part8
رواية ملتحي …❤️
للكاتبة:🔥اسراء القطراني 🔥
هويدة متوترة:انا موافقة
سليمة:🤨 وخيرك متوترة هكي تقول بنضربك
هويدة:😅😅
سليمة:الف مبروك …تغسل في ايديها
هويدة:الله يبارك فيك
سليمة: نعدي نقول للباتك
حنان مقعمزة في الصالة وتذكر الحوار الي دار بينها او بين عمر:
عمر:الموضوع هو انا نعرف عنك كل حاجة اسمك ولعيت من وراجلك الله يرحمه لعيت من
حنان:😨😨 منين جبت المعلومات هدنا
عمر:ونعرف سلفك سليم ونعرف انه يضايق فيك
حنان:😨منو قالك هكي
عمر:انا نعرف كل حاجة مش ضروري تنكري وانا الصراحهه ……
حنان:شنو؟
عمر:طالبك بالحلال
حنان:😨😨😨
عمر:فكري لو وافقتي نطلبك من باتك
صبت حنان وتفكر توافق او لا
هنيدة باست امها:ماما
جهينة:نعم
هنيدة:انا فكرت كويس وصليت استخارة والحمدالله نحس في روحي مرتاحة
جهينة:يعني موافقة 😍
هنيدة:اي
جهينة حضنتها:الف الف مبروووك
هنيدة بغصة:يبارك فيك
سليمة:حميد
حميد:ها
سليمة: توا هويدة قالتلي راهي موافقة
حميد:ع بركت الله
سليمة:توا بعد يجي عمر نقوله يقول للصاحبه
حميد:باهي
نورا:قتلك مصارتش فرصة اني نحكيلها
عبدالرحمن:اسمعي تجيبيها بأي طريقة مدخلنيش فيك
نورا:وليش متعدي تتزوجها بما انك تحبها والله غير طمع
عبدالرحمن صبا ولوح فلوس حق القهوة ع الطاولة وطلع
نورا:😒😒
مؤيد يرن ع عبدالرحمن:الو
عبدالرحمن:هاا
مؤيد:وين قاعد توا
عبدالرحمن:ماشي للعيلة
مؤيد:تمام نبي نتلاقو
عبدالرحمن:خليها غدوة
مؤيد:تمام
عمر خش للحوش لقاته سليمة
سليمة:نحطلك عشاء
عمر: لا منبيش نبي نرقد
سليمة:را اختك وافقت
عمر:ع بركت الله
سليمة:قول للصاحبك ايجيب هله يوم الخميس
عمر:تمام …رقا للداره ورن ع علي
عمر:الوو
علي:ها يا طيري
عمر:اسمع عندي لكي خبر بس توعدني صداقتنا نفس ماهيا
علي: 😳😳 قول
عمر:توعدني
علي:وعد 😰
عمر:اختي وافقت 😂
علي:خلعتني ي راجل
عمر:المهم جيب هلك يوم الخميس
علي:تمام
سكر علي من عمر وهوا طاير من الفرحه واخيرآ البنت يلي يحبها حتكون حلاله ❤
#بعد_مرور_اسبوعين
علي خطب هويدة ودار مقابلة شرعية وتوا يوتو للدفع والتلبيسة في يوم واحد الصبح الرجالة يدفعو وفي الليل الصبايا يلبسن
عمر مشا خطب هنيدة واليوم المقابلة الشرعية
حمد:مؤيد امشي كلم اختك
مؤيد:حاظر
حمد:نورت ي ولدي
عمر:بنورك ي عمي
خشت هنيدة وشايلة عصير: السلام عليكم
عمر: وعليكم السلام
حمد نستأذن انا
عمر:اذنك معاك ي عمي
طلع حمد وقعد مؤيد قريب من الباب،وقعمزو هنيدة وعمر
عمر:انا اسمي عمر هذي اخر سنة ليا في الهندسة نفطية بعدها انتخرج عندي شقة فوق حوش هلي
هنيدة:رفعت راسها…وتلاقت عيونها وعيون عمر وعرفاته وعرفها 😂
هنيدة:😳 انا اسمي هنيدة في السنة التالتة من هندسة نفطية
عمر:هوا انتي نفس البنت يلي مع البنت هديك
هنيدة:اي انا 🌚
عمر:اها
وتمت المقابلة ع خير وبدو يوتو للدفع عمر بيدروه قبل هويدة والتلبيسة بعدها
حنان مزالت تفكر ومردتش ع عمر
مؤيد بعد اخر مره شاف فيها عبدالرحمن تعاركو ومعش يتلاقو
نورا عرفت ان مؤيد هوا يلي اجر الشقة للعبدالرحمن كيف؟ حنعرفو في البارتات الجاية
هنيدة سلمت امرها لله وقاعدة توتي للدفعها
هويدة وعلي يوتو للدفعهم وتلبيستهم وفرحانيين يا حليلهم 🥺❤️
عمر يرجا في رد حنان وقرر ياخدها بالسر مش حمايتآ لها وبس ❤️
عبدالرحمن بعد عركته هوا ومؤيد اختفى معش في اي خبر عليه
كمال طلع من تالته تانوي وخش جامعة وشراله عمر نادي زي مكان واعده وفرحان بيه هلبا 😍
حنان خشت ع عمر في المحل: السلام عليكم
عمر:وعليكم السلام
حنان:كيف الحال؟
عمر:تمام وانتي
حنان:تمام
عمر:دوم
حنان:تسلم،جاية هنا بنشوفك في نفس المكان ونفس التوقيت اليومع
عمر:تم
سليمة:رن ع عمر وقوله الغدا واتي
عمر:السلام عليكم
سليمة &حميد:وعليكم السلام
سليمة:اغسل ايدك وتعال الغدا واتي
عمر:تمام
غسل عمر ايديه وتغدا بعدها رقد
نورا ترن ع هنيدة
هنيدة:شن تبي
نورا:نبي نشوفك ضروري موضوع مهم ويخصك
هنيدة:الايام هذنا مشغولة منقدرش نطلع تعالي هنا
نورا:تمام ع العصر نكون عندك
هنيدة سكرت وهيا تأفأف
________________
يتبع…………
هيا بناتي نبي التفاعل زي تفاعل البارت الي فات 🥺
للكاتبة:🔥اسراء القطراني 🔥
أنت تقرأ
ملتحي....❤
Romanceقصة دينية اسلامية باللهجة الليبية ✨ ممنوع نشر الرواية دون اذني او اقتباس فكرة الرواية 🚫 للكاتبة:اسراء القطراني
