سلام على من رد السلام اسمي عبد الله عمري 30سنه متزوج من ابنه عمي اللي والدي قبل لييتوفى وصاني اتزوجها بنت عمي كانت جميله جدا بس اني جنت موكلش حابهه المهم تزوجنا وعشنا حياه هادئه وهي كانت تحبني بشكل فوق المعقول واني عادي تتعب نفسها علمودي هواي بالاكل وبالاقتصاد ومرتبه امورها بحيث من اجي تتفرغلي ولو شكد مكان تعبها اللي اطلبه يتنفذ اني شغلي مدير مكتب شركه حكوميه يعني راتبي مرتب وهي كانت تقتصد مو مبذره ابد فاعرف بيها تجمع ميهمني المهم انها ممقصره عالبيت والاطفال صار عدي علي ورفل والصغيره مسار احبهم اكثر من روحي
منى- مرحبا اني منى زوجه عبد الله 👆🏼
من جنت صغيره احبه وفاتحه عيني عليه واعرف بي ميحبني بس تحديت روحي كلت الا اخلي يحبني سويت المستحيل واعتقد حجالكم هو اكشخ واحد بصحبانه وارتبهم واريحهم عيشه لازمه روحي كلش بمصروف البيت هو ينطيني هواي بس اني مااصرفهم كلهم مثلاا ملابس البنات الا اني اخيطهن ويخبل خياطي واني هدومي هم بيدي اخيطهن كضينا سوه 11سنه وابد مافد يوم ناقشته لو تعاركت ويا جتي ايام مد ايده عليه وما ناقشه اسكت وهو ممقصر عالبيت وصايني واني قنوعه جدا واموت عليه عدي اهم شي راحته والبيت لازم يكون هادئ من يجي الجهال مكملين دراسه اني يتيمه الابوين فماعدي غيره لو شكد مكنت تعبانه اليريده يصير فرق بيني وبينه 9اشهر بس واني يوميه البس واكشخ واتعطر ولا يوم شافني بصوره موحلوه بس هو شوي جدي ميبين حبه او يمكن ميحبني المهم اني اللي عليه اسوي
منى- الله يساعدك ابو علي
عبدالله-هلاو الله يسلمج شطابخه
منى- خير من الله ابتسمت الاكله اللي تحبها
عبد الله - تبسي عاشت ايدج يله صبي جاي كعدت عالاكل اسولف ويها عالشغل كالعاده
منى- شكو بيها سوي توكل على الله اني واثقه بيك راح تنجح لان انت مبدع بمجالك
عبد الله- يراد سيوله لازم اخابر محمد اخويه اتداين منه
منى-شكد محتاج على كد ميه مليون
عبد الله- لا على كد 60 تكفي وتزيد
5اول شهر عمال
منى- لتداين من محمد اني انطيك
عبد الله- منيلج هالمبلغ
منى- مجمعته صار كومه من تزوجنا لحد هسه عدي 62
عبد الله - وعلى اي اساس اخذ منج ماريد
منى- لا اشغلها اني اريد اشغلها
عبد الله - ماشي احتمال متجيب ارباح اذا فشلت سنتين وارجعهن
منى- ماشي
عبد الله - مستغربت من طتني تجميعه عمرها هي دائما هيج ممخليتني محتاج احد واني عدي عادي هالشي متعود
بغرفه النوم
عبد الله - تمددت وره الغده اتفرج تلفزيون
انتبهت عليها نزعت لبست ملابس نوم
منى ركصيلي شوي عليت التلفزيون
منى- جنت كلش تعبانه كاعده من الخمسه ردت ارتاح بس من طلب مني متحملت ارفضه دست على نفسي وسويت اللي يريده ركصت ومبينتله تعب جسمي واني مبتسمه اشوفه يباوع عادي مبتسم كملت الاغنيه وجيت يمه من تباوعلي احس نفسي بت ال17
عبد الله - هههه يمعوده طبيتي ال30 بنتج عروس ههه
منى- عيني اني كاشان باوعلي باستهزاء مبتسم
عبد الله- تعاي بابا تعاي شوفيني الكاشان اصلي لو مقلد
منى- مو بعيني تقربت منه بسته بلهفه وهو طبيعته بارد شكد حاولت اهيجه اخلي يشتعل مثل ميكولون خواتي على رياجيلهم بس هو كلمن وطبيعته مجنت ادير بال جان يكمل شغلته وينام هو طبيعته جدي
عبد الله - بلشنا المشروع الجديد وفتحت قطاع اهلي خاص وارباحه صارت حلوه كمت انطيها كل شهر ارباح لان هي صاحبه راس المال
احتاجيت عمال وسكرتيرات بعد للقطاع الخاص نزلت طلب وضايف وبدو يجون الموضفين لطلب التوضيف وضفنا 3عمال شباب وبنيه عالسكرتاريه
سلوى - السكرتيره الجديده شفت المدير تخبلت عليه ضخم وطويل وشكله يخبل واني حلوه وصغيره
مرحبا استاذ اني السكرتيره الجديده
عبد الله- اهلا بيج تعرفين عملج مو
سلوى- اي استاذ اعرف انشاء الله ترتاح ويايه
باوعتله بنضرات اعني بيها غير شي
عبد الله - انشاء الله مااعرف شون تباوعلي هاي
سلوى- كمت كل يوم البس لبس كصيف وحلو ومكياجي وشعري الا اخبله
استاذ هاي كهوتك وهاي شويه كيك اشتريته ويايه من جيت نصيت اقدمها اله
عبدالله- لبسها فاضح وهي صغيره وحلوه واني داانسى نفسي من اباوعها تتدلع
سلوى - يعني صار اسبوعين احاول ويا هو مدايرلي بال عاجبني كلش حته لو متزوج الله حلله اربعه
منى- داالاحض عبد الله شارد ويفكر بغير عالم هايم
عبدالله بيك شي ليش بس تتصفن
عبد الله- كلشي مبيه شبيه خبل تشوفيني
منى- لا حشاك مو قصدي بس بالي يمك
عبدالله- لتسوين هالسوالف كلشي مبيه
منى- ماشي عفته يرتاح وطلعت من الغرفه
سلوى - اريد اتصل بي اخاف
اخر شي قررت اتصلت
عبدالله- رن التلفون باوعت سلوى ضليت صافن معقوله هلكد جريئه مااخفي خفق كلبي
الو
-الو همست ونعمت صوتي شونك استاذ
-هلو شونج انتي
-الحمد لله حبيت اسال عليك لان ضل بالي طلعت من وكت
-عبد لا جان عدي شغل بالقطاع الحكومي ماكو شي
-الحمد لله استاذ الشركه كلش ضوجه من تكون موموجود وبصراحه مااامن الا بوجودك
_احد تعرضلج شي
-لا استاذ والله بس نشتاقلك من متجي
- انصدمت.. صدك تحجين تشتاقيلي
- والله استاذ مكدرت اكمل دوام طلعت اختنكت
- باجر اجي وتشوفيني شتريدين تحجين احجي
- اي استاذ مااتحمل اسكت بعد -
- ماشي جاي باجر ونتشاوف مع السلامه
- الله وياك استاذ سديت الفون مكيفه اخيرا حس بيه
