فاقت داليدا علي أيد يونس وهي علي وشها
ضربها آه ضربها علي وشها بالقلم من قوه الضربه داليدا وقعت علي الارض
بصت داليدا ف عيون يونس والدموع ماليه عيونها
داليدا. إنت بتضربني علشان الزباله دي تمام يا يونس خلاص خلصت كده
قامت داليدا وقفت وعدلت هدومها ولسه حتمشي لقت أيد يونس بتمسك أيدها
يونس. إستني يا داليدا
نفضت داليدا أيد يونس وقالتله. أنا لسه عند رأيي ورقه طلاقي توصلني واضح إن أنا كنت غلطانه
وهنا بقى انهارت حصون الدمع ف عيون داليدا ومشيت من شقه يونس ومن كتر الدموع مكنتش شايفه ادامها
ركبت عربيتها و هي تقريبا مش شايفه حاجه من كتر الدموع وكان يونس وراها بس ملحقهاش ضرب بايده علي راسه وطلع يجري علي الشقه إللي كان فيها عاوز يجيب مفاتيح العربيه
راح يونس علي الشقه لقي الناس لسه متجمعيه
يونس. خير يا جماعه المولد خلص
الجيران
الأول. يلا يا جماعه كل واحد علي شقته
التاني. العماره لازم تنضف من ألاشكال دي كفايه قرف بقي
التالت. حد يتصل بالبوليس
يونس. إللي حسمع منه كلمه زياده حيشوف وش عمره ما كان يحلم إنه ممكن يشوفه يلا كل واحد علي بيته وإللي حشوفه لسه واقف أنا اللي حبلغ البوليس
قال جملته الاخيره بصراخ
راح كل واحد علي شقته دخل لقي أدم ماسك ف البت إللي كانت هي و داليدا بيتعاركو
يونس بقلم نزل علي وش البنت. آنتي مين ومين إللي باعتك
البنت. يوه بتضرب ليه طيب هو إنت سألت وأنا مرديتش
يونس. اخلصي آنتي مين وعاوزه مني ايه
البنت. إنت بقي يونس ليها حق النسوان تتهبل عليك قربت عليه باغراء وقالتله سبيلي نفسك وإنا حنسيك نفسك
ولسه حتلمسه مسك أيدها ولواها وقالها مش أنا إللي وآحده رخيصه زيك تقولي أعمل إيه ومعملش إيه
مسكها من شعرها بعنف. ح تقولي مين إللي بعتك وتاخديلك قرشين حلوين ولا تتشاهدي علي روحك يا حلوه
كان الغضب هو سيد المكان يونس عاوز يلحق داليدا وف نفس الوقت عاوز يعرف مين البت دي ومين إللي يعرف مكان البيت وعاوز يخرب عليه حياته لإنه مفيش كلام إللي بعت البت دي هو أكيد هو إللي كلم داليدا علشان يخلي داليدا مصممه علي الطلاق
ح تقولي مين ولا تحبي تشوفي الوش إللي محبش أطلعه وخصوصا علي وآحده ست
من شكل يونس إللي بجد يخوف قالت بصوت مرعوب. إللي بعتني واحد إسمه البرنس هو إللي مشغلتي طلب مني أجيلك وانام ف فرشتك ولما تيجي وآحده ست وتتخانق معاك اخلع أنا وسط الخناقه وأهرب مكنتش أعرف إنها مفتريه وايدها طارشه كده
