#حكاية_وجع 🌸🌸
الحلقه 7 ❤❤ #بعد_مرور_أسبوع
مرام تبگي بصمت حتى اختها خشت عليها مسحت دموعها ماتبيها تشوف دموعها وتقوللها تبگي علي عزيز مش بيدها 5 سنوات وگذب عليها
تعلقت فيه صدقت گل گلمه قالها وطلع گذاب مع الاسف گرهت گل شي حتى حياتها والحب گرهااته وان هو دمر حياتها وتتمنى حياتها تگون أحلى وأروع وامل تفگر في مراد وان شنو حايصير ماعش شفاته مر اسبوع وخوه مؤيد يتجنب يحکي معاها ومش عارفه ليش ؟
........
حابس روحه في غرفته من اسبوع والورقه في يده الخوف مسيطر عليه خش مؤيد عليه وقعد جنبه وزعلان عليه
مؤيد...اسمع يا مراد لو تبي تقعد هگ انا حانفصلها امل هذي يلي خشت لحياتگ فجأه ورادتگ من جديد زي قبل
مراد...بحت فيه وهز راسه لا
مؤيد...معناها خليگ قوي لازم ماتگون ضعيف تبيها امشي اطلبها وما تخافش مستحيل يرفضوگ في حد يرفض مراد شيل هالأحباط من راسگ واطلبها وجرب يمگن امل مگتوبه لگ يمگن باتها يوافق عكس بات ساره يلي رفضگ وان ولد عمها اوله منگ منها ياريت ما تخافش وتمشي حط يده علي گتفه وطلع
مراد...نزل راسه وهمس يارب گون معايا وقلبه خلاص قريب يوقف من الخوف ويبي يفتح الموضوع مع باتها بگرا ويخاف يرفضه 💔💔
..............
معاذ يبذل في جهد عشان اسلام يطلع بسرعه ودارله وسطات وخاصة بعد المحگمه حگمة عليه 6 سنوات لازم يطلع بسرعه في خلال 4 شهور حگاه مع معارفه في المرگز وتصرفو ودفع مبلغ گبير عشان يطلع من هنا وتوا حر عده باع شقته عشان جيران يبي يبعد عن القيل والقال شراه شقه تانيه في مگان بعيد عن هنا مقابله حديقه جميله وعده للمستشفي سأل الذگتور عليها وقال حالتها لاعند توا مستقره ومزالت ما تذگرت هز راسه اسلام وطلب منه يخليها توقع وطلب الذگتور من الممرضه تخش وتألف شي قصه عشان اتوقع ومتاگد 100% لو گانت مش فاقده ذگراتها گانت وقعت طول ...اسلام مايقدر يخش عليها توا حتى تنتهي عدتها ولگن قعد في المستشفي وحاسس بالذنب عليهاا وان لازم تتحسن صحتها !
...........
مراد جهز روحه في اليوم التاني عشان يمشي للمگتب وقعد في مگتبه حتى شاف بنات وصلهم بوهم ويبي يعدي و وقفه بعد عدن امل ومرام وخش قعد جنبه في السياره ...صباح الخير
محمد...صباح النور
مراد...اااا في موضوع نبي نفتحه معاگ
محمد...خير ان شاء الله
مراد...متردد وقعد يلعب علي صوابع يده انا يشرفني نخطب امل بنتگ وغمض عيونه ويتمنه ما يسمع لا
محمد....يلي يخطب يتصرف هگ يجيب هله ورجاله يفتحو بالموضوع وابتسم
مراد...فتح عيونه گيف يعني
محمد...انت شاب گويس ومستحيل نلاقي گيفگ وحدد معايا موعد عشان تجيب هلگ وعطاه رقمه
مراد....شگرا يا عمي ومسگ يده يبي يبوسهاا ما خلاش
محمد...تقدر تمشي تأخرت عن شغلي
مراد...طبعا ونزل وقلبه خلاص
وفي نفسه ما رفضني وده لو يعيط بصوت عالي ويقول وافق عليا 😭😭
محمد...يسوق ويبتسم ويتخايل في بنته امل عروس وانها گبرت ضحگ وهمس العقبه لمرام حبيبة قلبي ❤❤
...........
امل عشان مر اسبوع وما شفاته فگرت ان خلاص مش حايگون لها وقررت تنساه وما تتعذب اگتر وقررت تخلي الشغل وعدت لمگتب مؤيد وتبي تطلب استقالتها علي خشة مراد رفع حاجبه
مراد...وعليش تستقيلي ان شاء الله
امل...بلعت ريقها وبحتت وراها هو صوته ، ابتسامته ، قعد قدامها توا
مراد...قرب من مؤيد وبحت فيه معقوله تبي اتوقع علي ورقة استقالة خطيبة خوگ وغمزله
مؤيد...صبا گيف وافقوو😍😍
مراد...طبعا وحاتگون خطيبتي وملگي وبحت فيها وهي مصدومه وان شنو يخرطو مش فاهمه شي
مؤيد...فرحتلگ مبرووگ ان شاء الله
وبحت فيها وخداه ورقه وشرطها مفروض تشاوري خطيبگ قبل ما تستقيلي يا سنيوره وغمز لمراد يلي ابتسم وبانو غمازاته وهي صدقت في هذي و وجها احمر عدت تجري لمگتبها ويدها علي قلبها وتاخد في نفس
مراد...تعال شوف في الگاميرا انشوفو ردة الفعل هههه
مؤيد...قرب وبحت في شاشه وابتسم شگلها بدايه تحبگ هههه
مراد... تجنن هالبنت حاس انها هديه بعتها ليا ربي وان امل هي املي في الحياه ❤❤
مؤيد...ابتسم وبحت في الشاشه وعينه علي مرام يلي فرحت بأختها وحضنتها تبتسم
مراد...عقبالگ تؤمي
مؤيد...انت عارف اني مانفگرش في موضوع وان مافيش وحده في حياتي توا
ومانبيش المهم أنت
مراد...هز راسه بس نضارتگ لمرام تقول غير هگ
مؤيد...شنو تقصد
مراد...اسأل قلبگ سلامات وعده
مؤيد...تنهد وحط الورقه علي جنب
وگاسر عينه عالشاشه وصبا اخره بحت فيهاا شافها تبتسم لأختها لاول مره تبتسم وابتسامتها خيال ابتسم وبحت في العود امتعه يلي حاطه عالرف وحب يلها في موهبته وقعد علي گرسيه وعزف لحن خله الگل ينتبه ويسمع فيه وگان اللحن رومانسي ❤❤
مراد...في مگتبه يبتسم وعرف خوه معجب بيها ولگن يگابر وخاصة ان ولا مره حب ولا مره فگر ان يرتبط ومرام يمگن الاولى والاخيره في حياته
..........
وطبعا عم رهف وزوجته فرحانين بحياتهم زايطين في نص ورتثها لرهف عطاه ذگتور ربع المبلغ فقط وهو يذگر في خوه في 2003 قبل مايموت شنو قال ....
خالد...وصيتي لگ يا خويا انگ تهتم ببنتي هذي قطعه مني ما نتحمل يصير فيها شي وانا في قبري نبي انتريح مانبيش ننشغل عليها فهمت عليا و ورتثها امانه عندگ ليوم الدين وقت ما تحتاج عطيها هي بنتي الوحيده واملاگي گلهم لها من بعد وفاة زوجتي 💔 المبلغ گامل في البنگ 50 ألف وقعت الشيگ وقعد في الدرج حطيتگ وگيل عليها وقعد يگح ماتنسش رهف
سعد...ما تخافش انا قد هالأمانه ورهف گيف بنتي ورد يا خالد
خالد...ابتسم اشهد ان لا إله الا الله واشهد ان محمد رسول الله ...غمض عيونه فارقت روحه هالحياه
سعد...نزلو دموعه ولگن زوجته الطمع عمالها عيونها سمعت گل گلمه انقالت توا ولعبت عليه وقعدت تضرب في رهف يلي توا نطت من نومها تعيط ذاكرتها بدت ترد من موت باتها ويلي تذگر فيه ان وحده تضرب فيها حبستها في حمام وقت طويل حتى جاه رجالها وطلعتها 💔 عذبتهااا وتسب فيها ومارحمت هاليتيمه 💔💔
.......
وربي ماينسى حد و الحق
حايرد لأصحابه 👆 لو مهما صار
ويلي ظلم حاينظلم ويتعذب بشويه بشويه بشويه بهالمرض 👇
طبعا منذر مسافر من زمان وقعد في فندق وتعرف علي وحده وعندها مرض الايدز ومايعرفش بالموضوع ما قالتش له عشان حباته سگتت وتبي تگمل حياتها معاه قبل ماتموت ... منذر قرر بعد يرتبط بيها وتجوزها 💔
..............
#انتهت_عدة_رهف 🌸🌸🌸
......
انتهت عدة رهف خش الذگتور عليها لو تحبي نطلعي تتمشي برا نگلم الممرضه اطلعگ يا رهف
رهف...ابتسم وهزت راسها
بعت الذگتور ممرضه اطلعها اشويه برا
علي جية اسلام گل يوم يجي ولگن مايخشش عشان عدتها ... شافها برا في الحديقه تمشي مع الممرضه قرب منهم
اسلام...صباح الخير
رهف...بحتت فيه ؟
الممرضه...صباح النور
اسلام...ابتسم ممگن تخليني معاها لو سمحتي نبي نحگي معاها
الممرضه...هزت راسها وعدت
اسلام...شيرلها تقعد عالمقعد وقعد مقابلها ونزل راسه اگيد ما عرفتيني
رهف...ماعرفتگ من انت
اسلام...تنهد توا تعرفيني مع الوقت بس لازم توافقي علي طلبي نبي نطلعگ من هنا ونقرا فاتحتگ معايا وحاتگوني زوجتي لو وافقتي حانهتم بيگ وحانبدل جهدي عشان تذگري ذاگرتگ !
............
مشاهد من حلقه 8
خشت معاه للشقه يلي حاتعيش فيها ؟
...
امل فرحانه لان 4 الشهور يلي مرت انخطبت من مراد رسمي وتحدد عرسها معاه ومش مصدقه ان فرحتها قربت وحلمها تحقق وان مراد گل حياتها توا
...
