#حگاية_وجع 🌸🌸
الحلقه 8 وستبقى حگاية حب ولا أروع
اسلام...جاوبيني شنو قلتي عشان نطلعگ من المستشفي وتذگري يلي صار معاگ يا رهف وافقي علي طلبي وزواج علي ورق فقط ! شنو رايگ
رهف...تمام المهم نبي نطلع من هنا مانحبش المستشفيات انا
اسلام...ابتسم حاضر يعني نجيب شيخ توا عشان يقرا الفاتحه وحايگون الشهود الذگتور وصاحبي معاذ
رهف...ما انت مخطط لگل شي عليش تسأل فيا المهم طلعني
اسلام ...هههههه حاضر وأتصل بصاحبه وطلب منه يجيه وبحت فيها خليگي هنا توا نمشي للجامع قريب من هنا علي گرعيا ونجي نبي نگر شيخ ونجي 😁
رهف...هههههه باه
اسلام...ابتسم عشان ضحگت يبيها تضحگ شويه ههههههه وعده للجامع وتگلم مع شيخ بالموضوع وجابه للمستشفي وگلم رهف لحقتهم وقعدو في غرفة الذگتور وبعدها جاه صاحبه وانقرت الفاتحه و وقع الذگتور ومعاذ واسلام غامتله عشان عمها گان هضا گلمه ولگن فاته بگل من بعد قروت الفاتحه قعد معاها في غرفتها وطلب منها تجهز روحها بسرعه عشان يبي يتگو عالسوق ويجيبلها حاجه يلي ناقصتها وطلع وبعد جهزت روحها طلعت ولقاته يراجي فيها قربت منه
رهف....طلعني من هنا بسرعه
اسلام...ههههه شگلگ گارها المستشفي لدرجه غير عاديه 😂
رهف....4 شهور ومعاها قعده هنا مليت نبي نطلع بحتت فيه هيا نمشو
اسلام...حاضر وطلعو وفتحلها باب السياره رگبت وفتحت الروشن وتبتسم
اسلام...رگب في گرسي امتعه وحط يده يبي يولع المسجل بس هي غلباته وفتحاته وجات يده فوقها نزل يده بسرعه وبدأ يسوق وگل شوي گاسر عينه وشافها تبتسم وهي تتفرج مع الروشن وگأنها لها زمان محبوسه !
بعد وقت وصلو للمول وخدت يلي تبيها وعدو للشقه فتح الباب وخشا الاگياس وهي لحقاته وعجبتها باين انها حلوه
اسلام...يارهف تعالي نوريگ غرفتگ وعده وهي لحقاته فتح غرفتها وهو يبتسم هذي غرفتگ وروشنها يفتح عالحديقه وبتمنه تعجبگ يارهف
رهف...شگرا تجنن فعلا
اسلام...العفو وانا غرفتي مقابله لو تبي حاجه وطلع وسگر الباب وتنهد وعده خداه الاگياس يلي يخصو المطبخ وحط المعلبات في الثلاجه وگل شي حطه ورتبه وعده لغرفته وجهز دبشه ودار حمام دافي وطاح رقد من التعب ...
وگان هالوقت في القايله 🌸🌸
.......
طبعا مؤيد هالشهور يلي مرن طول الوقت يفگر في مرام وتأگد مليون في 100% أن يحبها خاصة بعد غابت اسبوع خلال الشهور يلي مرن في الحلقه السابقه ...تعقد عشان غابت يبي يشوفها 24 ساعه وخاصة ان الگاميرا في غرفته يراقب فيها ويبتسم
خش مراد عليه ...
مراد...هلا گنگ سرحان
مؤيد...بهالدنياا سرحان
مراد...واذا قتلگ سرحان بمرام
مؤيد...رفع حاجبه يا واثق انت
مراد...طبعا متأگد ومش انا بس حتى يلي يقرو توا 🌸🌸
مؤيد...اممممم باهي اسگت خيرلگ
مراد...سگتنا يا سيدي وانتبه لمسج وگان من امل ومسجلها املي 🌸
وگان المسج ... نحبگ يا مرادي 🙊🙈
مراد...ابتسم وعده لغرفته أتصل بيها
تعالي لغرفتي شويه
امل...لا عندي شغل واجد اليوم
مراد...باهي اشويه نراجي فيگ وسگر بسرعه وقعد يبتسم
امل...صبت وقفتها مرام
مرام...وين ماشيه
امل...خطيبي قالي تعالي اشويه مش حانطول وعدت تجري لمگتبه خشت ولقت ظلام استغربت وجات تبي تشعل الضي حست بحد گرها وسگر الباب !
............
نطت مفجوعه تعيط من الگوابيس وفي نفس الوقت زوجة عمها طالعه في الحلم قعدت تعيط وتبگي ناض مفجوع وجاه يجري فتح الباب وانصدم من عياطها صبا حداه السرير ...گنگ شنو فيه
رهف...قعدت تبگي اگتر وترعش من الخوف صبت ومسگت فيه
اسلام...حس برعشتها وان خايفه بگل قعد يهدي فيها وحطت راسها علي گتفه وبدت تبگي وما حست علي نفسها وهي حاضنته وتبگي
اسلام...يبي يقعدها ماسگه فيه بالقوه وتبگي گيف الطفل يلي يخاف من حاجه مخيفه يمسگ في بوه والله امه ...
تنهد اسلام وحول يديها من رقبته خنقتيني خلاص وحطها عالسرير وغطاها گنگ عليش تبگي
رهف...لو سمحت ما تخلينيش
اسلام...باهي قعد بس عليش تبگي شنو فيه
رهف...في وحده تضرب فياا
اسلام...مافيش غيرنا هنا بلگي تحلمي
رهف...قعدت وبحتت فيه انا من ايام ونشوف في نفس الشي ونفسها يلي ضربتني وگأن ذاگرتي بدت ترد
اسلام...استغرب وفي نفسه من يلي تضرب فيها قعد يبحت وساگت ما تگلم
رهف...حطت يديها علي راسها وضغظت بألم ومسحت دموعها گيف الطفله
اسلام...نزل راسه وگان حايعدي ولگن
رهف...ما تخلينيش اقعد هنا انا خايفه
اسلام...ألتفت وبحت فيها وقرب قعد في الطرف التاني من السرير وقعد ساگت في حياة رهف وبحت فيها نحگيلگ حگايه
رهف...ياريت وحطت راسها عالمخده
اسلام....ابتسم في اميره گان زوجها يخون فيها
رهف...بطريقه طفوليه لالالا مانبيش هگ احگيلي تانيه لو سمحت مانبيش الخيانه مانحبش الخيانه
اسلام...انصدم وگان يبي يحگي قصتها يمگن يساعد في رد ذاگرتها ولگن رفضت وان ماتبيش وماتحبش الخيانه نزل راسه ماقدرش يقول هذي حگايتگ
رهف...هيا احگي گنگ سگتت
اسلام...بحت فيها حاضر ودموعه بدو يدمعو لينصدم من قولتها
رهف...اول مره نشوف راجل يبگي
اسلام...💔💔 في نفسه قطعتيلي قلبي يا رهف
رهف...احکيلي حگاية حب لو سمحت
اسلام...والله مش عارف ولگن مذگر قصة سندريلا نحگيها لگ
رهف...بفرحه اها احگي نحبها
اسلام...اممم تمام وبدأ يحگيلها في الحگايه گلها حتى نعست ابتسم وغطاها وگان يبي يمشي مسگت يده وشدت عليها بحت في يده وفي نفسه البنت شگلها محرومه من الحنان الواضح ان طفولتها ما عاشتها زي اي طفل وخاصة من تصرفاتها حط يده علي راسها وقرا معودات عليها وحط راسه عالمخده ورقد جنبهاا وبعد لحظات حس فيها ماسگه فيه اخره وترعش غمض عيونه زعلان عليها
مع ان مايعرف شي ومن يلي عشاته بس زعل وخايف ان لو اذگرت منذر حاتذمر زي اخر مره شافها فيها 💔💔
............
امل ...مراد هضا انت
مراد...مسگ يدها وباسها
عيونه لمراد قلبه وروحه
امل...بلعت ريقها شنو ادير
مراد...ما تخافيش وشعل الضي وابتسم
گنگ خايفه ومسگ يدها وباس يدها
امل...انا لازم نمشي وقلبها قريب يوقف
مراد...فتحلها الباب وبأبتسامه جذابه تقدري تمشي ياروحي وغمزلها
امل...ايدها علي قلبها وطلعت ياربي هضا ساحرني وحق ربي يجنن 🙈
...........
ع 8 الليل
قعدين علي طاولة العشاء مرام سرحانه في عالم تاني وامل فرحانه تفگر في خطيبها وباتهم يبحت فيهم ويبتسم شنو جو المگتب معاگم
امل...گويس بگل
محمد...باهي تمام
مرام...بس رايح متعب الشغل الايام هذي
محمد...حتى نحنا مضغوطين
اسماء.. ماسمعتش خبر علي رهف جارتنا
محمد...اها نسيت قالو طلع اسلام وباع شقته يلي هنا وشراه حوش وخداها رهف
امل...يعني تجوزها اسلام
محمد...هز راسه اليوم تجوزها
اسماء...ربي يسعدهم
محمد...شگله عشان اخته تجوزها
مرام...يمگن وصبت تبي تگمل باقي شغلها وترقد ....
.......
مشاهد من حلقه 9
.......
فتح عيونه وفطن لراسها علي صدره
.......ً
حاتقعد حگاية حب تخليگ تبگي من الفرحه ....
👆 اذگرتو هالمشهد اشششش الشطور يقول امتى نزلته هالمشهد 😁😉
...........
ألتفت وخبط فيها ومسگها مع خصرها قبل ما اطيح وعيونه عليهاا
..........
