دلهام

مشاهد

مشهد 2//

جنت كاعد بلهول ومنتجي ع الحايط ومغمض عيوني صحت بصوت عالي _وييين الجااي

اجتلي اختي تركض وهي دكول _هذا جبته

مدته الي وايديهه ترجف اخذته منهه واشرتلهه بايدي تروح .. اخذتلي رشفة منه وغمضت عيوني راسي صاير طبل اريد اريح .. دك موبايلي سحبته بسرعة باوعت للاسم زفرت النفس بملل ورديت

_الوو

_الووو دلهام حبيت اكلك مو تنسى المهمة تراا ما تقبل اي غلط

ابتسمت بسخرية وكتله _اعرف اعرف ما تقبل اي غلط حتلو بسيط

_اي دلهام تراها مو مثل كل مرة تختلف دربالك تخطا بشيء

عقدت حواجبي وكتله _لك انت تالي عمرك تجي تعلمني شغلي لك انه دلهاام دلهاام تعرف شنو دلهام لو تريد اذكرك

حجه بارتباك _لاا لاا اعرف انه بس حبيت انبهك ادري بانجازاتك وكلهه تشهدلك

سديت الموبايل وشمرته ورجعت انتجيت واخذلي رشفة جاي المهمه هلمرة ما تقبل غلط لازم ادرسهه زين

مشهد 3 //

دخلت للبيت ما سمعت صوت وهدوء صحت بصوت عالي

_قنووت قنوووت وينننج

ما سمعت ردهه رخت للغرفة فتحت الباب ما لكيتهه دورت الحمام نفس الشيء ياربي وين راحت هاي تافافت ورحت ادور عليهه طبيت لمطبخ ولكيتهه لازمه السجينه وتكصكص بايدهه والدم يجري ع طول ايديهه ركضت عليهه بسرعة سحبت السجينه منهه وصحت بيهه

_انتييي شجاااي تسوييين

رفعت راسهه باوعتلي والدموع متجمعه بعيونه وحجت بلكوه

_اريد ا ا اامموت

سحبتهه من ايدهه وسحبت كنكس واخذتهه امسحلهه بايدهه الدم جان يجري ..ركضت لجرار بسرعة طلعت شب وخليته ع الجروح وانه اكلهه

_شلون هيج تسوين بروحج ما يصير

عضت شفتهه بالم وكالت _مرتجى اخاف انه اخاف

تنهدت وجريتهه لحضني امسد ع شعرهه غمضت عيوني ياربي شلون بيهه

مشهد 4//

_ريناد شنوو الجاي تحجينه فهميني شنوو انخطبت شنوو مهرهه شجاي تمسلتين انتي

تنهدت وكالت _مثل ما سمعت انخطبت ومهرهه اليوم انه ما ادري بشيء توهم بلغونه

صحت بصوت عالي _شلووون يعني توهم بلغوكم فهمووني شلووون شنووو خطبببت وانننه هييي اليييي وما تصييير لغيري

لزمتني من ايدي وكالت _الف مرة كتلك تستغلك بس انت ماصدكت عوفهه تولي ما تستاهلك

نترت ايدهه وكلتلهه _موو انه الينضحك عليه موو انه اله اندمهه ع سوايتهه هاي اذ ما اخليهه تبوس بلرجلين ...

_________________

السلام عليكم كرزاياتي

مشاهد من قصة دلهام ان شاء الله اخذلي استراحة فترة وابلش بيهه ع مايصير التفاعل زين عليهه هم رايكم بيهه وبلمشاهد ان شاء الله تكون عجبتكم

دمتم برعاية الله