ذكريات مراهقه

الجزءالثالث قتل مروة #

اندك باب بيت ام علي بقوة بحيث اتفلش الباب اجتي كوثر وام علي يركضن طب علي للبيت وعيونه يجدحن نار بحيث تحسه جدر ظغط من الغضب ...يريد يصعد على مروة وكامشاته امه ومرته وهوة يصيح ياساقطه ياكلبه ليش نزلتي راسي بالكع والله اليوم اذبحج لج حيوانه مالكيتي غير هذا السرسري اصادقي فضحج بالمنطقه لج شقصرت وياج حتى تسوين هيج والله اليوم ادفنج يا كلبة
ام علي/تخبلت من سمعت الحجي لك شدتكول الخاطر الله منو هذا الفاضحهة
علي/احمد ابن الصايغ كايل للولد بالكهوة مروة مصادقته وتنام وياه بفلوس
ام علي /عزة العزاج مروة اليوم ادفنج اليوم
كوثر راحت تركض المروة قفلي بابج لا تفتحي ابد
ام علي وخري من كدامي لج دكت باب غرفت مروة بقوة لج حقيرة افتحي الباب اليوم اكسر راسج
المهم هدئو شويه ومروة ماطلعت من غرفتهة ابد والكل معصب ومقهور
صار الليل وراح علي الغرفته
كوثر / حبيبي مدلي رجلك خلي افركلك اياها
علي / اوف ياكوثر بيا حال اني
كوثر /حبيبي هدي اعصابك يجوز هذا جذاب يتبله علينه مروة حبابه وكولهة تحجي بشرفها
علي /ياشرف هذا نزلته بالكاع
كوثر / حبيبي والله مروة ادميه اسمع منهة ولا تخلي حياتهة تخرب على مود هذا الحقير
مر الوقت والكل حزين  يفكر شلون ينحل هالشي
صار الصبح وعلي راح للدوام
ام علي ادك باب غرفت مروة
ام علي /مروة افتحي الباب ليش يايمه نزلتي راسنه بالكاع شقصرت وياج اني
مروة تبجي وكلبهة محروك يمه والله ماسويت شي هذا يتبله عليه
ام علي /اذا هوة جذاب ليش ضامه روحج اطلعي خلي نفحصج ونتأكد
مروة / بينهة وبين نفسهة اي والله اني مالي ذنب ليش خايفه وخل يفحصوني خلي يعرفون هذا جذاب
مروة فتحت الباب
ام علي / ظربتهة راشدي المروة
كوثر / عمه ليش مو كلنالج ماسوت شي
ام علي / اسكتي انتي الساقطه اظمين عليهة وماتحجين
كوثر / عمه كافي الخاطر الله
ام علي سحبت مروة واخذتها لدكتورة تفحصها
الدكتورة / بنتج مابيهة شي حجيه عذراء
ام علي / متأكده دكتورة
الدكتورة /شلون لعد قابل احجي بكيفي
ام علي / الحمدالله
يالله بنتي خلي نمشي شكرآ دكتورة تعبناج
الدكتورة / تعبج راحة حجية
ام علي / مروة احجيلي لا ظلين ساكته هذا الجايف شعنده وياج
مروة / يمه يهدد بيه يريدني انام ويا واني ما اقبل وعلمود ماقبلت راح فضحني الجلب
ام علي / حسبي الله ونعم الوكيل عساها بحظه وبختة
مر الوقت ومشاكل بيت ام علي بسبب احمد وعلي حرم مروة من الدوام وهيه تتحسر وتبجي ورة شهر مروة تعبت نفسيتهة حيل بحيث كامت تفكر تنتحر
مروة راحت واخذت دوة الظغط مالت امهة وخلته يمهة بدت اتفكر وتبجي تنتحر وتعوف هالدنيا التعبانه لو تكمل وتعيشهة بحلوهة ومرهة ...
ثاني يوم مروة ماتحملت اخذت من الحبوب ..
مروة من اخذتهن اتندمت خافت من الموت حاولت تسترجع ماكدرت راحت تركض على كوثر
مروة /كوثر لحكيني راح اموت
كوثر /اسم الله عليج حبيبتي شسويتي
مروة /لج اخذت الحب مال الظغط
وهيه تبجي بحركه وكعت مروة من طولهة بين ايد كوثر
كوثر /لحكوني مروة راح اتموت يمه علي
علي /شكو ياستار شبيهة مروة
كوثر /مادري خلي انوديها للمستشفى
ام علي / سوده عليه مراوي
اخذو مروة للمستشفى وسولهة غسيل معدة ومرت على خير
بس مروة حالتهة تأزمت حيل بحيث كرهت كولشي من يمهة بس حاولت تعيش وتنسه ،،،،،،،،،