part9
رواية ملتحي …❤️
للكاتبة:🔥اسراء القطراني 🔥
ع اذان العصر
عمر نضت توضيت ومشيت للجامع صليت وطلعت عديت عشان نقابل حنان لقيتها تستنى
عمر:تأخرت؟
حنان:لا توا كيف وصلت
عمر:عمر معاكي
حنان:اي عدا يلعب
عمر:كويس
حنان:بنسبة للموضوع يلي حكيتلي عليه
عمر:ايه
حنان:بنسألك عليه سؤال
عمر:تفضلي؟
حنان:انت ليش ادير هكي
عمر:شن درت
حنان:يعني بتاخدني حماية ليا
عمر:حماية لكي واعجاب بيكي
حنان:😳😳 اعجاب؟
عمر:اي،بس بنقولك حاجة عشان متعتبرش غش انا باتي خطبلي ويوتو في الدفع لاكن يشهد الله البنت مانبيها لاكن منبيش نحرج باتي لانها بنت صاحبه وانا كنت مقرر ناخذك قبل مباتي يخطبها ليا
حنان:يعني باتك بيخطبلك مرة تانية في قولك؟
عمر:لو وافقتي زواجنا بالسر لفترة معينة بعدها بنكشفوه،شنو ردك؟
حنان:انا…………
اسراء:خلاص سادكم خلو شوي تشويق 😂
روحت حنان للحوشها وعدا عمر للعلي
طق طق طق
جهينة:ي هنيدة افتحي
هنيدة:باهي
نورا:هلا
هنيدة بدون نفس:شنو الموضوع؟
نورا:نحكو هنا 🤨
هنيدة حولت معا الباب بمعنى خشي
نورا سلحت سبيدروها وخشت سلمت ع جهينة بعدها رقت للدار هنيدة
هنيدة:تفضلي شن تبي تقولي
نورا بلعت ريقها:اليوم هدكي
هنيدة خدت نفس:تكلمي بدون مقدمات 😤
نورا:الشقة هدكي مش شقة عبدالرحمن
هنيدة عصبت:شن انتي جاي تعايري ولاشنو كان مش لاه
نورا:المشكله مش هنا
هنيدة:امالا وين😓
نورا:الي مأجرله الشقة……
هنيدة:شكون تكلمي 😒
نورا:مؤيد خوك
هنيدة تجمدت مكانها:😨😨😨😨
نورا :عارفه ان الموضوع صعب عليك بس………
هنيدة بعصبية :اطلعي برررررا اطلللللعي
نورا خدت حاجاتها وطلعت
هنيدة خلاص انتهيت معش عرفت شن ندير خويا هو الي اجر الشقة مشارك حتى هوا عذريتي راحت بجزء من مشاركه منه خلاص فديييت عيييت انا معش نقدر نتحمل كيف بنتزوج ونربط ولد الناس معايا يااااربي صبرك 💔💔
#قبل _دفع _عمر_بيوم
هنيدة ترن ع عمر
عمر:السلام عليكم
هنيدة:وعليكم السلام عرفتني
عمر:لا معرفتكش
هنيدة:انا هنيدة
عمر:اها
هنيدة:خديت رقمك من هويدة،نبي منك طلب
عمر:تفضلي
هنيدة:نبي نشوفك اليوم لو تقدر
عمر:تمام توا نرن ع عمي ونقوله جايكم
هنيدة:تم
رن عمر ع حمد وقاله انه جايهم في العشية
علي وهويدة موعد دفعهم وتلبيستهم قرب
نورا معش حكت مع هنيدة
هنيدة طول الوقت سارحه وتفكر ومش ع بعضها وتفكر في زواجها من عمر
عمر وحنان ،حنان وافقت ع عمر ومحلاهم الزوز يهبلو وعمر عدا خطب حنان من باتها قاله انه متبري منها فخطبها من عمها واقنعه انه يكون وكيلها
عبدالرحمن معليهش اي خبر
طق طق طق
عمر:السلام عليكم
حمد:وعليكم السلام
عمر:كيف الحال يا عمي
حمد:الحمدالله،تفضل
عمر:زيد تفضلك
خش عمر للمربوعة وعدا حمد نادا هنيدة وطلع قعمز في الصالة
عمر: تفضلي شن تبي تقولي
هنيدة:نبي نفسخ
عمر:😳😳😳
هنيدة:مديرش روحك مستغرب عارفة ان الصد يلي بينا مش حينفك
عمر فرحان وفي نفس الوقت مستغرب
هنيدة:خلي كل حد ايشوف طريقة وخلينا نقول ان مش متفاهمين مع بعضنا عشان ميصيرش مشاكل مع اهالينا
عمر:تمام،انا محترم رأيك ووجهة نظرك وكيف متبي يصير ……وطلع
هنيدة طلعت للأمها:انا وعمر فسخنا…ورقت للدارها
جهينة:ككككيف،حمددد يا حمدد
حمد:خيرك شن في
جهينة:تعال اسمع بنتك قالت اننها فسخت
حمد:كككيف تي شن تقولي
جهينة:هيا قالتها
حمد: خليني نعدي نشوف حميد نفهم منه
عمر خش للحوش:يا امي يا اااامي
سليمة:وطي صوتك خلاتك عندنا
عمر:اسمعي رانا فسخنا انا وهنيدة
سليمة: 😱😱😱 شن تقوول انت هبلت
عمر:هيا يلي قالت نفسخو
سليمة:طيح سعدها،متضايق روحك بكل الدفع بكرة في موعده ونعدي ناخذلك يلي احسن منها
عمر ابتسم:حنان
سليمة:😳😳
جا حمد للحميد وقال على يلي صار او تفاهمو ان مفيش نصيب وصداقتهم زي مهيا، عمر عدا كلم عم حنان وقاله على يلي صار وقال انه بيدير الدفع في نفس الموعد وافق او جاب حنان للحوشه او باتها مش معدل ولا كأنها بنته
مرت شهور وجت شهور وجا يوم عرس:
عمر وحنان
علي وهويدة
طبعآ سليمة وافقت بعد يلي صار مع عمر وتقبلت الموضوع
في صالة عرس هويدة
طلعت هويدة قعمزت ع الكوشة بعدها جاها علي خداها صوروا وطلعو وكانت حفلة بسيطة مفيهش اغاني دربوكة بس فيلو بسيط مستور
خداها وعدوا للشقتهم
في حوش هل عم حنان
طبعآ حنان دارولها عشاء في الحوش ولبست فيلو خفيف وبسيط مش منفوش تعشو بعدها جو هل عمر صفقن عليها شوي بعدها خداها عمر وطلع عدا بيها للشقتهم
خشو عمر وحنان للحوش
حنان تتفحص في الحوش بعيونها
عمر: عجبك
حنان:ايه هلبا
عمر:تعالي نتعشو ونصلو
حنان:تمام
تعشو وصلو و 😂😂
اما علي خش في هويدة بالطول والعرض 😂😂😂😂
تاني يوم
ناضت حنان غسلت وبدلت رن جرس الحوش فتح لقاها امه جايبتله فطور فطرو هوا وحنان بعدها حنان لبست قفطان احمر دانتيل ونزلت ع الصبايا
هويدة فطرت بعدها لبست قفطان اسود كم من الكتاف والايدين شفاف وقصير ونزلت للصبايا يباركلها
هنيدة مقعمزة تفطر
حمد: في واحد طلب هنيدة
هنيدة:😨😨😨
جهينة :شكون
حمد:…………
__________________
يتبع …………
مزال حلقة تقريبآ وتكمل
نبي تفاعل بناتي 🥺
ينعمن عيوني وانا نكتب بعدها منلقى شي
للكاتبة:🔥اسراء القطراني 🔥
أنت تقرأ
ملتحي....❤
Romanceقصة دينية اسلامية باللهجة الليبية ✨ ممنوع نشر الرواية دون اذني او اقتباس فكرة الرواية 🚫 للكاتبة:اسراء القطراني
