دلهام

مشهد 1

طلعت من بيتنه اركض لازم انقذها لازم ما اخلي يلمسها ... اجرت تكسي ونطيته العنوان المتفقين يلتقون بي ... اباوع لشارع وكلساع اكول لسايق اسرع .. وصلت للمكان المتفق بي نطيت السايق كروته واسرعت بلنزول.. لكيت سيارة اخوها بنص الشارع وهو كاعد بصف السيارة ولازم العلاكه الي متفقين يسلهموها اله... ركضت باتجاهه لزمته من ياخة قميصة وكتله وينهم .. هزلي راسه وكال

_ما ادري ضربوني واخذوها

كال هاي الجملة وخله نيران الغضب تشتعل بداخلي ضربته كله براسة وطرحته ع سيارته وصحت بي

_ولللك انت شنووو من اخوو فهمني

اباوعله حالته مزرية واحد قذر

صحت بي انطيني مفتاح سيارتك ... طلعه من جيبه سحبته منه وكتله

_ لاا عبالك خلصت مني راجعلك ودواك عندي

صعدت بسيارته شغلتهه بسرعة لازم اروح لشقته والحكه قبل لا يسوي شيء .. اكثر من مرة جنت راح اسوي حادث بس الله سترني .. اني شلوون سمحتله ينفذ مخططاته بدون ما امنعه لازم الحكه.. وصلت للعمارة البيهه الشقة ركنت السيارة جوه وصعدت اركض بسرعة .. دكيت عليه باب شقته بقوة .. فتحلي الباب فتت بسرعة تلفتت يمنى يسرى وكتله

_وينها

راح كعد ع القنفة بلامبالاة واشرلي بايده ع الغرفة وكال

_هناك بلغرفة

ورجع دار وجهه ما مهتم.. رحت اركض للغرفة فتحت الباب لكيتهه مقرفصه بزاوية من زوايا الغرفة ولامة رجليها لصدرها وشعرها منفوش وحالتها مزرية .. دخلت للغرفة رجعت ليورة ولصقت روحها بلحايط وهزت براسها وكالت

_لااا لااا كاافي كاافي لا تسويلي انت هم

بقيت صافن حسيت قلبي اشتعل نار حطيت ايديه ع راسي لا ياربي انه شلون سمحت بهيج شيء يصير .. ركضت للكنتور طلعت جرجف ولفيتها بي

______

المشهد كاتبته من زمان ولتثبيت فققط ..

ان شاء الله المشهد الثاني ينزل بعد ما اكمل انا العراق ...

_______________________