ظلم الأهالي

7

#ظلم_الأهالي 7

(مقتبسة من قصة واقعية)
.
.

💮šmĕسميوااwă💮
.
.

أيمن كان مقعمز ف المربوعه بس تقولي قاعد ع نار مايحبش الجو هدا صح بعد ماياخد منهم سيارات ويوصل كل حد لي حوشه مايحبش يقعد طول يروح

اما انوار ف الاخير لقت سياره مفتوحه فتحت بطمة الكوفني وسكرت الباب بشويه وركبت هيا ف الكوفني بس ماسكرتاش كله باش تقدر تتنفس 🔥🔥🔥

" " " " " " " " " " " " " " " " " "

فاطمة تساوي ف بنتها مروة : باهي هكي
مروة : اي وماما قولي للفرخه انوار اديريلي حاجه ناكلها

فاطمة : وينها هيا مقصوفة الرقبة هادي وقعدت تنادي عليها

فاطمة : وين مشت هادي
مروة : شوفيها بالك ف السطح
قعدت واقفه جنب الدرج وتنادي لا عند ماتكنطت

" " " " " " " " " " " " " " " " " "

منال كانت مروحه شافت سيارة ف جنان متاعهم قعدت تركز علاها وع شكل سيارة

قعدت تفكر من بيكون عندهم ومتع مني سياره  الحلوا هادي بس وقت شافت خوها طلع من المربوعة وعاطي بظهره ويتكلم ع طول خشت تجري للحوش بعد مالقت الباب مردود

فاطمة وقت لقت بنتها منال خاشه تجري : خيرر دعوتك وجيتي وجابك ربي
منال تبلع ف ريقها : ف فؤاد وقبل ماتكمل كلمتها خش فؤاد قعد يشوفلها ويفنص فيها

فؤاد : وتي زوز فناجين قهوة وبسرعه ديراها
فاطمة : ولي مني ان شاءالله
فؤاد : يام مش وقتها دوا توا
فاطمة : قول لي مني قتلك

فؤاد : وااااك واااك ولد صاحبي من طرابلس حلفتله يشرب معاي قهوة قبل لا يروح رتحتي هكيي

منال وقت سمعت صاحبه من طرابلس حطاته ف راسها وقعدت تفكر كيف تاخد رقمه الوقحه

خشت للكوجينه جري ودير ف قهوة وطلعت حلويات وتكمت السفرة ع اساس باش يفكر فيها ويقعد ديمه يجي لي فؤاد

عرفتوها الفلاحه ولا وقت تنزل ع صحاب الخوت وبدات وقت يكونو صحابه سيارات وطروف وعاد مانحكيلكمش الخفيفات كيف تنزل عليهم الفلاحه 😂😂

جت فاطمة تشوف فيها : وقت تكملي الهايك يلي ف يدك اركبي للفرخه انوار فوق قوليلها توتي روحها لي خوها

تلفتت منال لي امها بسرعه : علاش خيرها شن دايره
فاطمة : كملي كمليي يلي ف يدك قبل وطلعت

منال مادورتش لانه يلي تفكر فيه توا اهم من انه انوار شن مدايره 🌚

انوار قعدت تساوي ف روحها ومش مرتاحه بلي ادير فيه تراجعت ع فكرتها قبل بتنزل لكن سمعت صوت خطوات جايه نزلت الكوفني وهوووب تسكر علاها 🔥🔥

قعدت تخبط ف خدودها ع العملة اللي حصلت فاها وخافت ينقطع علاها نفسها حافظت ع هدؤها وقعدت تدعي انه وقت تقيم الكوفني ينقام معاها بس لي سؤ حظها ماقدرتش تفتحه