#Unicode
ညီနဲ့ကျွန်တော် လူကြီးတွေကိုဖွင့်ပြောပြီး Singaporeမှာပဲနေခဲ့ကြသည်
လူကြီးတွေကိုပြောပြတော့ ကန့်ကွက်မည်ဟုထင်ခဲ့သော်လည်း ညီက လွန်ခဲ့တဲ့သုံးနှစ်ကတည်းကဖွင့်ပြောခဲ့ပြီးပြီတဲ့ ကိုယ်ထပ်ပြီးအားနာမိတယ် ညီရယ်....နှစ်ဖက်မိဘတွေနဲ့ရင်းနှီးသူတစ်ချို့ကိုဖိတ်ပြီးဧည့်ခံပွဲလေးကျင်းပခဲ့ကြတယ်
လက်ထပ်ပွဲနေ့မှာအားလုံးကိုသက်သေထားပြီး
ညီ့ကိုကတိပေးခဲ့တယ်
"အခုကစပြီး ညီတစ်ဘ၀လုံးပျော်ရွှင်နိုင်အောင် ကိုယ်ကြိုးစားပါမယ် ညီစိတ်မဆင်းရဲစေရဘူးလို့ ကိုယ်ကတိမပေးနိုင်ပေမယ့် ၀မ်းနည်းရမှုတွေဟာ
ကိုယ့်ကြောင့်မဖြစ်စေရဘူး ညီ့၀မ်းနည်းမှုတွေကို ထပ်တူမျှဝေခံစားပေးသွားမှာပါ"
ကွန်တော်ပြောလိုက်တော့ ညီက သူရဲ့မူပိုင်ပါးချိုင့်နက်လေးတွေနဲ့ အတောက်ပဆုံးပြုံးကာအညိုရောင်မျက်၀န်းတွေမှပုလဲတွေသီရင်း
"ကျေးဇူးတင်ပါတယ် ကိုကို
ကိုကို့ ကို ချစ်တယ်ဆိုတာထက်ပိုပါတယ်"
လက်တွေကလည်းကျွန်တော့်လည်ပင်းကိုသိုင်းဖက်ရင်းကလေးငယ်ငိုကျွေးခဲ့တယ်လေ....
ကျွန်တော်တို့နှစ်ယောက်ဘ၀ခရီးဟာချစ်ခြင်းတရားတွေနဲ့စတင်ခဲ့ကြတယ်ဒီနေ့ Christmas အကြိုနေ့ လမ်းတွေထက်မှာ မီးရောင်စုံတောက်ပလို့ လူတွေပျားပန်းခတ်သလိုသွားလာနေကြတယ် Christmasသစ်ပင်ကြီးတွေအောက်မှာကလေးတွေဆော့ကစားနေကြတယ်
လူငယ်လေးတွေကသူတို့အချစ်တွေကိုခိုင်မြဲဖို့Christmas treeအောက်မှာ သစ္စာတရားတွေတိုင်တည်နေကြတယ် အိမ်တံခါးတိုင်းထက်မှာလည်း
Christmas အမှတ်သားဖြစ်တဲ့ သစ်ခက်၀ိုင်းလေးတွေချိတ်ထားကြတယ် အရာအားလုံးက သက်၀င်လှုပ်ရှားစိတ်လှုပ်ရှားဖွယ်ကောင်းနေတယ် လူတိုင်းဟာလည်းပျော်ရွှင်နေကြတယ်
မီးမှောင်နေတဲ့အလှဆင်ထားခြင်းမရှိတဲ့အိမ်တံခါးကိုသော့ဖွင့်၀င်ရင်း မီးခလုတ်နှိပ်လိုက်တော့ Christmas treeတောင်မရှိတဲ့ဧည့်ခန်းကဆီးကြိုနေတယ် အရင်ကဒီချိန်ဆိုညီကလေးတွေအတွက်Cookie တွေလုပ်နေတုန်း ကျွန်တော်ကလက်ဆောင်တွေထုပ်ပိုး ပြီးတာနဲ့ နှစ်ယောက်အတူပျော်ပျော်ပါးပါး Christmas tree ကိုအလှဆင်ကြတာပေါ့ အဲ့အချိန်တွေကဘ၀မှာသိပ်ပျော်ဖို့ကောင်းခဲ့တယ် ည၁၂နာရီ ကျော်တာနဲ့ ညီ့နဖူးပြင်လေးကိုမြတ်မြတ်နိုးနိုးနမ်းရင်း "Happy Birthday ညီ ကိုယ့်ချစ်ခြင်းမေတ္တာတွေနဲ့အမြဲအေးချမ်းပျော်ရွှင်ပါစေ"လို့ဆုတောင်းပေးရတာလည်း ဘ၀မှာ အလုပ်ချင်ဆုံး အရာပါပဲ
အတိတ်တွေကို ပြန်တွေးငေးယောင်ရင်း မီးဖိုခန်းထဲ၀င် အထုပ်တွေချထားပြီး လျှော်စရာအ၀တ်တွေကိုလျှော်စက်ထဲထည့်ရင်းဆိုဖာပေါ်မှာခဏ၀င်လဲလိုက်သည်
ညီနဲ့ပြန်ဆုံချိန်ကျူးလစ်ပန်းခင်းရှိတဲ့ ယူကလစ်ပင်အောက်မှာ တစ်ချိန်ကလိုညီ့ကိုထွေးပွေ့ထားရင်းနေ၀င်တာကိုကြည့်နေခဲ့တယ်
ဒါပေမယ့်ရုတ်တရက် ညီ့ကိုယ်ဟာမှေးမှိန်လာပြီးထွင်းဖောက်မြင်နေရတဲ့ဖန်သားလိုဖြစ်လာတယ် ညီ့ကကျွန်တော့်ကိုသူ့ပါးချိုင့်နက်နက်တွေနဲ့တစ်ချိန်ကလိုအတောက်ပဆုံးပြုံးပြရင်းပျောက်ကွယ်သွားတယ်
ကျွန်တော်ကြောင်အစွာကြည့်နေမိလိုက်သည်
"ညီ ...ညီဘယ်မှာလဲ ကိုယ့်ကိုမနောက်နဲ့တော့ ထွက်လာခဲ့တော့ ပြန်ရအောင် နေ၀င်သွားပြီ ညီ...."
ကျွန်တော် ဘယ်လောက်အော်ခေါ်နေပါစေညီကထွက်မလာခဲ့ပေ ကျွန်တော့်ပါးပြင်ထက်၀ယ်မျက်ရည်တို့ကလည်းတာကျိုးသလိုပြိုနေပြီဆောက်တည်ရာမရစွာလိုက်ရှာနေခဲ့သည်...
Alarm မြည်သံကြောင့်နိုးလာမှမောဟိုက်စွာသက်ပြင်းချလိုက်မိသည်
ခုလိုအိပ်မက်တွေမက်နေတာဒီရက်ပိုင်းတွေဆက်တိုက်ဖြစ်လာကာပင်ပန်းလှသည် ...
"ဟူးးး တော်ပါသေးတယ် အိပ်မက်ဖြစ်နေလို့"
ကိုယ့်ကိုကိုယ်ဖြေသိမ့်ကာပါးပြင်ပေါ်က မျက်ရည်စတွေသုတ်ရင်းမီးဖိုခန်းထဲက တည်ထားတဲ့ ကြက်သားစွတ်ပြုတ်လေးကိုချိုင့်ထဲထည့်ပြီး အခန်းထဲ၀င်ကာ ညီသေချာမှာလိုက်သည့် ညီကိုယ်တိုင်ဒီဇိုင်းဆွဲပြီးသေချာအပ်ထားသည့်စာအုပ်စင်ကိုဘေးခေါက်လိုက်ပြီးနောက်ပေါ်လာသည့်ဗီဒိုအသေးစားလေးကိုညီပေးလိုက်တဲ့သော့နဲ့ဖွင့်လိုက်သည် တံခါးဖွင့်ပြီးမြင်လိုက်ရချိန်မှာပဲ အရမ်းအံ့သြသွားခဲ့ရသည် ကျွန်တော်ပေးခဲ့သော နှစ်စဥ်မွေးနေ့လက်ဆောင်များ ချိုချဥ်အိတ်ခွံလေးတွေပါ စနစ်တကျခေါက်သိမ်းထားသည် ညီ့ရဲ့ ကျွန်တော်နှင့်ပတ်သတ်သည့်အလေးထားမှုလေးတွေကို မြင်တွေ့ခွင့်ရခဲ့သည် ထို့နောက် ညီ့ရဲ့ နှစ်အလိုက် Diary စာအုပ်လေးတွေ ခုနှစ်ကြည့်လိုက်တော့ ညီအထက်တန်းပထမနှစ်ကစရေးခဲ့သည့်ဟန်ပင် ညီရဲ့ပထမဆုံးDiary စာအုပ်လေးကိုလှန်လိုက်တော့ ကျွန်တော်မျက်ရည်ကျမိသည် "ကိုကို ကျွန်တော်အချစ်ဆိုတာမသိဘူး ဒါပေမယ့်ကိုကိုကလွဲပြီး ကျွန်တော့်မှာအခြားသူမရှိဘူး ကိုကို့ကို မမလှလှတွေနဲ့မြင်ရရင် စိတ်ထဲဒေါသထွက်သလို ၀မ်းနည်းသလိုပဲ ကျွန်တော့်ဆီက ကိုကို့ ကိုလုယူသွားမှာကြောက်တယ်"
ကျွန်တော်ငိုကြွေးရပါသည် "ညီရယ် ကိုကို့ ကလေး ဘယ်လောက်တောင် ပင်ပန်းခဲ့လိုက်မလဲ ကိုယ်တကယ်မကောင်းခဲ့တာပါ...."
နောက်ထပ်စာမျက်နှာတွေလှန်ကြည့်မိတော့လည်း
ကျွန်တော်အကြောင်းများကိုသာရေးထားသည်
ညီနိုင်ငံခြားမှာကျောင်းသွားတက်ဖြစ်ခဲ့သည်မှာလည်းကျွန်တော့ကြောင့်တဲ့လေ ညီကသူ့ခံစားချက်တွေထိန်းချုပ်ဖို့အတွက်နဲ့ကျွန်တော့်ဝေးရာကိုသွားခဲ့တာ အမှန်က ကျွန်တော်တို့အမှတ်တရတွေဝေးရာကိုပါ ညီအထက်တန်းမပြီးခင်မှာပဲ ကျွန်တော် Singaporeမှာအလုပ်လုပ်နေခဲ့တာ ညီဘယ်လောက်အထီးကျန်နေခဲ့မလဲ ဆိုတာ ညီ့Diary စာရွက်လေးတွေကသက်သေပင် ......
ညီ့ရဲ့ ငယ်ဘ၀ကိုကျွန်တော်အပေါ်ချစ်တဲ့စိတ်တစ်ခုတည်းနဲ့ဖြတ်သန်းခဲ့တဲ့ညီ့ကို အရမ်းချစ်မြတ်နိုးမိသလိုကျေးဇူးလည်းတင်မိတယ် အတိတ်ကိုလည်းနောင်တရမိတယ် ကျွန်တော်သာ ညီ့ကိုချစ်ကြောင်းစောစောသိခဲ့ရင် ညီ့အဝေးကိုထွက်မသွားခဲ့ရင် ညီခံစားခဲ့ရမှာမဟုတ်ဘူးး...
မျက်ရည်တွေကိုသုတ်ပစ်ရင်း ညီမှာတဲ့ Diary စာအုပ်လေးကိုရွေးယူရင်း ဗီဒိုလေးကိုသော့ပြန်ပိတ်ခဲ့လိုက်သည် ....
အချိန်ကြည့်မိတော့ မနက်၅နာရီရှိပြီ ရေချိုးကာညီအရမ်းကြိုက်တဲ့ အပြာနုရောင်ရှပ်လက်ရှည်လေးကို ဘောင်းဘီအနက်ရောင်လေးနဲ့တွဲ၀တ်ကာ ဆံပင်တွေကိုနောက်သို့ဖီးသပ်တင်လိုက်သည် ဆွဲတာရှည်လေးကိုထပ်၀တ်ရင်း ညီနဲ့ဆင်တူရှိတဲ့မာဖလာအနီလေးပတ်လိုက်သည် ထို့နောက်ညီ့အတွက်မာဖလာလေးနဲ့Diary စာအုပ်လေးကိုသေချာထုပ်ပိုးပြီး အိမ်ကထွက်လာလိုက်သည်
လမ်းတွင်ညီကြိုက်တဲ့ ကျွန်တော်တို့ အချစ်တွေရဲ့ သက်သေလေးတွေဖြစ်တဲ့ Tulip ပန်း ပန်းရောင်ပွင့်လေးမှာ အဖြူ ပွင့်လေးတွေရံထားတဲ့ ပန်းစည်းလေးကိုကိုင်ပြီးညီ့ရဲ့ အသက်၅၆နှစ်ပြည့်မွေးနေ့လက်ဆောင်ပေးဖို့ လှမ်းခဲ့လိုက်တော့သည်.....
YOU ARE READING
Christmas Dream
Historia Cortaအဖြူကပဲသန့်စင်တာမဟုတ်ပါဘူး အခြားအရောင်တွေမှာလည်း သန့်စင်မှုတွေရှိတာမို့ ကျွန်တော့်အချစ်က ကိုကိုရဲ့ အဖြူရောင်ချစ်ခြင်းကို အဖြူအတိုင်းအရောင်မပြန်နိုင်ဘဲ ပန်းနုရောင် ချစ်ခြင်း နဲ့ အလင်းပြန်မိတာ အရောင်ဆိုးတာ မဟုတ်ခဲ့ပါဘူး ကိုကို... 🌷🌷...