Taehyung ke Jungkook ka Jimin

Ch5- Jimin ki Ex

Jimin's POV

Main humesha se hi gali mein kaafi famous tha😎. Dur se dekhte hi sabh kehte the "Woh dekho Jimin aa raha hai." Woh baat alag hai ki fir collar se pakadke jo paise udhaar liye the woh waapis maangne lagte the😑. Main bhi tha ek number ka dheet. Mauka dekhte hi chakma dekar wahase bhaag jaata tha🏃.

Paas mein hi Mukesh Halwai ki dukaan thi. Unki ek sundar sushil beti Gayatri par mera dil aa gaya tha. Jabh woh chhath pe kapde sukhane jaati tabh main cycle pe neeche aas lagaye baitha rehta. Jabh humari aankhein milti, woh mujhe dekhke sharmate hue ghar mein ghuss jaati.

Kabhi kabhi woh dukaan se Jalebi chura laati aur nukad pe humare safe spot pe baithake mujhe apne haatho se khilati. Main bhi aisa waisa aashiq nahi tha😎. Uske liye especially humari Kirane ki Dukaan se Dairy Milk🍫 chura ke laya karta tha.

Ek din hum raat ke andhere mein mile aur maine usse I Love You bolne ki himmat ki. Woh sharma gayi aur jaise hi maine aankhein bandh karke kiss karne ke liye hoth aage badhaye toh mujhe kisi ki nokili daadhi chubhne lagi. Paseene ki badbu bhi bohot strong thi. Main soch mein padh gayi Gayatri ko toh daadhi nahi hai, fir yeh kaun hai?🤔

Jaise hi meri aankhein khuli main dekhta hu ki main Mukesh uncle ko chumma de raha tha. Mujhe ghinn aayi aur main apne hothon ko saaf kiya aur zameen pe thukne laga. Peeche Gayatri udaas hokar khadi hui thi.

"Papa rukh jao, Jimin accha ladka hai" Gayatri ne justify karne ki koshish ki.

"Uncle main sharif khandaan se hu aur aapki beti se pyaar karta hu" main keh padha.

"Tumhari sharafat main acchi tarah samjhta hu. Raat ke andhere mein yeh sabh kaam kar rahe ho. Aur tum Gayatri, tumhe koi samjh hai ki nahi. Aise ladke kisi se pyaar nahi kar sakte" Mukesh uncle bhaukne lage.

"Papa please.... "

"Bilkul chup, tumne iss ladke ko toh bataya nahi hoga ki hum iss mohalle se humesha ke liye jaane waale hai. "

Mukesh uncle ki iss baat se mera dil uthal-puthal ho gaya. Gayatri ne mujhse itni badi baat chupai. Kya main sirf ek time- paas tha. Maine Gayatri ki taraf dekha aur woh mujhse nazarein nahi mila payi. Mukesh uncle ne uska haath pakda aur usko wahase le gaye.

Uss raat apun 2 baje tak piya🍺. Gham toh bohot tha par mera bhai Taehyung mera gham baant raha tha.

"Jimin, woh agar tujhse saccha pyaar karti toh tujhe sach batati par usne pehle hi haar maan li"
Tae mujhe samjhane laga.

"Yeh mera pehle pyaar tha aur mujhe isne sabse zyada dard diya" maine ek aur sip daaru gatka kar kaha.

"Ek baat kaan kholkar sunn, Gayatri tere liye bani hi nahi thi. Teri soulmate jahapar bhi hai usse tu ek din zarur milega aur tum dono ko koi bhi alag nahi kar payega"
Tae ne gyaan bata.

Issi aas mein main ji raha tha. Aaj peeche mudhkar dekhta hu toh lagta hai woh Soulmate mil gaya aur uska naam hai Jungkook.

Jungkook's POV:

Aaj Brijesh Trousers and Shirts (BTS) mein buy 1 get 1 free ki sale lagi hui thi. Tae aur main wahape shopping karne ja rahe the. Uss din ki disastrous padhai ke baad Jimin ko kaise padhaya jaye iss tension se mere sir mein dard hora tha. Tae ko dekhte hi thodi rahat aayi aur main kuch der ke liye hi sahi, saari tensions ko bhul gaya.

Usne mujhe dekhke apni pyaari si boxy smile di. Mann toh tha ki wahi pe use pakadke kiss kardu par humari homophobic society yeh allow nahi karti. Tae ne aage peeche zyade log hai ki nahi check kiya aur mauka dekhte hi chauka maarte hue mujhe forehead kiss di. Main sharm se laal ho gaya tha. Yeh ladka mujhe kaisi bhi situation mein blush kara sakta hai.

Jaise hi hum dukaan ke andar gaye, wahape mere papa ke dost Sejin customers ko shirts dikha rahe the. Brijesh uncle ne Sejin bhaiya ke saath milke BTS khola tha. Shuruvat mein sirf Trousers aur shirts becha karte the par kuch saalo mein kacche, baniyan, petticoat sabh bechne lage.

Tae aur maine Sejin bhaiya ko greet kiya aur unko busy paakar apni shopping khud hi karne lage. Maine Tae ke liye ek shirt👕 select ki jo usko bohot pasand aayi. Usne mere liye 5  baniyaan ka set liya😍.

Hum bills pay kar hi rahe the tab maine notice kiya ki Tae ka dhyaan kisi aur pe tha. Jabh maine uski nazar ka peecha kiya tabh pata chala woh kisi ladki ko dekh raha tha. Mujhe jealousy hone lagi aur maine uska dhyaan bhatkane ke liye uske pair pe apna pair de patka. Woh dard mein chillaya.

"Oh, sorry Tae, galti se ho gaya" maine jhooth ka rasta liya.

"Koi baat nahi Jungkook" bolke jabh woh fir peeche dekhne laga toh woh ladki gayab ho chuki thi.

Woh ladki thi kaun aur Tae use baar baar kyu dekh raha tha?🤔 Main soch mein padh gaya.

Taehyung's POV:

BTS ki sale mein mujhe Gayatri dikhi. Pure 2 saalon baad usko dekhkar main chaunk gaya tha. Jimin ki uss dukh bhari daastan ko yaad kar main kho gaya. Bas woh Jimin ke saamne kabhi na aaye yeh wish karte hue main Jungkook ke saath dukaan se nikal gaya.

Jungkook kuch ukhda ukhda sa lag raha tha. Maine uske kandhe pe haath rakha toh usne mera haath jhatka diya. Uski pout cute thi par uski narazgi mujhse dekhi nahi ja rahi thi. Hum dono paas ke ice-cream parlour mein gaye. Waha bhi usne shaant rehna hi pasand kiya.

Maine table pe rakhe hue uske haath par apna haath rakha aur pucha "Kuch hua hai kya Jungkook?"

Finally usne ghusse mein hi sahi mujhse pucha
"Woh ladki kaun thi jisko tum baar baar dekh rahe the? Don't tell me tumhari ex girlfriend hai. Tumhe usse baat karni thi na? Main beech mein toh nahi aa raha hu na?"

Uski aankhon ki udaasi badhti ja rahi thi aur woh thoda emotional ho gaya tha. Maine uske cheeks ko gently  pakda aur kaha "Woh meri nahi Jimin ki ex thi. Main apne bhai ke baare mein soch raha tha. Usko dukh mein nahi dekh sakta. Aur ek baat, main tumse pyaar karta hu aur humesha karta rahunga. Humare beech koi nahi aa sakta"

Jungkook mujh se nazrein churane laga aur quickly maafi maangi.
"Koi baat nahi baby" main smirk ke saath keh padha.

"Baby" word pe uska blush karna aur uske blush pe meri boxy smile toh banti thi.