حب يداوى جرح

البارت التاسع

والد فرح: فرح يا بنتى كلمى احمد اطمنى عليه بيقولو ان فى ضرب نار ف سينا
فرح  :انت بتقول ايه يا بابا
والد فرح: فى التلفزيون والله اهو كلميه يبنتى اطمنى عليه
فرح: الموب ب ايل فين
الشن ن طه فين الشنطه
**جابت فرح الموب واتصلت ع رقم احمد**
فرح: رد بقا يا احمد رد بالله عليك
**بعد عدة محاولات واحمد مش بيرد وفجأه الباب يخبط**
والد فرح: انا هقوم افتح البباب
فرح: لا يا بابا خليك ده اكيد احمد
**مشيت فرح عشان تفتح الباب وكانت صدمه**
ضابط: مش ده بيت الانسه فرح
فرح: ايوة انا فرح مين حضرتك
اه انت الضابط بتاع احمد وهو فين احمد فين يا حضرة الضابط
الضابط: انا اسف ع اللى هقوله بس انتى عارفه ان مهنتنا دى ممكن نضحى فيها بروحنا عشان سلامة الوطن والشعب
**فرح كانت مصدومه ومستنيه اى خبر عن احمد الا انه يكون مات**
فرح: اح ح مد ف فين يا حضرة الضابط
الضابط: للاسف هو كان من شهداء الحرب دى
**وقعت فرح وهيا مغمى عليها وجرى عليها ابوها وساعده الضابط ودخلوها اوضتها وابوها جاب الدكتور**
والد فرح: اخبارها ايه يا دكتور
الدكتور: هيا معندهاش اى حاجه بس عندها صدمه اثرت ع لسانها مش هتقدر تتكلم دلوقتى
والد فرح: طب مفيش علاج يا دكتور
الدكتور: انا كتبتلها ع ادوية ياريت تواضب عليها وهتبقى كويسه ان شاءالله واديتلها حقنة مهدأ وهتصحى بكرة الصبح
والدفرح: يارب يا دكتور
معلش يا دكتور تعبناك معانا
الدوك:ولا تعب ولا حاجه
اتفضل انا بقا
الضابط:خليك انت يا عمى وانا هوصله
والد فرح:تشكر يا ابنى
**وصل الضابط الدكتور ورجع**
الضابط:اسف يا عمى انى جيت بس عسكرى احمد وصانى عليها وع والدته قبل الحرب وكان لازم انفذها
والد فرح:ولا يهمك يابنى هيا كده كده كانت هتعرف
الضابط:الف سلامه عليها يا عمى
بس ممكن رقم موبايلك اطمن عليكوا بيه
والد فرح:طبعا يابنى اتفضل
الضابط:متشكر
استأذن انا بقا
والد فرح:اذنك معاك يابنى
**مشى الضابط ودخل والد فرح لفرح الاوضة**
والد فرح:ربنا يقومك بالسلامه يا بنتى
وخرج
>>>>>>>>>>>>>>>>>>>>>>>>>>>>>>>
الضابط:يعنى ايه ف جثث مش لاقينها
عسكرى1:زى ما بقولك يا فندم فى جثث مش لاقينها بس ده بيعنى حاجتين
1-اما العساكر دى ما متتش وهربت
2-او العساكر دى اتاخدت اسري واتخدعنا يا فندم
الضابط: اعرفلى العساكر دى مين بسرعه
عسكرى 1:اوامرك يا فندم
الضابط ف عقله: يارب تكون منهم يا احمد يارب
>>>>>>>>>>>>>>>>>>>>>>>>>>>>>>>>>>>>
**عند اهل احمد**
**امه واخوه ومرات اخوه واخته بيعيطوا**
ام احمدوهيا خارجه من الاوضه: انتوا بتعيطوا ع ايه
احمد ما ماتش انا قلبى موجعنيش انا امه يعنى هو حته منى جزء من روحى يعنى لو حصله حاجه انا هحس بيه
ايمان(اخت احمد)بعياط: خلاص يا ماما احمد مات انتى مسمعتيش الضابط
ام احمد: اخرسى اصلا الضابط ده ميعرفش حاجه انا بس اللى احس بيه (بعياط) ده ابنى عارفين يعنى ايه
محمد: خدوا امى ودخليها جوة يا ميرفت وانتى يا ايمان اعمليلها اكل واكليها
ايمان وميرفت: حاضر
>>>>>>>>>>>>>>>>>>>>>>>>>>>>>>>
**عند الضابط**
الضابط:ها عملت ايه
عسكرى 1:الجثث الموجوده قدرو يتعرفوا عليهم 3 عساكر
مصطفى وعادل وعماد يا فندم
العساكر المفقودة امين وايمن واشرف واحمد يا فندم
وباقى العساكر موجوده بالاضافه لاسرى من الارهابيين االلى هاجمونا
الضابط:يبقى اكيد العساكر المفقودة دى اتخدت بدل الاسرى اللى هنا دوول
عسكرى 1:اكيد يا فندم
الضابط:العساكر اللى استشهدت لازم يترحلوا لبيوت اهلهم
وبعد كده تجمعلى كل العساكر والضباط عشان نحط خطه
العسكرى 1:اوامرك يا فندم
>>>>>>>>>>>>>>>>>>♡♡♡<<<<<<<<<<
**فى احد الجبال يتجمع مجموعة من الارهابييين ويمتلكون عددا من الاسلحه النارية الخطيرة ((ايه ده هو انا بتكلم باللغه العربية كده لييه لا مش نافع الكلام ده نرجع للعامية تانى)) ومعاهم فعلا السري المصريين**
ارهابى 1: هنعمل ايه بالعساكر دول يبشا
البوص(ما هما شلة حرامية كلهم بقا وكده😉):هنخليهم هنا لحد ما نجيب الاسرى بتوعنا من هناك وبعدين ناسى ان اخويا معاهم
ارهابى 2:يا زعيم المطلوب ايه مننا
البوص:عايزكوا تراقبوا الكتيبة دى كويس جدا ومتضربوش نار متنسوش ان اخويا معاهم ولو حصلوا حاجه مس هرحمكم
واللى جوة دوول تراقبوهم كويس جدا
لازم نختفى عن الانظار دلوقتى لان المصريين دول مش هيسكتوا
.                       انصراف
>>>>>>>>>>>>>>>>>>>>>>>>>>>>>>>>>>>>>>
امين:هما هيعملوا فينا ايه
اشرف:انا سمعت طراطيش 😂(حلوة طراطيش دى😂)
كلام ان اخو الزعيم تقريبا من ضمن الاسرى اللى اخدناهم عندنا
احمد: يبقى هما هيعملوا حاجه من الاتنين
اما هيبدلونا بيهم او هيقتلونا لو حصل للاسرى بتوعهم حاجه
يبقى احنا لازم نتصرف بأي طريقه
ايمن: انا خايف انا متجوز وعندى ابن
احمد: مينفعش تقوول كده يا ايمن انت راجل ف الجيش المصرى والعمر واحد والرب واحد واللى مكتوبله يوم مبيعش يومين(شكلى هخطب 😂) ولو اتحدنا سوى اكيد هنعمل انجاز كبير بإذن الله اهم حاجه ممنوع الخوف
احنا كده كده كسبانين بإذن الله سواء انتصرنا او انهزمنا
بس احنا لازم ننتصر صحيح احنا مش ضباط وان احنا عساكر بس حماية الوطن مش للضباط بس حماية الوطن لكل راجل مصرى شجاع بيحب وطنه ومخلص ف مشاعره
(لا يجماعه سقفولى بقا 🤝👏👏👏😂)
موافقين انى اكون القائد ونحط الخطه سوى
ايمن +اشرف+امين:موافقين
**وابتدوا يحطوا الخطه**
>>>>>>>>>>>>>>>>>>>>>>>>>>>>>>
**عند فرح وابوها**
والد فرح:لسه مش عايزة تاكلى برده يا فرح
طب كلى اى حاجه عشان تقدرى تقفى ع رجلك
**وفى اللحظة دى موبايل ابوها رن**
والد فرح:طيب هرد ع الموبايل واجيلك
الوو
الضابط:ازاى حضرتك يا عمى انا الضابط ادهم
والد فرح:اهلا يابنى
ادهم:كنت عايز اقولك خبر حلو يمكن يشيل عن بنت حضرتك شوية
بصراحه يا عمى ف 3 عساكر أُستشهدوا ولقينا الجثث بتاعتهم والعسكرى احمد مش منهم ودورنا فى كل مكان ملاقنهمش
وفى احتمالين اما يكون احمد والعساكر اللى معاه اسرى او يكونوا هربم لسه ما نعرفش بس اوعدك لو عرفت حاجه هبلغ حضرتك علطوول
والد فرح:تشكر يا ابنى والله الخبر ده هيسعد فرح جدا
الضابط ادهم:العفو يا عمى
**اشوفكوا الحلقة الجاية بقا يا قمرات**☺️☺️
رأيكوا لانه بجد يهمنى 😘😘
((((حب يداوى جرح))))
**بقلمى ياسمين ماهر**