سبحان الله وبحمده سبحان الله العظيم
أستغفر الله العظيم واتوب اليه
لا حول ولا قوة إلا بالله العلي العظيم
اللهم اعنا علي طاعتك وحسن عبادتك
اللهم صل وسلم وبارك على سيدنا ونبينا محمد صلى الله عليه وسلم 💝
--------------------------
أجمل صدفة
الحلقة( 2 )
سيف دكتور محترم الكل بيحبه وبيحترمه شخصيته مرحه وطيب جدا رياضي وسيم وبيجزب اي حد يتكلم معاه عنده ٢٦سنه دخل شريك مع خاله في المستشفي ومالهوش حد بعد وفاة مامته وباباه في حادثه عايش في الفيلا الي كلها ذكريات جميله مع حبايب روحه وقلبه
------------
رهف: "روحت وهيا طايره من الفرح ربنا بعتلها الشخص ده عشان تلاقي الشغل ياه انت كريم اوووي يارب الحمد لله ربنا يكرمك يادكتور سيف بس غريبه كنت كل يوم اشوفه وهو قاعد سرحان وحزين في عربيته كل مره في مكان مختلف بس عمره ماشافني ولا بص عليا حتي ممكن تكون صدف الله اعلم"
هبه : مين بقي دكتور سيف
رهف: هاه هو انا كنت بتكلم بصوت عالي وبعدين انتي هنا من امته يابت انتي
هبه بهزار: من ساعت دكتور سيف هييح لا قولتي سيف بس
رهف: لا ياختي مش هييييح وبعدين يابت ايه هييييح دي وضربتها براحه ع دماغها "بس قلبها دق مجرد ماسمعت اسمه مش عارفه ليه ولا من ايه ده كمان "
رهف: تعالي يامشكله وانا اقؤلك علي الي حصل بس ادخل اشوف ماما الاول دخلت رهف علي المطبخ ست الحبايب ياحبيبه اه، وحشتيني ياحنون
حنان: مامتها حضنتها قلب امك انتي يارهف مالك بقي ايه سر الضحكه الصافيه دي وبعدين كل يوم تخرجي بدري وتيجي زعلانه بس النهارده الحمد لله الفرحه باينه في عينك ها أعترفي
هبه بدلع: السر عند دكتور سيف
رهف: بت انتي اتلمي وبطلي هبل عليا شويه
حنان: مين سيف ده يارهف
رهف بسعاده: لقيت شغل وفي مجالي احنون وسيف ده ياستي الدكتور صاحب المستشفي الي هشتغل فيها
حنان: برضه يارهف ياحبيبتي ليه تحملي نفسك فوق طاقتها
رهف باست اديها: ياست الكل ده حاجه مريحاني وبعدين كنتو بتعلموني ليه عشان اقعد في البيت مش لازم يكون ليا حياتي وكياني ومستقبلي ولا ايه
حنان: ربنا يريح قلبك ويناولك الي في بالك ياقلب امك رهف: الله ياست الحبايب علي الدعوات العسل دي
هبه: جت من وراهم وانا لا
حنان: لا طبعا وانتي كمان ياشقيه
هبه قربت حضانتها وباست اديها: وانا وانا ادعيلي
حنان بسعاده: وانتي كمان يامغلبانه
هبه: انا دا انا كيوت وطيوبه
رهف بضحك: انتي طيوبه بوريه منك بوريه
ضحكو الثلاثه
--------------
حنان مامتهم حنينه جدا وقلبها كبير بناتها عندها بالدنيا كلها دول كنزها الي طلعت بيه من الدنيا جوزها مات وهما عايشين لوحدهم وبيصرفو من معاش جوزها عندها ٤٥سنه وقريبه منهم كأنها اختهم مش مامتهم
نرجع بقي لقصتنا----------
رهف: دخلت الاوضه مع هبه وقصت عليها الي حصل كله وفضلو يتناقشو كتير
هبه: تفتكري دي صدفه يارهف إن كل يوم تشوفيه وهو يجي يدافع عنك ويشغلك عنده او معاه
رهف: مش عارفه ياهبه ده الي حصل
هبه: ربنا يجعله خير يارهوفه اعسل انتي
رهف: يارب ياهوبا
--------------
سيف: خلص عمليات ودخل مكتبه يرتاح شويه ااااااه تعبت اووووي هقوم اروح ارتاح نفسي انااام" اخد مفاتيح عربيته ومشي روح علي فليته الصغيره الي تصميمها جنان وزوقها راقي جدا
داده رحمه: سيف ابني حمدالله على السلامه
سيف: داده حبيبتي الله يسلمك
الدادة: تحب تاكل ياابني زمانك ناسي نفسك ومااكلتش ثواني وهجبلك الاكل ياسيفو
سيف: سيفو ماشي تمام ياداده ربنا يخليكي ليا انا هطلع اخد شاور واصلي فرضي واجي أكل لقمه بسيطه عشان نفسي انام "طلع سيف علي غرفته دخل اخد شاور ولبس وطلع يصلي وخلص ورمي نفسه علي السرير وسرح في ملامحها وابتسم كنتي فين من زمان غايبه عني هو ايه الي انا بقؤله ده ومن تعبه غمض عنيه ونام"
داده رحمه: هطلع اشوف سيف اتاخر ليه طلعت خبطت بس مافيش رد فتحت براحه لقيته نايم ياحبيبي ياابني نمت من كتر ارهاقك وتعبك ربنا يريح قلبك ياابني سابته ونزلت...
"رحمه دي عندهم من ساعت مااتولد يعتبر هيا الي مربياه وحنينه عليه جدا كأنه ابنها وفضلت معاه لما باباه ومامته ماتو هيا لوحدها مالهاش قرايب ولا اي حد"
--------------
سيف: نايم بيحلم بواحده قاعده بعيد بس شكلها زعلان وبتتخنق وملامحها نفس البنت الي شافها جه يقرب بس المسافه بعيد كل مايقرب برضه بعيد ومش عارف لا يقرب ولا يساعدها وفاجئه صحي بيتنفس بصعوبه ااااه ايه ده ياتري في ايه ولا حكايتك ايه وانتي ليه حزينه كدا وظهورك ليا ده صدفه ولا في ايه اجعله خير يارب...
---------
تاني يوم
رهف: صحيت اتوضت وصلت ولبست طقم شيك ولفت طرحتها عشان تروح الشغل
حنان: ماشاء الله ايه الجمال ده ياقمر
رهف: صباح الخير ياقلبي انتي
حنان: يجعل صباحك وايامك كلها خير ياقلبي
هبه: نفسي مره أجي عليكم ماالاقيش قصة الحب دي
رهف: الي غيران مننا يعمل زينا
حنان بسعاده: ياواد ياجامد انت ياواثق من نفسك
هبه: لا يااختي هغير من ايه حنون بتحبني من غير غيره صح احنون اقلبي انتي
حنان: صح ياصغنن انت
رهف: دا انتي اخر العنقود بتاعنا ياسكره انتي احنا بنموت فيكي بس خلاص حصت الحب خلصت كفايه كدا هتأخر علي الشغل وهو اول يوم ليا سلام بدل مااتأخر وتلاقوني جمبكم هنا
حنان: ربنا يثبت أقدامك يارهف ويرزقك
هبه: هو هيبقي فيها سيف وهتترفدي
رهف: ايوه قري بقي، سلام ونزلت ركبت وراحت علي المستشفي دخلت بتسأل علي دكتور سيف" لو سمحتي مكتب دكتور سيف فين "جه صوت من وراها
وانتي بتسألي عليه ليه
رهف: بتبص لقت بنت واقفه وراها لابسه جيب قصير وبضي ديق وشعرها ناعم وطويل
رهف: نعم حضرتك بتكلميني انا
سوزي: هو في غيرك هنا بيسأل
رهف: ومين حضرتك انا بسأل علي دكتور سيف
سوزي: وانا خطيبت دكتور سيف
رهف: "حست بحد بيدب السكينه في قلبها ومش عارفه ده سببه ايه ولا ليه بس دي لدكتور سيف "
سوزي: ها خير هتفضلي سرحانه كتير
رهف: نعم لا ابدا انا الدكتور سيف قال انه محتاج مساعد طبيب وإداني معاد وانا جيت
سوزي: اه لا في حد جه واستلم ياله اتفضلي
رهف: اتفضل فين حضرتك
سوزي: تمشي تروحي هيا ليها معني تاني
رهف: ازاي يعني والدكتور بنفسه قايلي ان مافيش حد هنا وانه محتاج مساعد
سوزي: ماعندناش شغل فهمتي ولا أفهمك
رهف: هو حضرتك بتتكلمي كدا ليه هو حضرتك تعرفيني
سوزي: ولا أحب اعرف ياله بقي هوينا
رهف: ماليش كلام معاكي كلامي مع الدكتور سيف
سوزي: وانا صاحبة المستشفي وقلت مافيش شغل
رهف: جريت ودموعها مغرقه وشها وحاسه ان الدنيا ظلمت في وشها من تاني مش عارفه هتدور فين تاني ولا تروح فين بعد ماكانت طايره من الفرحه عشان لقت شغل ودلوقتي الشغل راح ليه يارب بس كدا انا تعبت من كتر اللف علي الشغل والله انا راضيه خليك معايا يارب الحمد لله علي قضائك، ومشيت تدور علي شغل من تاني لغاية ماتعبت روحت ودخلت علي اوضتها
حنان: مالها رهف ياهبه
هبه: مش عارفه ياماما هقوم اشوفها
هبه: دخلت وراها مالك يارهف رجعتي بسرعه كدا ليه في حاجه حصلت احكيلي
رهف: اترمت في حضنها ودموعها مش بتنشف
هبه طبطبة عليها: طيب احكيلي مالك ايه الي حصل
رهف: حكت ليها كل الي حصل والي سوزي قالته ليها
وطريقتها في الكلام معاها كانت بتتكلم بكبرياء
هبه: طيب خلاص يارهف مالكيش نصيب مش انتي دايما بتقولي لو نصيبك هيصيبك خلاص حبيبتي وكل شيء قسمه ونصيب بس بصراحه كل الدموع دي عشان الشغل بس ولا عشان الواد حليوه وهييييح وكدهون
رهف غصب عنها ضحكت: انا ماصدقت لقيت شغل ياهبه وكمان في مجالي عاجبك حالنا كدا وقاعدتنا دي، دي كانت فرصه حلوه ليا اوووي
هبه : ياستي سبيها لله وربنا عوضه كبير
رهف: ونعمه بالله
هبه: ايوه كدا ارمي ورا ظهرك وربنا اكيد هيعوضك حبيبتي، بكره ربنا هيكرمك تعالي اغسلي وشك ونتوضي ونصلي ركعتين لله ربنا يقربلنا البعيد ويعوضنا خير
رهف: يارب ياهبه المهم عمله ايه في الكليه
هبه: اهو يااختشي كله محضرات محضرات حتي مافيش معيد موز كدا ولا حاجه
رهف: بت ياهبه انتي بتجيبي الكلام ده منين
هبه: غلبانه انتي يارهف يااختي تعالي الكليه وانتي تسمعي كل مالذا وطاب
رهف: يالهوي دي مش كلية بقي
هبه بضحكه عاليه: يوووووووه لأ، قومي قومي تعالي نصلي ونطلع ناكل اصلي هموت
رهف: انتي كدا علطول همك علي بطنك
هبه: يعني ولا موز ولا اكل دا يبقي حرام يااوختشي الرحمه شويه يابنت ابويا هاهاهاااا
رهف بإبتسامه: مافيش فايده فيكي
هبه بإبتسامه: نوهاااااااائي ابدا ابدا ابداااا، اقؤلها تاني ولا كفايا
رهف: كفاية ياست المطربة، وياله عشان ماما قاعده بره لوحدها
هبه: ايوة وسألتني انتي مالك مدايقة ليه
رهف: ماتقوليش ليها حاجه ياهبه انا هعرفها اني اتقبلت في الشغل عشان ماتزعلش وكل يوم هنزل ادور علي شغل تاني
هبه: طيب وليه قولي الحقيقة وخلاص
رهف: مش عاوزاها تزعل وتشيل هم الشغل وكمان هيا مش عاوزاني اشتغل
هبه: ماشي مش هقؤلها ياله تعالي نطلع ليها
حنان: تعالي حبيبتي مالك اول مادخلتي جريتي علي الاوضه في ايه
رهف: لا ابدا ياماما بس كنت جايه تعبانه وكنت عاوزه اغير واريح بس المجنونه دي دخلتلي وماعرفتش انام
هبه: الحق عليا اصل مش بعرف أقعد من غير ماتكونو جمبي
حنان: ربنا يخليكم لبعض ياحبايب عيني
هبه ورهف ويخليكي لينا ياحبيبة قلبنا
فضلو يتكلمو ويهزرو بس حنان" قلبها قلقان علي رهف ومتأكدة ان في حاجة حصلت معاها"
ورهف: بتضحك وتهزر ولا كأن في حاجه حصلت عشان مامتها
وهبه يومها مش بيعدي غير بجنانها
-------------------
دمتم بخير حبايبي
---------------
يارب تكون عجبتكم مستنية ارائكم وتعليقاتكم
ياتري ايه الي هيحصل لأبطالنا
سيف هيعرف الي حصل وهو مش موجود
وسوزي دي دورها ايه هتتقابل مع رهف تاني ولا لأ
رهف هتلاقي شغل تاني وهتقابل فيه سيف
ولا خلاص كدا
-------------------
شرفوني في جروبي علي الفيس
يوميات وروايات شيري محمد
