مرحبا لولواتي
❤❤❤
تفاعلكم🥺وتعاليقكم على فقرات القصة حتة انزل الكم بارتات
راح نبدي البارت من الخطوبة لان اكو احداث مانذكرن😚
جمرة..صاحني عرب وهو ابتعد عن مروة
..ولج جمرة هاي شلابسة
..شلابسة؟؟
..اشتعلووو اهلج على هذا اللبس
..ليش شبي
..مابي شي بس دين مابقى براسي
..ردت البس عباية بس ضاعت
..ضاعت شنو ولج بس لا تطلعين هيج
..اقصد يعني يم يقين وماهي
..هاااا فهمت عمي والله هاي يقين نسرة وينهة بلا خلي اشكره
..بلا تشكره على شنو
..معليج اسرار بيناتهة يلا بالبيت نكمل الحديث
..اوك
..راحت ليقين الي واكفة ومعبسة كرصتها من خصرهة لللج يقين انطيني عبايتي احسلج
..خلي الرجال شوية يتمتع بالنضر شبيج
..لا اله الا الله
..جمرة هاي اول مرة اشوف بنية مامهتمة لخطبة زوجهة ولج حتة الفصليات من يزوج لو يعقد يكعدن يدكن وينوحن
..ليش قابل الرجال اذا راح هاهية خلصت الحياة ولج هنة لو ذكيات لازم ميسون هيج حتة هو يلحگهن ويكوم يركض وراهن بس هنة اذا كعدن يتوسلن الة لتزوج وحباب وتبجي والله ولا يهتم الهة
..يعني هسة انتي جاي تبيعين ثگل على عرب حتة هو يلحگج مووو
..لا
..شنو لا اني اعرفج الة اكول لعرب هاي جمرة جاي تبيع ثگل عليك ف لذالك انت طب بزودك
..انجبي والله اذا كلتي الة ولج شو انتي صايرة حاروگة
..هههههه مو بيدي لازم احرگ
..ان شاءالله يارب يجيلج رجال عصبي ميتفاهم ويفشلج ويحرجج ويجبرج حتة تحسين بشعوري بذاك الوكت اني اجيلج واحجي
..الله وين لاكية هيج واحد عصبي حتة اني اطفي نارة ويفشلني حتة اتمسكن علي ويجبرني اني اموت على الاجبار
..يقين صعدتي ضغطي
..يلا هاج عبايتج بس لتبجين المهم شافج هيج
..شفتي اعرف بنوايج وشنو غايتج
..انت معلم واحنة منك نتعلم منو علمني على الفساد
..اني
..الاعتراف بالذنب فضلية يلا روحي يم رجلج لتخلين هاي السعلوة مروة تاخذة
