مرحبا لولوتي
❤❤❤
شنو هل تفاعل الي يرفع المعنويات😍فديتكم استمرو وعلقو على فقرات القصة واخيرا خلصت من التعاليق الي كلهة تكول كملي كملي وتبدلت بتوقعات للبارت الجاي
عرب.. فتحت الباب وشفت جمرة جاي تصيح ركضت الهة على السريع
جمرة.. عرررب حيية حيية لدغتني
علكت الاضوية بسرعة وفعلا شفت ايدهة حمرة صايرة واثر اللدغة
جريت عبايتهة ولبستهة على السريع كومي بسرعة خلي اوديج للمستشفى يلااا
.. يعني راح امووت عرب لدغتني ايدي توجعني
.. شنو هذا الحجي متموتين يلااا نزلي بسررررعة
طلعنة من الغرفة ونزلنة جوة كعدت امي وحنين وهنة خايفات ومخروعات من الصوت
.. شصاير يمة عرب
.. يمة هسة راح اخذ جمرة للمستشفى حتة نضربهة ابرة ضد سم الحية انتو لصعدون فوك ابد وخلي مروة تنزل وكعدو بالغرفة الجوى علما اجي واطلع الحية من البيت
.. يمممة اسم الله اجي وياكم
.. لا مانلحك بعد
طلعنى من البيت وركبنة بالسيارة وجمرة كامت تعرگ وحركاتهة بطئت
عرب.. جمرة كومي هسة راح نوصل تحملي شوية بعد
.. مم ااكدر
مرت ٥ دقايق واغمى عليهة
دست على البانزين ووصلت لاقرب مستشفى موجوده
دخلتهة للمستشفى واني اشوفهة بين ايدية شبه ميتة مااعرف شنو اسوي كمت اصيح على الدكتور قبل لنفقدهة هاي سم حية مو شي عادي
الدكتور.. اي لتخافون هسة نضربهة ابرة ويروح كل هل سم من جسمهة
.. يلا استعجل دكتور يلاااا
دخلت لغرفة وحضرو الابر واني منتضرها برة
.. منين اجت هاي الحييية وليش ماشفتها اني ليش الة على جمرة راحت اعصاب مابقت براسي واني انتضر هل دكتور يفضهة ويكول جمرة مابية شي وراح السم من جسمهة
ضليت افتر بممر المستشفى واصبر بنفسي لان صدقا تنرفزت
بسرعة صارت صورة جمرة كبالي وشلون كاعدة بالبيت وتضحك وتاكل وتشرب حرام تموت وهي بعدها ماشايفة شي من الدنيا
ولا اني اكدر اتحمل تموت جمرة ضل بالي على البيت خاف هم تطلع الهم ويصير شي عليهم
اتصلت على امي وهي جاوبت بسرعة
..ها عرب بشريني شلونها جمرة
..مااعرف مااعرف بعدة الدكتور ماطالع
انتو كعدتو بالغرفة مو؟
