مرحبا لولواتي
❤❤❤
فضة.. ماعرفت شنو اسوي واني اشوف جمرة وجهة كلة كدمات ومغمى عليهة
وووللللكم تعاااالووو تعاااالو جمرررة راحح تموووت
وللليد ويينك بااابا تعااال
ولكممم البنية راحح تموت ليييش متتجووون
تعااالو ياظلام
ركضت على السريع ادك بغرفة بابا عامر بس ميفتح الباب
.. بااابا شبيك هاي بنت اخووك هاااي امانتة ليش متطلللع من الغرفة
الجد.. لتحاولين فضة محد يكدر يكسر كلامي بس انتي وفد يوم اكسر راسسسج
.. يجي يوم وتطلع حوبتي وحوبة للمكرودة الطايحة بالكاع وبعدين شوفو منو الي يساعدكم
ركضت بسرعة لجمرة واني اتوجع لان اني هم نضربت بس مو بكد جمرة
ضلييت اجر بيهة لحد ماوصلتهة للحمام بسرعة فتحت الدوش وخليتهة جوا
هي فززت على السريع
جمرة.. اخخخخ راااسي
.. حبيبتي جمرة اصبري خلي راسج جوة الماي لطلعي والله مااعرف شنو اسوي الج وشلون اعالجج
جمرة.. ضليت نايمة جوة الماي ومااكدر احرك جسمي عيوني مااشوف بيهن والم الراس فضييع
.. من شفتهة شوية حالتهة احسن ولو مافتحت عيونهة بس المهم صحت رحت جبت ملابس مني شوية ثخان وترواكة صوف وحفايات
ها جمرة شلون صرتي اسد الماي
.. ايي
سديت الماي وهي لبست الملابس وطلعنة برة جان جدي داخل لغرفتة اني دخلت جمرة لغرفتي لان الجوو مو بس باردة لا ثلج
نومتهة على سرير وكعدت يمهة
.. جمرة انتي لازم اطلعين من هذا البيت لان راح يموتوج هنا والله
.. وين اروح مدكولين الي وين اروح
.. والله مااعرف اهم شي اطلعين من هذا البيت لان جدي ميقبل اي واحد يساعدج هسة قفل بيبان الكل حتة ليطلعون الج
.. متوقعة منة هيج موقف
.. جمرة اريد اكلج شي
.. كولي
.. اني اشك بجدي مريض نفسي
.. شلون
.. والله مريض نفسي هو من جان صغير هواي جان ينضرب ينضرب وبقساوة بحيث لحد هسة اثار الضرب موجوده ومن كبر وصار عندة نسوان كام يضربهن تدرين شكد مزوج ومطلك فوك ال٤ وحدات ويطلكن لان يشردن من ظلمة تاليهة ثبت على بيبيتنة وخلف عمامي وابوج وابوية وهم ماتت لان جان يضربها وهي جبيرة ومن تتمرض ميجيب الهة علاج ولا يخلي اخوانهة يجيبون الهة لحد مامااتت
