ذكريات مراهقه

بين الحزن والفرح

حاولت مروة تنسى الي صار وتكمل حياتهة ودراستهة
بس جانت مستحيه من العالم ومن اهلهة تحس العالم تباوعلهة بنظرة مو حلوة ...
كوثر /مروة حياتي خلي نطلع نغير جو
مروة /مالي نفس اطلع
كوثر /انروح البيت اختج وهم امج شويه ترتاح وتطلع
مروة /ماشي ابدل وانزللكم
طلعو من البيت ورايحين البيت عيال سماح
جودت /هلة بخالتي العزيزة
ام علي / ابو مصطفى شلونك عيني
سلمو على بعض ودخلو للبيت
دخلو للصاله وجان فيصل كاعد ومشغل اغاني ومسوي جو وكاعد يرسم ..
جودت فتح الباب كمزة الفيصل فيصل كاله شبيك عندك حرب
جودت /كوم جانه خطار وانته عايش بالحب
كامو يضحكون بيت ام علي ..على الموقف فاتو وسلمو وكعدو ..
مروة اجتي عينهة على مسجل فيصل والرسم هيه تحب هيج شغلات كالتله فيصل شنو ترسم
فيصل /ارسم وحده احبهة
مروة /امممم خلي اشوفها
فيصل /من يصير الوقت المناسب اشوفج اياها
مروة /كتلني الفضول ترة
فيصل /احسن مثل ماعذبتي قلبي اعذبج
اجوي جهال سماح يركضون على بيبيتهم وخالهم ويلعبون ويه شموسه
سماح/السلام عليكم نورتونه اليوم منين طالعه الشمس
ام علي /انتي لا نسألين لا تكولين امي شبيهة مابيهة
سماح /والله شسوي يا يمه تعبانه ويه الجهال والبيت
ام علي/الله يساعدج بنيتي ديري بالج على صحتج
ام جودت وابو جودت اجوي سلمو وكعدو وبدت تجهيزات العشا والتعلوله ....
رجعو بيت ام علي للبيت وجانت مروة تفكر بفيصل بحزن تكول ليش مانطيته فرصه راح وحب غيري
ومرة الأيام والسنين
٢٠٠٤..
كملت مروة دراستهة تخرجت من جامعة بغداد ب٢٠٠٣ قسم لغة عربيه
وفيصل هم تخرج وصار مهندس
وبعده يحب مروة حب مايتوصف
دك باب بيت ام علي
ام علي /كوثر يمة شوفي الباب
كوثر / صار عمة
كوثر / اوف يابه تعبت من هل حمل
سماح/هلو حبيبتي شلونج
كوثر /هلة بالغاليه
تبوسن وبوست الجهال ودخلو جان الي جايب سماح فيصل
سمعت مروة صوت الجهال نزلت تركض وعيونهة كولهة فرح الجهال شافو مروة يركضون عليهة يحضنوهة ويبوسوهة نزل مروة من الدرج هيه والجهال اجتي عينهة بعين فيصل ..
بهاي اللحظه كلبهة دك وجرت حسرة حب
مروة/هلو سماح شلونج اخبارج فيصل شخبارك مبروك التخرج
فيصل/شكرآ وانتي هم مبروك التخرج
بهاي اللحظه فيصل قرر انو ينهي هالشي ويصارح مروة بمشاعرة .بس جان خايف من ردة فعل مروة
مر الوقت وهمه واحد يحجي ويه الثاني بعيونهم وابتساماتهم الي يمليهة الحب
رجعو فيصل وزوجت اخو للبيت وجانو الأولاد نايمين من التعب
فيصل يعتبر سماح مثل اخته وكولشي يحجيلهة
فسماخ لاحظت على فيصل  فرح ومرتاح
كالتله ها فيصل اليوم انته فرحان فرحنه وياك
فيصل ضحك لا لا ما اكولج خلي الفرحه بس اليه
كالتله مو اني مثل اختك كولي ...كاللهة لان انتي اختي راح اكولج شي بس ممنوع يطلع منج
فيصل /اني احب مروة واريد اخطبهة
سماح /ادري ياعيني
فيصل /شلون مروة كالتلج
سماح /لا عرفت من عيونكم
فيصل /يالله صدوك ..
سماح /يالله تصير النسيب
فيصل /انشاءلله
وصلو للبيت ..فيصل راح ركض على امه وابو
يابة يمه ..كاعدين نايمين
ها يمه خيرك شصاير
لا يمه سلامتج
يمه اريدكم تخطبولي
صدوك يمه كلللللوش
يوم الهنا يايمه وازفك عريس منو هيه يمه
مروة اخت سماح
الحجيه /اكعدي حجي ابنك يريد يزوج
الحجي /وكت زواج هسه
فيصل / اي لعد بس انته تنام بحظن مرتك اني هم اريد
اجه الصبح وفيصل مانايم من الفرحه
دك على تليفون بيت ام علي
علي /الووو
فيصل /سد التليفون شلون بيه اريد مروة
فيصل ركض على غرفت اخو دك الباب طلع اخو شكو من الصبح
فيصل/اريد سماح
شوكت /حلمان بسماح شنو سماح كومي يريدج فيصل
سماح هسه ابدل واجي
فيصل كاعد على نار بغرفته
دك الباب /سماح هافيصل وينك
فيصل /ام صفاوي الغاليه تعالي تعالي اكعدي دكيلي على مروة
سماح /يييي خوفتني عبالي اكو شي من الصبح ادك المروة
فيصل /اي مو اليوم اروح نخطب
سماح /شو اني اخر من يعلم
فيصل /احسن حتى ماتروحين وتكولين اريد نفاجئهم
سماح/دكت على بيت اهلهة
علي/الووو
سماح/هلو علاوي حبيبي شلونك
علي/هلو حبي بخير اذا انتي بخير خير خوما اكو شي من الصبح
سماح /لا ماكو شي بس اريد مراوي
علي /نايمه مروة
سماح / كعدهة اريدهة
علي /صار هسه اودي التليفون تدللين
مروة مروة سماح على التليفون هاج اسحبي التليفون يمج