دقيت ( كع كع كع) ماف زول فتح ولا رد اصلا ..ي يمة نفس م سمعتو ..تاني قلت بسم الله و دقيت الباب( كع كع كع) مف زول فتح برضو ..بس قلت خلاص الولد مات و اتحلل ..و (سييييك) فتحت الباب ..
م في زول اصلا في الغرفة ..بقبت شغالة اجي ي ناس ديل اعوذ بالله مشى وين دا؟!
و لي حظي الكعب دخلت جوة ..و م احس ليك الا بي حاجة بتقفل في الباب و جاراني معاها ..و اناةعايوزة اصرخ كدة في يد قفلت لي خشمي و انا خلاص ركبي سابت و بقت تخبط في بعض بس بقيت مغمضة و بقرا في قران ...
شوية اتشجعت و فتحت عيوني كان القى ليك كرم 😳😳طبعا بس واقفة و مخلوعة خلعة التاباني و الياباني ..كان شوية و روحي ح تطلع ..
.......
كرم: كنت متاكد انك انتي ال قبيل دخلتي غرفتي ..
و انا ساكتة و من الخلعة اظنو قطعت خلف😂😂👋
كرم: ح افك يدي لو صرختي ..م ح اتفضح انا ح تتفضحي انتي ..و ح يقولو في غرفتي ☺️☺️
زح يدو و انا لسة عيوني مقلعات من الخلعة ..
كرم: اها ح تقولي الحقيقة ولا اتعامل معاك بي اسلوبي 😏😏
قلت ليهو: ق ق قال ليك يعني بخااف🤨
( و انا ي يمة برجف كلي من راسي لحكي صباع رجلي الصغير 😂😂)
كرم : يزوولة😏😏،،
هو بعد فكاني قعد في السرير ..و عسي قام و جاي علي ..
كرم: تتكامي ولا.. ،،
و انا واقفة بس قوة راس ساي دايرة اشوفو ح يعمل شنو ..
كرم: احسن تتكلمي ..و هو بقرب و بقرب ..
لمن خلاص قرب علي شديد م باقي ليهو الا خطوة و يدخل في خلقتي ..
قلت ليهو: ح اتكلم ،ح اتكلم ..خلاص م تقرب زيادة😳😳
كرم: ايوا كدة ناس م بتجي الا بالعين الحمرا 😏
و رجع قعد في مكانو ..
و انا بي جاي العبرة خنقتني ..اول م رفع عينو عاين لي (طق طق) دموعي جو نازلين ..
كرم: اتكلمي ..
قلت ليهو الحصل من اول م خشيت غرفتو لحدي م مرقت منها ..
كرم: يعني في النهاية طلعتي انتي ال دخلتي ..
قلت ليهو: و ي ريتني م دخلت زاتو غلطانة انا في كل حاجة ..
اصلا كنت منفسنة + امتحانات نهائية +مشتاقة لي امي و اخواني و لي فترة طويلة م اتكلمت معاهم ..بس الامور دي كلها عملت ميكس (خلطة) عجيب و الدموع جرت شلالات 😭😭😭
كرم: هسي بتبكي لي ؟! هبشتك انا؟!
هزيت ليهو راسي بي معنى لا😭😭
كرم: تتوقعي اني ح اهبشك ؟!
عملت ليهو حركة الخشم ديك[يعني م عارفة]
و انا ابكي 😭😭ووعاملة كعكتين شافعة بس ..منظري كان زبالة خلاص..
جا علي و انا رجعت لمن بقيت انا و باب غرفتو واحد ..
كرم: ممكن م تخافي ..م ح اقتلك انا ..ولا ح اهبشك ..دي الحاجة ال كل مرة بتزهجني كللل مرة منك ..انك بتخافي مني و انتي اصلا م بتعرفيني ..
قلت ليهو: انت شوف نفسك عامل كيف و ح تعرف انا بخاف لي ..
[طبعا انا اي فرعة و طويلة بس بالنسبة ليهو شافعة،،شافعة شنو نملة عديل كفة يدو بس قدر يديني الاتنين😂😂]
المهم المتخلف مشى وقف قدام المراية و عاين لي روحو زييين و قبل علي..
كرم: اها شوفت نفسي ..مالي عامل كيف ؟؟
قلت ليهو : كدة ياخ كدة
كرم: 😂😂😂😂
......
كرم: ياخ عاني انا ح اتكلم و ال بحصل يحصل اسمعي يبت الناس ..انا اول م شوفتك قصدت اقيف قدامك لانك عجبتيني😍لكن م كنت قايلك شكالاةو م بتخلي حقك ..كان ظاهر عليك انك مسكينة و مكسورة ..
و بعد م اتشاكلنا و انتي مشيتي تشتري كسرة ..انا كنت فعلا عايز انتقم منك ..بس بعد م ركبت العربية و لقيتك اتحركتي ..قلت اخليك ..
المشكلة اني لقيتك ماشة قدام العربية و انا وراك ..شوفت نظرة الخوف في عينك ..و لمن فكيتي الجريية داك ضحكتيني 😂😂😂مع انت م كنت عايز اهبشك والله ..
و كنت شايفك لمن كوركتي لي انفال بالحيطة و اول م شوفتي عرببتي برضو خفتي و جريتي ..خليتي كراسك..
و في الفترة ديك انا اصلا م كان عندي شغغل و وريت حبوبة قامت انفتل قالت انها سمعت شمار بي تحت تحت كدة انو استاذ الاحياء عيان ..و لو الخبر اتاكد ممكن اجي و اشوف لو بقبلوني ..و فعلا قبلوني ..
وقتها م كنت عارف انك بتقري في نفس المدرسة و م كنت عارف انك صحبة انفال شديد ..
و اتفاجئت لمن شوفتك ماشة على الطابور ..و برضو لمن شوفتي عرببتي عيونك اتقلبو فنجان قهوة من الخوف😂😂😂..
و لمن دخلت كنت عارف انو دي انتي الملفلفة بالطرحة عشان م اعرفك ..و قومتك قاصد ..
و يوم السمينار قصدت اقومك و اتغاتت عليك بس برضو فاجئتيني بي انك عارفة و شرحتي الدرس للبنات بي كل بساطة ..
و لمن شوفتك نهاية اليوم ..طبعا انتي جريتي على ترحيلك طوالي و كنتي خايفا مني لي درجة انك حتى م لاحظتي انو انفال واقفة جنب العربية و بتتكلم معاي..لمن جات تكورك ليك سالتها قلت ليها انتي بتعرفيها من وين ؟!
و انتي طبعا عارفة انفال ..طوالي حكت لي ..و تاني خشمها م اتقفل ..حتى حكت لي مشاكلك مع اهل ابوك ..و منها عرفت انك صحتها شديد ..
[يخوانا طبعا اما في اللحظة دي اول شي خلاص البول دا زقني و حاسة في حلقي و بطني وجعتني و لوني مخطوف ماف كلو كلو😂😂و بعاين ليهو بخلعة بس😳😳]
كرم (مواصل): و من وقتها كنت بسعى لي اني اكسر حاجز الخوف ال انتي بانياهو من دون سبب مقنع ..متذكرة لمن خلعتك بالشباك ..كنت عارفك ح تتشرقي لانك كنتي بتاكلي 😂😂و الاستاذ اكيد ح يخليك تطلعي ..و استنيتك ..بس م كنت متوقع انك ح تبكي..يعني البت ال ردحت لي ديك ..ح تبكي من اول كلمتين تهديد ..و بعد رجعت المكتب بقيت اضحك فيك اول 😂😂و تاتي بقيت اضحك في روحي لاني بقيت بعتذر ليك عشان تسكتي زي المتخلف😂😂❤️❤️❤️
.......
و لمن جيت هنا بالجد م كنت عارف انو في مشاكل حصلت لي درجة انو امك خلتك هنا و مشت ..و انفال م قصرت وقت سالتها صبت الشمار كلو ..
و لمن دخلتي بعد كسرتي الصحن😂😂ياخ والله ضحكتيني كيف خلعتك كانت حلوة😂❤️❤️❤️و لمن قلتي لي انفال اتذكرت ناس امي ..انفال جات و كلمتني ..كنت عايز اتغاتت عليك بس تاني قلت اخليك ..م ازيد الوجعة وجعتين ..
بس اتخلعت لمن انفال قالت لي كنتي ح تشربيني شاي بي شطة 😂😂م كنت قايل شيطنتك ح تصل لي انك تنتقمي كمان 😂😂❤️
لكن الحمد لله انفال لحقتني ..
و اخر حاجة لمن دخلتي غرفتي كنت حاسي انو في زول دخل بس م كنت مركز ..الا لمن جيتي تشربيني العصير و كشحتو ..
بس لغاية هنا تاني م متذكر حاجة غير اني نمت على صوتك و انتي بتقري لي قران❤️❤️و ماسك في يدك كانها حبل نجاتي الوحيد 💛💛💛اول مرة انوم فيها مرتاح بال ..
و يخوانا طبعا انا زشي كلمة طماطم بقت صغيرة عليهو 😂😂عاد م متعودة على الكلام السمح😂😂اها و وشي يسوي اكال و الوان ..و حسيت قلبي دا ح يطلع من مكانو عديل ..م كنت حاسة بالخوف منو بعد كلامو دا ..و اطمنت ..حتى اتشجعت و سالتو بي استغراب ..
قلت ليهو: انت كيف عرفت التفاصيل دي كلها ؟!
كرم: كيف افسر ليكي انو انا بقيت بعيش كل تفاصيلك ..اني بحبك ❤️❤️..اني متيم بيك ❤️..كيف ..و كيف..
بقيت م عارف حتى دي اسالتك ولا اسالتي ..
ياخ بي كل سيئاتك ، حسناتك ،خصالك ،طباعك ،عقلك ،تتفكيرك ،طموحك ،و خيالك الواسع ❤️..
شيطنتك ..وحدتك..مزاجك المتقلب ..❤️❤️
بحبك ..بحبك ..بحبك و برفع في صوتو بحبك،بحبك
طوالي قفلت ليهو خشمو بي يدي قلت ليهو : عايز تفضحنا ولا شنو ؟!
كرم عاين لي جوة عيوني و قال لي: يعني انتي .....
نزلت عيوني من الخجل يخوانا ❤️❤️و اكتفيت بي اني اهز راسي بي معنى اي
كرم: لالا ( و قرب مني شديد ) قوليها
انا خلاص يديني اتشربكو ..
قلت ليهو: كرم عليك الله بطل ياخ ...
.....
كرم : طيب ح ابطل بس بي شرط امك تعايني لي في عيوني و تقولي بحبك❤️
يخوانا دي مصيبة شنو ال وقعت فيها دي 😂😂و وشي دا ح يطق احمر ..نزلت راسي ..
و قلت ليهو: م بقدر و م تخجلني ❤️ و م تلبكني ..
كرم: قايلة براك بتتلبكي في الكلام ؟!
انا لمن اعاين في عيونك برتبك?قدر م اتعودت على قربك مني ..
ياخ انا بحبك لي درجة اني بشوفك معاي في كل مكان و كل لحظة ❤️ و بتسبم براي لمن اتذكرك ..
حتى جزو من الناس ال بعرفهم بنادوني بال (المجنون)
" انا جننت فكيف لخمر عيناك لا تسكر و انا الان ارتوي منهما ؟!"
سحبت يديني و غطيت وشي و قلت ليهو: و انا كمان بحبك❤️❤️
كرم: اخخخخخ🤤ي قللللبي ..عيديها تاني ،،
قلت ليهو: كرم خلاص ياخ بطل ..شوفت ح تعنل لينا فضيحة ..
كرم: ي زولة خايفة من شنو ؟؟ بيتنا و ح ابتدي ابنيهو من هسي لحدي م انتهي ..و طوالي اتقدم ليك عشان نكون في بيت واحد..ي سمح انت و غمز😉
والله انا خلاص اتشليت و اتمسمرت مكاني لا عارفة امشي يمين ولا شمال😂😂بس مدنقرة ..
كرم: ال زول يرجع في كلامو يعني ولا شنو؟!
زمان كنتي بتعايني لي جوةة عيوني و بي تحدي ..ياخ انا بحب تحدياتك دي كيف😍😍
م عارفة جاتني الجراة من وين ..و كنت متوقعاو يشاكلني ..
قلت ليهو: طيب بما انك بتحب التحديات ..بتحداك تصلي صلواتك في المسجد ..و تختم القران قبليني ..و بعداك وعد مني انا شخصيا عندك مفاجاة كبيرة مني ..
كرم: شنو؟! ...بوسة ،حضن،لمسة بس م مشكلة 😍..
قلت ليهو: انت لي دايما فهمك شمال كدة لي؟! وقح
كرم: 😍😍😍
قلت ليهو: كرم م تعاين لي كدة ياخ بتلبكني
كرم: اها يعني اعمل شنو لو انتي حلوة ..م اعاين ولا كيف؟!
قلت ليهو: كرم معسلامة و تصبح على خير انا ماشة انوم😊😊
كرم: لي ياااااه ..
قلت ليهو: كرم معسلامة😂😂
كرم: تصبحي على خير
قلت ليهو: و انت من اهل الخير ❤️❤️
كرم: قصدك من اهلك ❤️❤️
م رديت عليهو ..
........
فتح لي الباب ..و انا من خوفتي و فرحتي في نفس الوقت فكيت الجرية ال ياها و خليت كرم وراي اتفطس بالضحك😂😂
دحلت الغرفة ..و ولعت النور لقيت ليك انفال نايمة في سلام ..طوالي جيتها ( طاااااخ)
انفال: لا اله الا الله دي كلها ضربة ..الله بسالك ..م عافية ليك .. هسي قطعتي لي حلمي ..اووووف انا عاوزة شنو 😒😒انبحي
قلت ليها: دايرة شنو ي كلبة ي عفنة ي غبية ...و تييييت ( تمو الباقي انتو 😂😂)
انفال : دا كلو ..واي شكلي عملت بلوة ..ي ربي عملت شنو؟!
قلت ليها: قصدك ال م عملتي شنو انتي ؟!
انفال: كرم😂😂😂😂 و قعدت تضحك ..كلمك ؟! مششششم كنا وين و بقينا وين ..
ورررري الحركات ..ي ود ي عجيب امت معقولة توقع كرم عبد الكريم بي نفسو😉😉
قلت ليها : انفال بطلي ..كفاية الحصل هسي ..
انفال: حصل شنو شنو؟؟
قلت ليها: انفال تصبحي على خير و طفيت النور و رقدت ..
انفال: اششششي ..بتناقش معاك الصباح هسي م عندي طريقة عايزة انوم ..
قلت ليها: اتلهي و اتخمدي عشان م اخليك تتخمدي بي طريقتي
انفال: لالا نمت كلو ولا طريقتك دي ...
يتبع...
