#كالو.. #خان
#خله يخون هم #ينخان
جااااا هي المكابر مو دفنت #الدفان؟!
انـه #انسـان ...
نـص #لسـان ...
ساكـت بـس أريـد #النـاس
تفهـم حكمـة #الخرسـان ...
هـوه #الصـوت لو بـي #خيـر
چــا ما يعـله ع النسوان
ريتال:.معرف ليش جاي اختنك من اتذكره وينعصر كلبي عليه اووف مالكيت يكلبي غير هذا الدمر حياتي ونهي عليها
مهب:.طبعا فاطمه اعرف مخططها تريدني اخذها تاتربطني بيها متعرف بعدها شيخ مهب
علي:. كلبي طك ع بنت كلبي موبايلها مغلق وكطعت اخبارها مني
ريتال:.نزلت اكل شي لأن جنت جوعانه ولكيت علي بالمطبخ اباوع ع ساعه ب2:30 كعدت يمه وحجيت هيه تسامحك ولاتشغل بالك اليحب عمره مايكره
علي:.مفتهمت قصدج اخاف مصخنه
ريتال:.اقصد اسماء ترا اعرف كلشي هيه محجتلي بس نظراتكم فضحتكم
علي:بس اني كسرت كلبها
ريتال: لعد اخطبها هيه تسجلت بااسمك
علي:.تعتقدين توافق
ريتال:مسودنه الماتوافق بيك
علي:.لعد باجر من ارجع من الدوام افاتح اهلي بالموضوع
ريتال:.عاا اني جوعانه راح اسوي مخلمه بيض وجاي
علي:. ماشي ام بطن
مهب :. طبعا اهلي كلهم يدرون اني مماخذها لفاطمه ولا معتبرها مرتي ممخليه واحد من اهلي ماشاكيتله جنت توني داخل البيت وصاح جدي وكاعده بسده جده
الجد:. مناوي تفضها للشغله ترا هذا مو وضع شلون تريد تثبت برائتك
مهب:. لو ع كص ركبتي مااجيسها ولااريدها هيه شامره روحها
الجده:. سوده عليه من يوم يومك متعوب
مهب:لاتخافين جده اني حفيدج جنج نسيتي مو شيخ مهب اليلعب عليه
علي:.قررت افاتح امي بالموضوع تاتحجي وي ابوي جنت راجع من الدوام سلمت وبست رأسها
ام ريتال:.روح غسل وتعال اصبلك غده
علي:.ماشي ايي هاي الفرصه المناسبه تااحجي وياها غسلت وكملت لكيتها صابه غده حجيت يمه اريد احجي وياج بموضوع واريدج تحجين وي ابوي بيه
ام ريتال:. موضوع خطبتك من اسماء موو
علي:.😳 ايي يمه
ام ريتال:. ولله خوش بنيه وزينه العقل من اختاريتها اني أحاجي ابوك وفد يوم نروح نخطبها بااعتبار انته ناهي عليها بس خوفي ع ريتال شلون خاف متتحمل
علي:.لايمه اصلا هيه فاتحتني بهذا الموضوع ادور عرس وردح
ام ريتال:. ولا جوز من سوالفها وليدي من يجي ابوك افاتحه بلموضوع
ريتال:.مرت الايام واجتي عطله الوزاري وكضيتها بس اقرء ليل نهار حت مهب شلته من راسي كل همي ماريد اخيب ظن اهلي واحقق حلمي اخاف اني ارسب بس هيهات مو ريتال التخسر طبعا ريتاج تساعد ماما بلبيت لأن مو سادس
امتحنت طبعا الاسئله بيها صعوبه بس جنت قاريه واليوم آخر يوم بالامتحانات طلعت لكيت علي ينتظرني كتله شعجب هين
علي:. اجيت ع اختي حرام
ريتال:.لا ووو وصلت البيت واخيرا خلصت من الامتحانات وظيمها رحت سبحت وبدلت وكاعدين ع الغده وبابا حجه
ابو ريتال : مدام كلنا حاظرين وخلصت امتحانات ريتال قررت نروح نخطب اسماء بنت اخوي لعلي
ريتال :.بيها الخير هيه شنو ذنبها خوما تبقي معلكه هيج
ريتاج:.اهم شي الفساتين والركص والردح والاكل
علي:. لاتخافين ام كرش
ام ريتال:.حظروا نفسكم باجر نطلع ع البصره بس ريتال متروح تبقي يم خالتها
ريتال:.لا ماما فدوه هوه جم علي عدنا
ابو ريتال :. بنتي منضغط عليج ع راحتج
ريتال:.صدك جذب يمعودين شبيكم باجر ننطلق ع البصره
ريتاج:.بدربج حظري ملابسج مليت اني اخدمج حسي ع روحج اخيتي
ريتال:. حياتي اني مبعازتج اني احظر ملابسي واني افكر بيه شراح اسوي من اشوفه اويليي يأبه حظرت ملابسي لأن راح نبقي اسبوع نمت واني افكر بيه ربي بس جيب باجر نمت وقتت المنبه تااكعد ⏰
كعدت سبحت ولبست بنطرون جينز ازرك وقميص وردي طوخ وحذاء وردي وشعري سويته ذيل حصان وحمره ورديه ومورد خدود وايلاينر برزت ملامح وجهي وحطيت شال نيلي ع ركبتي اهلي تقريبا مكملين هاي عود كاعده من وكت مشينا للبصره والطريق كله اسمع اغنيه عباس الامير_ جرعه عشك واضحك وي نفسي رغم السواه بس من ابتعدت عنه حسيت بقيمته و شنو يعنيلي
وصلنا لبيت عمو طبعا بابا مقبل نبلغهم كال نفاجئهم اول مااستقبلتنا فاطمه بنت عمي استغربت شعدها هنا يلا شعليه بيها الكل تفاجئوا بجيتنا والوجوه صفر لو قطره دم مبيهم حت اسماء وهم غلست سووا غده واجه مهب تكول شاف ملك الموت وطابين وطالعين اكو شي ضامينا والا اعرفه كعدنا نتغده مهب كعد مقابيلي اول لكمه فاطمه حجت
فاطمه:. ريتال اشو مباركتيلي
ريتال:. بمناسبةشنووو اباركلج
فاطمه:.زواجنا اني ومهب
الكل:.😨
يتبع.....
توقعاتكم بنات شراح يصير شسوي ريتال من تعرف مهب متزوج
الكاتبه:.ميامين الطائي ❤
____________________
تصويت+تعليق
أنت تقرأ
معشوقة مهب ❤(تكمله)
Misterio / Suspensoقصه فتاة متحرره تبلغ من العمر 18 عاما من بغداد كيف تستقبل نهوه ابن عمها من البصره👌👌👌 للكاتبه:.ميامين الطائي❤
