عقارب الساعه

الحلقه الاولى

يلا يا لاما هتتأخرى على الكليه كفايه نوم.
لاما: يا داده بالله عليكى سبينى انام شويه كمان.
داده سميحه:لا يلا كفايه نوم لحد كده بلاش استعمل معاكى طرق تانيه😈😂
لاما: لا خلاص صحيت اهو
داده سميحه:ايوه كده ناس مبتجيش غير بالعين الحمرا😈 الحمام جاهز خدى دش و البسى و انزلى هيكون الفطار جهز.
لاما بكسل: ماشى يا ستى اهم حاجه اللبن بتاعى يكون جاهز
داده سميحه:ماشى ياختى يلا.
استوب
داده سميحه سيده فى الأربعين من عمرها تعتبر هى إللى مربيه لاما و لاما بتعتبرها مامتها التانيه.
عند لاما خدت شاور و لبست فستان و عملت شعرى ديل حصان و نزلت لاقيت بابا و ماما قاعدين ع الفطار
انا: صباح الفل على احلى بابى و مامى
بابا:صباح العسل يا بكاشه
انا:انا بكاشه مكنش العشم يا سى بابا
ماما:صباح النور يا قلب مامى
انا:شوفت يا راجل الناس العسل إللى بتطلع عسل من بؤها مش انت يا سى بابا
بابا: بطلى صداع يابت انتى و يلا كلى
انا: واضح أنك بتموت فيا😅
فطرت و شربت اللبن و مشيت ركبت عربيتى و روحت الكليه روحت عند هنا صديقتى من ايام الطفوله القذره😂
هنا: اى يا ست هانم كل ده تأخير
انا: اى يا ست هنا مكنتش ساعه إللى اتأخرت عليكى فيها😌
هنا: بت انتى متجننيش انتى كل يوم على كده
انا: الله يعنى مفطرش و اغلس شويه ع بابى و مامى😌
هنا: بابى و مامى الله يرحم ياختى🙂 و بعدين انتى شبه الحمار مش بتشبعى😂 يلا قدامى على المحاضره لانها بتاعت الدكتور الجديد و بيقولوا عليه صعب و رخم
انا: لا يا حبيبتى مش عليا لا يا ماما دا انا لاما و الأجر عليا😂
هنا: يخربيتك مليون كلمه فى بؤك😂
انا: طب يلا انتى اتكلى على الله و انا هروح اجيب كابتشينو و هاجى وراكى
استوب
هنا الجارحى صديقة لاما الانتيم متربين مع بعض من صغرهم لان باباها صديق ابو لاما بنوته جميله شعرها قصير و بنى و عينها خضرا و بشرتها بيضه حنينه و جدعه شبه لاما بس تختلف عن لاما فى انها هاديه.
جبت الكابتشينو و انا ماشيه راحه المدرج ربنا يوعدنى بواحد اعمى يخبط فيا يدلق الكابتشينو عليا
بس الصراحه شخص قمر اوى الصراحه ايه إللى انا بقوله ده ده انا هطلع عينه
انا: ايه ياعمى مش شايف قدامك😠
هو: نعم انتى بتكلمينى انا كده انتى متعرفيش انا مين😏
انا: هتكون مين يعنى رئيس الكليه😒و بعدين ميهمنيش اعتذر على اللى انت عملته
هو: نعم يا ماما  اعتذر لمين يلا يابت امشى من هنا😒 و مشى و سابنى
انا: بنأدم قذر الله يحرق دمك يا شيخ
روحت المدرج و قعدت جمب هنا و انا متنرفزه
شويه و دخل البنأدم الحيوان ده بس ايه ده هو رايح يقف مكان الدكتور ليه
رتب حاجاته و بعدين قال: احب اعرفكوا بنفسى انا دكتور سليم الانصارى الدكتور الجديد بتاعكوا.
لاما فى نفسها: يخربيتى يخربيتى اكيد مش هيسبنى فى حالى. ايه ده انا خايفه ليه ما طظ فيه شخص حيوان🙂
هو دخل فى الشرح على طول و انا ركزت جدا فى المحاضره شويه و سأل سؤال مخدتش بالى و رفعت ايدى اول ما شافنى قومنى و بصلى بصه استهزاء كده و قالى معلش هغير السؤال بصتله بصه ثقه و قولتله اتفضل يا دكتور قالى سؤال الصراحه اصعب من السؤال الاولانى بكتير بس ولا هزنى و جوبت عليه بسلاسه. لاقيته بصلى بضيق و قالى تمام اتفضلى اقعدى يا دكتور.
خلصت المحاضره و طلعت انا و هنا و حكتلها إللى حصل فضلت تضحك و قالتلى: حتى الدكتور ماسبتهوش فى حاله يخربيتك😅صدقينى يا لاما طردنا من الكليه هيبقى على ايدك.
انا: الله مش هو إللى حيوان و دلق الكابتشينو عليا☹
هنا: ربنا يهديكى يا شيخه😅
انا: يارب ياختى. انا هروح بقا لان عندى صداع هيفرتك دماغى.
روحت و أول ما دخلت لاقيته الدكتور الحيوان ده فى وشى اسكت لا و الله ابدا ما يحصل.
انا: اى ده يا أخى انت كمان بجحو جى ورايا البيت كمان.
هو: بت انتى هو انتى ورايا ورايا و بعدين انتى جايه هنا ليه.
انا بثقه: ده بيتى😌
هو: مستحيل يكون ده بيتك انتى اخرك تكونى شغاله فيه
انا: ما تتلم يا جدع انت هو عشان سكتناله دخل بحماره😒
هو:ما الصراحه انتى اخرك تكون شغاله هنا🙂
انا: طب و الله مانا سيباك و نطيت عليه ضربته و عضيته
ماما سمعت الصوت و جت
ماما و هى بتحاول تشدنى من عليه: فى اي اي إللى بيحصل هنا
بس يا لاما سيبى دراع
سليم و انت يا سليم سيب شعرها
انا: انا شغاله يا شبه بلاعه المجارى يا حيوان
هو: اتلمى يا متوحشه انتى
انا: ليه ياخويا شايفنى متبعتره ياخويا😒
ماما بزعيق: باااااااس حد يفهمني اي إللى بيحصل هنا
انا: الحيوان ده بيقول عليا شغاله و بعدين حضرتك تعرفى الحيوان ده منين
هو: صدقينى الشغالات احسن منك😌
انا ما تتلمى يا حيوان
ماما بزعيق: لاما سليم عيب كده كفايه
انا: البنأدم ده مين يا ماما و جى عندنا ليه
ماما: ده سليم ابن خالك هانى لسه راجع من امريكا
انا ايه ده ابن خالى مستحيل
#نهايه_الحلقه_الاولى
#Rawan