كانت داليدا تمسح عيونها من الدموع للدرجه دي مامتها وباباها اتعذبو بس مامتها ليه قالت إنه مات مقالتش ليه أنو مسافر ليه مات دا سر برضه لازم تعرفه من مامتها
قامت داليدا وسط حيرتها اللي كانت بسببها مش عارفه تفكر زي إللي يكون مخها أتوقف عن التفكير مش شايفه غير حاجه وآحده ادامها الحقيقه فين يا ماما عاوزه أعرف ليه عملتي كده
خرجت داليدا من الكافيه وراحت المستشفي عند مامتها علشان تعرف منها الحقيقه الكامله والسبب الحقيقي إللي خلاها تعمل كده
وفعلا لما داليدا وصلت المستشفى كانت مامتها بقت كويسه قعدت جمبها والدموع كانت بتنزل من عنيها
داليدا. ليه يا ماما كل السنين دي معرفتنيش إن ليا أب آنتي مجربتيش إن ميكونش ليكي سند ولا ضهر مجربتيش إحساس إن الناس إللي حواليكي من وراكي وقدامك بيتكلمو عليكي وإنتي سامعاهم ومش عارفه تردي إللي يقول أكيد دي بنت حرام وإللي يقول دي سهله ما هي تربيه وحده ست ولما ارجع بالليل من الكليه آه ما لو ليها راجل كان شكمها أنا كنت بسمع الكلام ده كله من زمان ومش قادره أتكلم مش عندي رد وكل ما أسألك عن بابا تقوليلي مات ولما أسألك عن أهله أو أي حد من قرايب تردي إنه زيك مالوش أهل لحد ما استسلمت للامر الواقع أنا عاوزه أعرف الحقيقه فين ردي عليا يا ماما بردي ناري إللي عايشه بيها من سنين
الام. ومين قالك إن أنا مش حاسه بيكي أنا عيشت تقريبا نفس ظروفك لما أهلي كلهم ماتو و الوحيده إللي كانت معايا كانت جدتي إللي برضه مطولتش وماتت وأنا ف أول السنه ف الكليه وحده فظيعه الكل طمعان فيا لحد ما قابلت ابوكي حبيته من كل قلبي مكنتش أعرف هو ابن مين ولا أي حاجه غير إللي هو بيقوله كان دايما بيقولي إنه إبن موظف صغير ف الشهر العقاري ومن كتر خوفه عليا اتجوزني وجابلي شقه صغيره كنت فرحانه بالعش الصغير إللي عايشه فيه مع حبيبي و ف يوم صحيت علي صوت الباب إللي بيخبط خبط مش طبيعي باباكي مكنش موجود روحت افتح الباب لقيت جيش لابس اسود ف اسود وف وسطيهم آتنين رجاله ليهم هيبه واحد كبير ف السن و التاني أصغر منه زي ما يكون ابنه بس إللي لفت نظري إنهم فيهم شبه من باباكي فوقت من الصدمه علي صوت الراجل الكبير
Flash back
عاوزه كام وتسيبي حفيدي
حفيد مين حضرتك أكيد غلطان ف العنوان
هههههه حتعملي فيها عبيطه بقولك إيه أنا عارف اشكالك كويس بس أنا معنديش مانع ادفع زياده واوعي تفكري إني مصدق إنك مش عارفه حاجه
حضرتك أنا فعلا مش عارفه ولا فاهمه حاجه حفيد مين حضرتك أنا لسه متجوزة جديد وزي ما إنت شايف أنا كمان لسه ف أول جوازي يعتي حتي معنديش أولاد
ههههههه لا بجد برافو تصدقي دخلت عليا بس برضه هاتي من الاخر عاوزه كام والمبلغ إللي حتقولي عليه ايا كان أنا حدفعه أنا معنديش اغلي من حفيدى
