ملتحي....❤

Part5

Part5

رواية ملتحي ...❤
للكاتبة:اسراء القطراني 

هويدة كانت تقرا وجنبها فونها، جتها رسالة مكتوب فيها 👇:
(عنادك الزايد مش ح يفيد على فكرة عارف اصلك او فصلك مش ضروري اديري روحك ثقيلة بزيادة 😏)
هويدة لوحت الفون وهيا متعصبة علاخر من يلي ح يدزلها رسالة هكي او شن يعرف عليها.

علي:نبي نخطب اختك.
عمر:😨😨😨
علي:عارف قلتها من دون اي مقدمات بس ليا الشرف اني اناسب صاحب الطفولة.
عمر:نتشرف فيك بس الرأي الاول والاخير للأختي.
علي:شن ماكان الرد مستحيل نزعل منك وصداقتنا نفس ماهيا.
عمر:على بركة الله.
علي:انا مروح تبي حاجة.
عمر:سلامتك.
علي:سلام.

#اليوم_التاني ⛅

ع الفطور.

حمد:عدي يا مرا نوضي بنتك عطلت هلبا وليوم عندها جامعة.
جهينة:حاظر..صبت.

جهينة تهز في هنيدة:هنيدة، هنيدة نوضي هيا وقت على الجامعة.
هنيدة:امممم.
جهينة:هيا نوضي.
هنيدة:ماما راسي يوجع فيا منبيش نمشي.
جهينة:نجيبلك بنادول.
هنيدة:ياريت.
جهينة:شوي بس نجيبهولك ونجي....طلعت.

عمر باس راس امه:صباح الخير لأحلي ام.
سليمة:صباح النور.
عمر باس راس باته:كيف الحال يا حويج.
حميد:الحمدالله.
عمر قعمز ويشبح للهويدة:في من كلمني ع عصفورتنا الصغيرة.
هويدة:😳😳😳
حميد &سليمة:من؟ ؟
عمر:علي صاحبي خطب هويدة.
هويدة صبت طلعت.
سليمة:انت شن قلت.
عمر: الشور شور هويدة.
حميد:ماشاءالله عليه كلا هو راجل يعرف في الدين نقدر نأمن على بنتي امعاه.
عمر:شوفي رأي هويدة يا امي وخليها تصلي استخارة.
سليمة:انشاءالله.

هويدة طلعت من دار المعيشة ونا مشاعري متلخبطة معمريش شفته الا مرة وحدة بالصدفة اخر وجاي يخطبني عشان المرة الي شافني فيها والله عشان يبي يناسب عمر صاحب عمره؟

جهينة مدت بنادول او اميه للهنيدة:خودي.
هنيدة:شكرآ ❤
جهينة خبطت هنيدة بالخفة على كتفها:يا هبله انا امك مفيش بيناتنا شكر.
هنيدة حضنت امها:نحبك.
جهينة بادلتها الحضن:انا اكثر.

سليمة صبت:خليني نعدي نشوفها.
عمر:قوليلها تطلع عشان انوصلها للجامعة.
سليمة:تمام.

سليمة خشت للكوجينة:هويدة.
هويدة مرتبكة:هَـ (⊙﹏⊙) ــاآ
سليمة:عاد سمعتي خوك شن قال، مستحيللل نغصبوك ع شي الرأي لكي سوا رفضتي او وافقتي انتي يلي تبي تعيشي امعاها صلي استخارة وكان قعدتي متريحة نقولولهم يجو يخطبوا رسمي.
هويدة تهز في راسها او خلاص.
سليمة:اطلعي خوك يرجا فيك برا عشان ايوصلك.
هويدة:تمام...خدت شنطتها وشيتاتها وطلعت.

جهينة:هنيدة مريضة منهاش ماشية.
حمد:خيرها؟ امس غير كانت كويسة.
جهينة:منيش عارفة عطيتها بنادول ورقدت.
حمد:انشاء الله خير.
جهينة تلم في الفطور:انشاءالله.
حمد: لو قعدت مش كويسة رني عليا نرفعوها للمستشفى.
جهينة:باهي.

علي مقعمز جنب امه: امي.
منيرة (ام علي) :نعم.
علي:نبيك تخطبيلي.
منيرة عيونها قلوب قلوب 😂:😍اليوم هدا نعدي نخطب بنت خالتك حشمة وادب.
علي:😒نبيك تخطبيلي اخت صاحبي.
منيرة:😔حتى بنت خالتك سمحة.
علي:حكيت للعمر قال يشاور اخته كان وافقوا تعدي تخطبي رسمي.
منيرة:كلمتة من دون متقولي 😔
علي:صار خير 😔
منيرة:عشان خايف اني نرفض زريتني هكي 😔
علي:لالا القصة مش هكي 😔
منيرة:ربي يوفقك، توا نشوفوا من احسن الي اخترتها او الي اخترتها امك 😔
علي:فكيني مت جو المقارنة 😔
منيرة:انا امك اتقولي فكيني 😔💔
علي صبا باس راس امه:السموح.
منيرة:مسامحتك دنيا واخرة.

اسراء:عندي حاله مع الايموجي هدا 👈😔
😂😂

هويدة حلت الباب جت تبي تنزل.
عمر مسك يد هويدة:متقعديش تقولي هدا صاحب خويا مرات منوافقش يزعل مني يشهد الله اني نبيك الزينة.
هويدة ابتسمت:عارفة انك مستحيل تختارلي حد ويطلع مش كويس.
عمر: خودي راحتك انشاءالله حتى شهر او اكثر اهم حاجة تكوني راضية.
هويدة: اكيد...قربت من عمر باست خده ونزلت.
عمر ضحك ولع السيارة عدا.

حمد خش للحوش يلقي في ابتسامات: جهينة، جهينة.
جهينة: نعم.
حمد:تعالي هناي.
جهينة:خير انشاءالله.
حمد:خير خير.
جهينة:شن في.
حمد:جاني صاحبي يخطب في هنيدة للولدة.
جهينة:😳😳
حمد:قلتلا اسبوع او بعدها نردوا عليك.
جهينة:😳وهنيدة.
حمد:اسبوع اتفكر فيه وتصلي استخارة.
جهينة:على بركة الله، بس ولد منو بالضبط.
حمد:ولد......

يتبع......

_________________

عارفتها قصيرة هلبا بس عندي امتحانات جزئية وغدوة امتحان رياضيات 😭😭

#دعواتكم.

مساحة لذكر الله:
لا اله الا الله.
سبحان الله وبحمده سبحان الله العظيم.
الله اكبر.
استغفرالله.
لا اله الا انت سبحانك اني كنت من الظالمين.
اللهم صلي وسلم على سيدنا محمد.

انشاءالله ح نعوضكن اول ميكملن امتحاناتي.

للكاتبة:اسراء القطراني 