يمشي ورانا
مياسسين : لللج نرجس المعجب نفسة الي يمشي ورانا
نرجس : ياااا اي ولج واني اكول عليمن طلع عليج
مشينا وهم مشى ورانا

امين : بقيت منتظرها من طلعت شفتها
وبقيت امشي وراها وكلتلها اني كلش معجب بيج واتمنى تخابرين اليوم بليل انتظرج
بقيت منتظرها ماكو لا متصلت ثاني يوم من رجعت هم شفتها وبفيت امشي وراها وكلتلها ليش متصلي بقيت منتظرج
هي ماكو مجاوبت وهم مشت سريع

مياسين : عزا بعينة رجع مرة ثانية يمشي ورانا وكال نتظرتج ليش متصلتي
اني گلبي صار يدگ سريع.
دخلتت للبيت بدلت واجيت احضر الغدة ويا ماما واني بقيت افكر بكلامة هذا الشاب حتى مااعرف اسمة وتذكرت اسم حسابة
كملت شغلي
فتحت الابتوب. ودخلت اسمة وبقيت اتصفح بحسابة
كلش حلو ومرتب
بقيت اراسل بالبنات وندردش
وكملت طفيت الابتوب
وصرت يومية اشوفة لهذا الشاب ويمشي ورانا
الصراحة من اشوفة مااعرف ليش گلبي يدگ سريع وتتخربط اوضاعي وخاصة من اسمع صوتة

امين : صرت يومية امشي وراها وعسى وان بلكي تلين واكبل وياها
اخر شي تعبت منها ماكو اي نتيجة
رحت ابحث عن شي حسابها رقمها
وبصفتي شاب وشبانا بالهوقت ميصعب عليهم شي
حصلت حسابها واخيراً
رحت راسلتها ماكو مجاوبت
ورة يوم هم راسلتها ماكو اي جاوب حتى مشايفة الرسائل
ثالث يوم اي واخيراً شافتها بس ممجاوبة بقيت اراسلها ماكو متجاوبني
مياسين :   واني كاعدة اتصفح اجتي رسائل فتحتهن شفتهن من هذا الشاب الي اسمة امين
هلوو مياسين ممكن تردين
اني نيتي وياج صافية  واني حبيتج
اتمنى تجاوبيني
الووو

مياسين :😱😱😱 عززا شنو. هاي اني هنا يمكن ارتفعت حرارتي خفت وبعدين اجاني شعور مااعرف شنو بس لايكون اني هم حبيتة لا لا مياسة انتي شتخربطين
حذفت محادثتة ورحت سولفت لنرجس
نرجس : لجج جاووبي متشوفين الولد صارلة كم شهر يحاول وياج لج هذا يحبج غبية
مياسين :لججج انجبي تعرفين بية اني اخاف من هيج سوالف
نرجس : وعيني انتي ممسوية شي غلط
مياسين :انتي ابد متحجين شي مفيد
&Sura