عقارب الساعه

الحلقه الرابعه

عند سليم و لاما
سليم فضلت اهدى فى لاما و بعد كده سألتها
انا: ليه مقولتيش لحد يا لاما
لاما: مكنتش عايزه حد يقلق عليا و خفت على بابا و ماما و خايفه من شكلى لما اخد الكيماوى خايفه على شعرى
سليم: يعنى عشان كده تأذى نفسك
لاما: انا خايفه خايفه اموت.
سليم: بعد الشر عليكى. بس صحيح انتى عرفتى ازاى
لاما: بص يا سيدى انا عرفت انى عندى كانسر من ست شهور لما بدأ يجيلى صداع على طول و مكنتش صداع طبيعى ابدا و كنت اول ما اصحى من النوم كان بيجيلى تقيؤ و كنت على طول بدوخ و على طول نايمه كنت بصحى من النوم بالعافيه كنت مستغربه نفسى و كميه الكسل إللى كنت فيها بس كنت بقول عادى يمكن انميه لحد ما فى يوم كنت فى الجيم بعمل تمارين جاتلى دوخه و اغمى عليا ودونى ساعتها المستشفى و لما فوقت حكيت لدكتور الأعراض إللى بتجيلى طلب منى اشعه و تحاليل عملتهم و قالى اول ما تظهر نتيجه التحاليل هيكلمنى يومين و اتصل بيا قالى تعاليلى العياده.
فلاش باك
روحت عند الدكتور العياده
لاما: ازيك يا دكتور
الدكتور: تمام و انتى ازيك يا لاما
لاما: تمام يا دكتور خير الاشعه و التحاليل طلع فيهم اي
الدكتور سكت شويه كده و بعدين قالى انتى مؤمنه بالله صح
انا: و نعم بالله طبعا يا دكتور
الدكتور: بصى يا لاما انا مش هخبى عليكى للاسف انتى جالك كانسر فى المخ
انا بصدمه: انت بتقول ايه يا دكتور مستحيل اكيد فى حاجه غلط فى الاشعه و التحاليل دى اتأكد تانى
الدكتور: الأعراض إللى بتجيلك دى منه انا لما حكتيلى شكيت و عشان كده طلبت منك التحاليل و الاشعه و شكى طلع صح
انا فضلت اعيط جامد جامد و مكنتش عارفه اصدق إللى بيتقال
الدكتور: اهدى يا لاما اهدى كده مينفعش و بعدين المرض لسه فى الاول هنقدر نتغلب عليه لو بدأنا فى العلاج
انا: بس الكيماوى هيبهدلنى و الناس هتكرهنى و تبعد عنى و شكلى هيبقى وحشو مش هعرف اعمل المؤتمر بتاع كتابى. طب يا دكتور مفيش اى مسكن او حاجه اخدها لحد ما اخلص كتابى.
الدكتور: بس التأخير مش حلو ليكى
لاما: عشان خاطرى يا دكتور اصبر عليا شويه
الدكتور: طب يا لاما انا هكتبلك على مسكن تاخديه وقت الحاجه و كل شهر تجيلى.
لاما: خلاص ماشى يا دكتور تمام بس ممكن طلب
الدكتور: اتفضلى يا لاما
لاما: ممكن متجبش سيره لبابا
الدكتور: ليه يا لاما
لاما: انا هقولهم بس فى الوقت المناسب
الدكتور: خلاص ماشى يا لاما
عوده إلى الحاضر.
لاما: بس كده يا سيدى هى دى كل الحكايه و اديك عرفت انا مخبيه ايه.
سبته و مشيت و انا زعلانه انى حكيت لحد لانى مش عايزه احس من ناحيه حد بالشفقه
سليم فضلت قاعد مكانى مصدوم و زعلان انى ظلمت لاما و قررت انى اكلمها و اخليها تقابلنى بكره و نتكلم
عند لاما روحت عند هنا روحنا حضرنا المحاضرات و خلصنا و بعدين هنا طلبت منى نروح نشترى فستان من المول خدتها و روحت و اتصلت بليان تقابلنا فى المول و فضلنا احنا التلاته نلف لحد ما هنا جابت الفستان و بعدين طلبت منهم نروح الملاهى وافقوا و أول ما وصلنا طلبت منهم نركب الشوايه
هنا: لاما انتى مجنونه مستحيل طبعا
ليان: ليه يا هنا شكلها لعبه حلوه
هنا: لعبه حلوه ايه انتى مش شايفه الناس بتتشقلب ازاى
انا: دى لعبه ممتعه يا هنا بالله عليكى وافقى محدش عارف نتجمع مع بعض تانى ولا لا
هنا بهزار: ليه ياختى هتموتى
انا: هنا بطلى غلاسه و يلا نركبها
هنا: يلا ربنا يصبرنى عليكوا
روحنا ركبنا و انا و ليان كنا مبسوطين اما هنا كانت بتصوت و تلطم😹 و بعدين نزلنا.
هنا: الله يخربيتك يا لاما روحى يا شيخه منك لله انا اصلا بنت**** عشان سمعت كلام واحده مجنونه زيك
فضلت انا و ليان نضحك عليها و بعد كده روحنا لعبنا العاب كتير و بعدين روحنا أكلنا فى بيتزا هت و بعد كده كل واحد روح على بيته روحت البيت لاقيت بابا و ماما قاعدين سلمت عليهم و بعدين طلعت اوضتى خدت شاور و غيرت هدومى و فضلت اذاكر شويه و بعد ما خلصت مسكت الفون العب عليه شويه لاقيت رساله من سليم بيقولى فيها اننا نتقابل فى الكليه الصبح رديت عليه و نمت.
صحيت تانى يوم الصبح لبست فستان و فردت شعرى و نزلت فطرت مع بابا و ماما و مشيت اول ما وصلت الكليه لاقيت سليم واقف مستنينى خدنى و روحنا قعدنا فى الكافتيريا
سليم: ازيك يا لاما
انا: تمام و انت
سليم: انا تمام. لاما انتى لازم تبدأى فى العلاج و انا معاكى فى كل خطوه هتاخديها فى العلاج
انا: و بعد ما اخد العلاج اى هيحصل يعنى مانا ممكن اخده و اموت هكون كده استفدت ايه
سليم: انتى ليه متشائمه و بعدين انتى مفكره انك كده هتعيشى مانتى كده هتموتى
انا: لانى شوفت ناس كتير خدت العلاج ده و ماتت و يا سيدى اه هموت بس هموت و انا كويسه مش هكون خدت الكيماوى إللى هيبهدل جسمى
سليم: الناس إللى ماتت دى ماتت عشان استسلموا للمرض عشان ملاقوش دافع يعيشوا عشانه اما انتى عندك احلامك إللى عايزه تحققيها انتى عندك اهلى بيحبوكى و لو حصلك حاجه هما هيتعبوا
لاما: بس فى ناس كتير هتخاف منى و هيبعدوا عنى
سليم: مين قال كده بالعكس هتلاقى ناس كتير بيحبوكى و جمبك
لاما: افرض بعدوا
سليم: يبقى مكنش فى حد فيهم بيحبك و بعدين مش مهم الناس المهم اهلك
فضلت ساكته مش عارفه ارد اقوله ايه هو بيتكلم صح بس انا خايفه
لاقيته بيكمل كلامه بيقولى: متخافيش يا لاما انا جمبك كلنا هنقف جمبك و هنمشى معاكى فى كل خطوه بتاخديها فى علاج
قولى لعمتو و عمو و يلا أبدأى فى العلاج
لاما: حاضر يا سليم بس بلاش اليومين دول انشر بس الكتاب و بعد كده هقولهم
سليم: خلاص ماشى يا لاما وقت ما تقررى تقولى قوليلى و انا هاجى معاكى
لاما: اشطا خلاص شكرا يا سليم
خلصنا كلام و بعد كده خدنى و روحنا المدرج فضل هو يشرح و انا فضلت مركزه فى الشرح و بعد ما خلصت روحت البيت على طول طلعت اوضتى غيرت هدومى و بعدين روحت اوضة الرسم بتاعتى فضلت ارسم فيها شويه و بعدين الداده جت نادتنى عشان اتغدا نزلت اتغديت مع بابا و ماما و فضلت اتكلم معاهم شويه و عرفت ان خالو و عياله جايين يسهروا معانا النهارده انبسطت جدا و ساعه و لاقيتهم داخلين علينا سلمت عليهم و فضلت انا و ليان نرغى شويه و نغلس على سليم شويه و بعدين بابا طلب منى اجيب ورق الكتاب بتاعتى من مكتبه عشان خالو عايز يشوفه روحت المكتب عشان أجيبه بس و انا بجيبه حسيت بدوخه جامد و اغمى عليا
عند ام لاما كنت قاعده بتكلم مع نهله و احمد و هانى لاحظت ان لاما اتأخرت روحت اشوفها اتأخرت ليه و أول ما دخلت أوضة المكتب لاقيت لاما مغمى عليها و نفسها ضعيف جدا .
#نهايه_الحلقه_الرابعه
#Rawan