اللهم صل وسلم وبارك على سيدنا محمد وعلى آله وأصحابه أجمعين 😍😍😍
🎧🎧اسمعوها جميله جدا بس اما تشوفوها
💔💔💔💔💔💔💔💔💔💔💔💔💔💔💔
في المنصوره
محسن.....بتهزروا صح
زين......لا بجد مخطوفين ولسه بندور عليهم
محسن ....انتو مين انت مين اصلا
سمير بهدوء....براحه يامحسن. دا جوز بنتي الرائد زين الدين البحيري
محسن بسخريه....رائد ومراته مخطوفه تيجي ازاي
سمير بحذر....محسن هنتكلم بعدين احنا حاليا هلكانين وعايزين ننام
محسن....ناموا هنا للصبح الشقه اللي فوق زمانها مليانه تراب متفتحتش من وقت ماجيت شقتي وشقة والدي نضيفه
زين.....طب استأذن انا
سمير....هتروح فين يابني
زين....ماشي ورايا شغل مهم الصبح يادوب الحق اروح ارتاح شويه
سمير....ابدا وربنا ماهتمشي هتمشي ازاي احنا بليل وانت بقالك كام يوم منمتش لازم تبات هنا
محسن....ايوه يابني السكه مش امان انت هتنام معايا انا وسمير في الشقه التانيه وعمر كمان والحريم هنسبهم هنا
زين....ياعمي ملوش لزوم انا هسافر انهارده حضرتك عارف اني مش فاضي
سمير بعند....ابدا مش هتمشي يعني مش هتمشي يعني لو روان هنا وهي اللي طلبت انك تقعد مش هتسمع الكلام
زين بحنين إلي زوجته....طب هي تطلب لبن العصفور وانا اجيبه عشان عيونها
سمير....لاحظ انك بتكلم ابوها مش واحد صحبك
زين ببتسامه جميله لفتت نظر تلك الصغيره......حضرتك فوق راسي ياعمي
محسن....يبقي خلاص كل الرجاله تتجمع في الشقه التانيه والستات تبات هنا والصبح يبقوا يروقوا الشقه اللي فوق ولا ايه ياحنان
حنان التي كانت تتحدث مع زوجة اخاها هي وبناتها ولم تتنتبه الا بعدما نداها اخاها
حنان....خلاص ياخويا اللي تؤمر بيه ان شاء الله الصبح اطلع انا والبنات انضفها
صفيه....وانا معاكي طبعا انا هنضف معاكي دانا شاطره والله
ضحك الجميع علي كلام صفيه
محسن....طب بمناسبة الشطاره قومي ياشاطره جهزي عشا للجماعه ولا هيباتوا جعانين
صفيه بشهقه....يافضحتي ازاي دا عشر دقايق والاكل يكون جاهز
سمير...ملوش لزوم احنا شبعانين
محسن....ابدا والله ميحصل هتتعشو قبل ماتناموا يلا يابنات ساعدو امكوا
