#مثل_ظلي♕♡
______(الحلقه 12)_______
احمد:بس دي نايمه بقالها يومين كده
سمير:معلش احنا مش عارفين ايه الي بيحصل معاها
رامي: بعصبيه هو احنا كل ما نسالك على حاجه تقول معرفش لما انت متعرفش مين يعرف
علي:رامي اهداء سمير بيعمل الي يقدر عليه
رامي:طيب وانا كمان هعمل الي اقدر عليه لو جميله ما فقتش من دلوقتي لبليل انا هجبلها دكتور مخ واعصاب وشيل ايدك انت بقى يا سمير
سمير:الي انت شايفه صح اعمله عايزني اكمل هكمل عايزني اوقف هوقف
احمد: على فكره دي حيات اختي الي انتوا بتقسموا فيها دي والا علشان انا عاجز يعني
رامي: انا اسف يا احمد بس اديك شايف بقالها يومين نايمه هنسبها لحد امتى بالشكل ده
احمد: احنا هنعمل الاتنين بعد اذنك يا سمير هنجيب دكتور لو جميله ما فقتش على بالليل علشان جسمها ما يضعفش اكتر من كده
سمير: انا عادي والله
احمد: وانت يا رامي هتسيب سمير يكمل الي بيعمله
رامي:ماشي تمام
سلمى:ابتسمت انا دلوقت عرفت قيمة الاخوات في حياتنا
مروه:يعني هتكلمي اختك
رامي وعلي في نفس واحد: انتي عندك اخت
سلمى:مروه
مروه: انا افتكرتك هتقولي انا اسفه
سلمى:طيب هقول اه عندي اختي ويا ريت محدش يسالني حاجه عنها وانتي يا مروه حاولي تمسكي لسانك شويه
مروه:اسفه
ومر اليوم وجميله ما فاقتش وطلب رامي دكتور
الدكتور: مفيش اي حاجه مش طبيعيه هي نايمه
رامي: ازاي بس يا دكتور دي نايمه بقالها يومين مش بتصحى
الدكتور: في الحاله دي لازم نعمل اشاعه على المخ قد يكون في مشكله داخليه
رامي: طيب جسمها مش هيضعف بسبب النوم الكتير ده
الدكتور:هي لحد دلوقت معندهاش مشاكل جسديه لو حصل اي حاجه رن عليا
رامي:ماشي شكرا يا دكتور
ومر كذا يوم والدنيا وقفه بنوم جميله مفيش غير رامي وعلي بينزله الشغل والباقي قاعد في البيت وبالليل وهم قعدين سمير قال
سمير:انا حاسس ان الدنيا وقفه ليه كده يا جماعه ده مش حل
احمد : يعني عايزنا نعمل ايه يعني
سمير:عايز نرجع لحياتنا الطبيعيه احنا عملنا كل الي علينا انا بحاول ورامي جبلها دكتور وادينا لسه بنحاول اهو
