النسيان كلمة تافهة جدا لا اعلم من الذي اخترعها...
لكن سأسأله سؤال واحد
هل استطعت النسيان؟
مهب:.جنا كلنا كاعدين بالديوان واجو خطار تفاجئت بزوج عمتي صفيه وابن عمتي ايهم وعمامه كلبي نغزني
ابو ايهم:. ابومهب ابوعلي(ابو ريتال) دامنا كلنا كاعدين اني جاي اطلب ايد بنتكم ريتال لابني ايهم ع سنه الله ورسوله وشتطلبون حاظرين
ابو ريتال:.ولله نتشرف بنسبكم بس الرأي رأي البنت واذا هيه موافقه كبع واخذ
مهب وعيونه الشرار يتطاير منهن ومكور ايده ماعدنه بنات بنت عمي اني ناهي عليها
ابومهب:. مهب احترم نفسك جهال جدامك وتحجي بكيفك
ابو ايهم:. نسترخص منكم ماندري ابن عمها رايدها
مهب:.هسه دريت بصياح الحاضر يبلغ الغائب اني بنت عمي ناهيييي عليها
ابو ريتال:. بصياح شنهي لعب جهال هيه تايهه تنهي ع بنتي جيت من عساني لاجيت
الجد: ول شنو اني مو بعينكم وتتعاركون جدامي
مهب:.حشاك جدي بس اني هذا العندي
علي:هه ولله ياشيخ مهب شحدك تلمح او تنول شعره من ريتال واني من هنا انهيي ع بنت عمي اسماء
ابو مهب:. يول شجاكم لعب جهال هيه
الجد:ها هيه هيج صار الحجي الولد رايدين بنات عمهم
ابوريتال:.علي روح ع امك واخواتك يحظرن نفسهن البيت الهان كرامتنا وماقدرتنا مالنا كعده بيه
علي:.هاهيه دقيقه منبقي هنا
ريتال جنا كاعدين وطب علي معصب ميتفاهم علي نادرا ميتعصب وصاح بينا حظرن نفسجن دقيقه منبقي هنا
ام ريتال:شبيك ابني شصاير احجي
علي:اجو خطابه ع ريتال وهذا مهب نهيي عليها شحاسب روحه مثل مانهي ع اختي نهيت ع اخته
ريتال بدموع:شنووووو نهي عليه كمت اضحك بشكل هستيري اني ومهب لا اكيد هذا مقلب موو علي
علي بقهر وحاظن ريتال ياروح علي ولله الاادفعه الثمن غالي
ريتال:. شدفع هاا لك حياتي تدمرت اني ينهي عليه اهئ اهئ😭😭
اسماء:. اسمع حجي علي ودموعي تنزل عشره بعشره ليش هوه مو يحبني كرهته بكد حبي اله ايي مستحيل اصيرله مره لو اعرف احرك روحي
يعني لأن اخوي نهي ع اخته يريد ينتقم منه بيه
ما اطلع بنت الشيخ علي اذا مدفعتك الثمن غالي
علي:. احاول اهدئ ريتال اني وامي وريتاج جاي تحظر ملابسنا عيني صارت بعين اسماء تباوعلي بنظره الم ع عتب وكره كرهت روحي هاي بنت كلبي بس ولله مجبور حسبالي مهب يفك نهوه
مهب :.طبيت ع الاستقبال لكيت علي حاظن ريتال ويهدئ بيها فجأه كامت تحجي وتغلط متحملت ضربتها راشدي
ريتال:.طب ولا كانه دمر حياة شخص متحملت كمت احجي انته منو حاسب نفسك تاتنهي بكيفك انته واحد اناني حقير مستحيل ارتبط بيك مو اني
الانكسر ومن منو من مهب كلتها باستهزاء محسيت بخدي من قوه الضربه لدرجه اغمي عليه
علي:دخل مهب احاول اهدى ريتال بس،كامت تغلط ع مهب وضربها وفقدت تخبلت ضربته بوكس كتله اذا صار عليها شي الدم يصير للركاب
اخذتها للمستشفي
مهب:.ضربتها بس،اني التوجعت موهيه ضربني علي بس سكتت لخاطر عمي ردت اروح اوديها ع مستشفي بس علي صار اعصاب وتجنبته اباوع ع اسماء تباوعلي بنظره عتب وكره اغلا اثنين عندي اذيتهن طبعا ايهاب دائما وي ابوي اريد احجي لأحد وافرغ البكلبي طلعت للشط
ريتال:كعدت اني بالمستشفى شصار شويه وتذكرت نزلت دموعي لاراديا بس مدام اهلي وياي وعلي بعد كلبي سندي
الدكتور:.صاير عدها هبوط بالضغط تخلص المغذي وتكدر تطلع
علي :شكرا دكتور
دكتور:عفوا هذا واجبي
ريتال:علي
علي:.شبيج خبله خوفتيني عليج اريدج سباعيه وقويه مو رتو التنهزم وتنكسر وغلاتج كل دمعه نزلت منج الا ادفعه ثمنها
ريتال بدموع:.واسماء شنو ذنبها انته تحبها وهيه تحبك ترا محد حجالي عيونكم فاضحتكم
علي وهوه يجر حسره اوووف لج السويته غصب عني لج اموت روحي قبل لاافكر ااذيها
ريتال:.علوشي خلينا نطلع اختنكت من ريحه المستشفي طلعنا وصلنا البيت عيني عليه مشفت منه غير الاذيه
ابو ريتال بخوف:رتو حبيبتي شبيج علي شصار شبيها
علي:يابه لاتخاف هبوط بالضغط
ام ريتال بقهر ع حال بنتها ولطمت ع صدرها لج بنيتي انتي والضغط شنو
ابو ريتال:. هاهيه باجر الصبح نطلع ع بغداد ريتاج اخذي اخيتج ع غرفتها
ريتاج:حاضر بابا
مهب:رجعت ع بيت نمت بالديوان ماريد احتك بعلي بس بالي يمها اوووف...💔
ومنا اسماء متحجي وياي
علي: صعدت ع غرفتي انام واني افكر بيها عرفت من ريتاج حابسه روحها بالغرفه نزعت دشداشتي بقيت بس بالفانيله والبجامه شويه وانفتح باب الغرفه تفاجئت بااسماء😨
اسماء:حبست روحي بالغرفه ابجي ع حظي وع حبي الصار هدف انتقام الفتهمته من ريتاج انو الصبح يرجعون لازم احجي وياه كمت غسلت ماريده يشوف دموعي او يلاحظ ضعفي حطيت كحله حت يخف ورم عيوني ومرطب شفه رحت ع غرفته لكيته مدد تفاجأ من شافني ضحكت باستهزاء
علي:. اسماء
اسماء:.اي اسماء تقربت منه وكعدت ع طرف الجربايه عطره سطرني اجذب إذا اكول كرهته بس من اتذكر شسوه اكرهه باوعت بعيونه يباوعلي بنظره مكدر افسره حب ع اسف
علي وهوه يرفع وجهه اسماء اني من يوم شفتج حبيتج لا عشكتج والصار غصب عني حطي روحج بمكاني دفعت ايدي برود
اسماء:.هذا مو حب اليحب ميئذي اسمعني يا ابن عمي اني مجايه اتوسل بيك تفك نهوه لا اصلا هذا الشي ميهمني ولاانته تهمني لأن انته واخوي اثبتوا انكم انانيين متفكرون بس بنفسكم تقربت منه
وهمست بااذنه كسرت كلبي مراح اسامحك أبد كرهتك بكد حبي الك .. 💔
علي:تقربت مني اريد اخذه لحظني واهج من كل هالمشاكل كالت كلمات كطعت كلبي باوعت عليها نزلت دمعه منها مسحتها
اسماء:.بتعدت عنه باوعت عليه صافن بوجهي خانتي دمعه مسحتها قبل لايشوفها كمت تاطلع سحب ايدي وكعت بحظنه وايده الاخري ع خصري
علي:. وعلي اذا كلتي كلمه اكرهك اعضه للسانج الحلو ماشي بنيتي اباوع ع عيونها وشفايفها تقربت منها دفعتني
اسماء:.حاول يبوسني ضعفت فجأه تذكرت فعلته دفعته وكتله بعصبيه اكرهك اكرهك وتحلم اصيرلك مره لو اموت وطلعت اركض
مهب:.اريد اشوفها رحت ع المطبخ اشرب مي معرف شجابني ع باب غرفتها فتحته نايمه مثل الملاك الشعر منثور ع وجهه والخدود حمر والشفايف منفوخه ومفتوحه تتقربت منها مهمني العواقب سحبت خصله من شعرها وشميتها
بستها من رأسها وطلعت قبل لاتكعد وتسوي فضيحه
ريتال:جنت نايمه حسيت باحد دخل للغرفه عرفته من عطره بقي صافن عليه سحب خصله من شعري شمها وباسني من راسي واني كلبي دكاته تقرء الف بس من أتذكر نهوته اكرهه
يتبع......
الكاتبه:. ميامين الطائي ❤
________________
تعليق + تصويت
أنت تقرأ
معشوقة مهب ❤(تكمله)
Mystery / Thrillerقصه فتاة متحرره تبلغ من العمر 18 عاما من بغداد كيف تستقبل نهوه ابن عمها من البصره👌👌👌 للكاتبه:.ميامين الطائي❤
