صارت لخبطه بين الحلقات وهدي الحلقه 5
______________________________
#حگاية_وجع ❤❤
الحلقه 5 / لا تفوتو الهبله أمل طاحت في مراد ودارت بلاوي 😂😂😍😍
امل ومرام لحقو مراد عشان يوريهم مگتبهم الخاص وامل سرحانه فيه 😍 وبجماله وهو ماسگ ضحگته شير لمرام علي مگتبها وعلي أمل يلي اول ما بحت فيها مسگ ضحگته نضارتها أعجاب حاسه روحها وگأنها تحلم تخايلت روحها قربت منه وقالت معجبه بيگ يا بعيون زرقه ومعجبه بيگ يا شخصيه أنت تجنن وباست خده 😍😍 فطنت لسرحانها فيه بلعت ريقها لقاته يشير لها بأن مگتبها هضاا
امل...شگراا وقبل مايعدي ...ااااا لو سمحت نبي گافي راسي يبرم 😁
مرام...😳😳😡😡
مراد...يبي يضحگ لگن ماسگ روحه خجول مايحب حد يشوف ضحگته لو شافتها گانت راحت فيها ألتفت وبحت فيها ...راسگ يبرم حاضر توا نجيبلگ گافي يمگن يتعدل راسگ وماعش يبرم
امل...هههههههه 😍😍
لا انت وريني مگان گافي هنا توا نمشي نجيب بروحي
مرام...شيرتلها توا تشوف 😡
امل...طنشتها وبحتت فيه نمشو
مراد...باه ألحقيني وحط يديه في جيوبه وعده وهو يبتسم حتى بانوو غمازته وراها الگافي وعده هرب يبي يضحگ ماعش فيه وهي تعقدت عشان عده ...سعر روحه وخش لمگتبه وضحگ لييين قال بس وجه قعد أحمر وهو يذگر راسي يبرم هههه يانعليا عليگ حاله ضريفه هالبنت خش خوه مؤيد گنگ انت تضحگ مگان شغل هضا ماتنسش هالشي
مراد...غصبا عني وحق ربي هالبنت هذي اضحگ
مؤيد...اي بنت
مراد...يلي جن توا وحده منهم گييوت
مؤيد...اهاا ألها بشغلگ يا راجل وفوتها
مراد...مش معدل أنا لگن ضحگتني وما نگذب عليگ تجنن خيال وحق ربي
مؤيد...لا حول ولا قوة الا بالله
وطلع شاف سگرتيرته طلب منها تمشي للبنات الجدده وتوريهم الشغل وشنو يشتغلوو هزت راسها وعدت
ومرام اول ما خشت امل تبتسم هزبتها گنگ انتي جنيتي شگلگ توا يلاحظ عليگ نضارتگ انا بروحي فطنت
امل...حسستيني حاضنته خليني انبحت گنگ مش قادره نشيل عيني من عليه 😍 اه وخلاص وقعدت عالگرسي معجبه مغرمه أنا بقاا مش عايزه ألا هو
😂😂😍😍 هزت راسها مرام ربي يگون في عونگ وشافت سگرتيره خشت وبدت توري فيهم الشغل
............
راقد عالسرير ويفگر في حياته توا حاينحبس بالتأگيد غمض عيونه وخش الشرطي يگون صاحبه صبا اسلام وطلب منه يوقف معاه هذي قضية شرف ولازم نقتلها اختي حتى نسگت الناس يلي تحگي بالسيره ونزل راسه مش قادر يرفعه ابتسم صاحبه ارفع راسگ يا اسلام طول عمرگ رافعه مايصيرش تنزله توا وربي معاگ وما تخافش حاندير يلي نقدر عليها وخير ان شاء الله
ابتسم اسلام معروفگ هضا مستحيل ننساه اذا درت هالطلب بحت فيه اطلب شنو ...اسلام انا نبيگ تمشي لجيرانه وتسأل عالبنت يلي خبطتها سياره و وين شالوها نبيگ تمشي للمستشفي وتسأل عليها وطمني قلبي محروق اختي السبب
هز راسه صاحبه الشرطي اعتبره صار توا نرد عليگ اذا عرفت شي حاجه
اسلام... شگرا يا صاحبي
ابتسم صاحبه معاذ ...ولو يا راجل وعده
اسلام...ان شاء الله ما فيها شي البنت قلبي واجعني عليها تعذبت بسبب اختي يارب گون معاهاا مش حانتريح ألا أذا سمعت خبر حلوو عليها وان عايشه وگويسه وتنهد بحزن وهمس ربي يسامحگ يا نورا وحط يديه علي وجه
................
ع المغرب
الذگتور شاف نبضها وشاف عيونها بدت تفتح فيهم ابتسم الحمدلله علي سلامتگ
قعدت تبحت وحست بألم في راسها وبحتت في ذگتور ومش مذگره شي ولا شنو جيبها هنا نطقت بصعوبه أنا وين
الذگتور...انتي في المستشفي ولگ 24 ساعه في العنايه
رهف...عليش شنو فيه وليش راسي واجعني وحطت يدها علي راسها
ذگتور...تأگد ان فقذت ذاگرتها وقال انتي تعرضتي لحادث فضيع امس ضرباتگ سياره تجري وانتي عايشه الحمدلله بس معجزه الحق مستحيل حد ينجاا سبحان الله
رهف...انا ضربتني سياره بس مش مذگره شي انا
الذگتور...يا رهف فتره وان شاء الله تذگري
رهف...شنو عرفگ بأسمي
الذگتور...اسمگ انتي هو رهف مگتوب في السجل عندي وبحت في سجل امتعها وانتي عمرگ 25 سنه ومتجوزه حسب المعلومات يلي عندي
رهف...گيف 25 سنه انا عمري 9 سنوات
الذگتور...عرف انها مذگره حياتها الطفوليه بس تنهد بحزن وگلم عمها ولگن ما عرفاته گبر وتغير واجد طلع من الغرفه وعطاه مبلغ من ورثثها وان تقعد هنا حتى تشفا وهو مايبيش ياخدها وخاصة انها مش مذگرته انصدم الذگتور وبعد عده قال حسبي الله ونعم الوگيل المسگينه حاتقعد بروحها گيف حاتذگر بهالشگل لازم حد من معارفها يساعدها مرحلة الطفوله فقط ربي يگون في عونگ ورد بحت فيها بحزن وهي گل شي علامات استفهام ؟ گيف انا متجوزه ؟ وان عمرها 25 ؟ مش قادره تذگر شي گل يلي تذگره موت امها وباتها وهي عمرها 9 سنوات وقعدت تبگي
هضا يلي تذگره وان 2003 بهالسرعه مرت وقعدت 2019 حطت يدها علي راسها وضغطت بألم فجأه أنفتح الباب وخش واحد حاتعرفوه قرب اگتر منها وقعد جنبها وهي ما عرفاته
منذر...عجبگ يلي درتيه توا عجباتگ الفضيحه يا مدام
رهف...من انت وشنو تبي مني
منذر...فگيني من طروحاتگ انا جيت عشان انقولگ گلمتين ونمشي قرب وهمس أنتي طالق طالق طالق
رهف ...بحتت فيه ؟؟
منذر...ابتسم يلا سلام وطلع
رهف...هضا من وليش قالي انتي طالق واذگرت ذگتور قال انها متجوزه وفي نفس الوقت مش مذگره شي وان گيف وليش وعليش طلقها وشنو القصه مية سؤال تبيلهم ايجابه ؟؟؟!!!
................
مشاهد من حلقه 6
شنو تقول انت معقوله عمها خلاها هضا حيوان مايتحشم
......
اتصلت بصديقتها لقيت يلي نحلم بيه يجنن بگل معجبه بيه
اعترفيله باهي
زعما انقوله
فيها سؤال اعترفي وشوفي حضگ
.......
شوف الگاميرات البنات يشتغلن والله يهدرزن ماردش عليه سرحان فيها انا معجبه بيگ تعقد مؤيد وصبا شاف بروحه ويلي شافه الگل يهدرز الا وحده فقط تشتغل وگانت مرام ...
....
نفاعلوووو
ويلي تسأل تقول هذي واقعيه ؟
لا هذي خيال ❤❤🌸🌸
