سبحان الله وبحمده سبحان الله العظيم
سبحان الله .الحمد لله .لا اله الا الله .الله أكبر
لا حول ولا قوة إلا بالله العلي العظيم
أستغفر الله العظيم واتوب اليه
اللهم أغفر لي ولوالدي ولجميع المسلمين والمسلمات الاحياء منهم والاموات 🤲
اللهم صل وسلم وبارك على سيدنا ونبينا محمد صلى الله عليه وسلم 💝
----------------------
💕أجمل صدفة💕
🌹الحلقة(20)🌹
رهف: دخلت الاوضه رمت نفسها علي السرير وعماله تعيط وتصرخ وتفتكر الي حصل انا ماعملتش حاجه اومال لو كنت اعترفتله بحبي ليه من اول ماشوفته كان حصلي ايه ااااااه😢😭 يارب انا ماغلطش ولا عملت حاجه غلط يارب انا راضيه بنصيبي 😭بس ليه كل ده يحصلي😭😭انا ضعت ضعت خليك معايا يارب انا ماليش غيرك استرني وهاتلي حقي منهم ياااااارب
حنان: سامعه ياهبه مش قادرة اقف اتفرج عليها واسكت كدا قلبي واجعني عليها اووووي
هبه: ماهيا مش راضيه تفتح احنا حاولنا كتير طيب سبيها لوحدها شويه ولو مافتحتش نتصرف
حنان: لا مش هسكت ولا هسيبها رهف حبيبتي افتحي عاوزه اقعد معاكي أطمن عليكي حبيبتي بطلي عياط وصريخ افتحي أخدك في حضني ومش هتكلم
رهف: مش بترد وبتعيط كتير وصريخها بيزيد
هبه: طيب يارهف مش عاوزين نعرف حاجه بس هنقعد معاكي بس انتي وحشتينا هناخدك في حضننا بس
رهف: مش عاوزه حد مش عاوزه حد سيبووووني في حاااالي مش عاوزه اتكلم انا هبقي كويسه هبقي كويسه ان شاء الله وفضلت تعيط كتير كل ماتفتكر حاجه تعيط اكتر وصعبان عليها حالها الي وصلت ليه
-----------------------------
سيف" قاعد في الفيلا مهموم وحزين لا بياكل ولا بيشرب ولا حتي بيروح الشغل"
دادة رحمة: سيف حبيبي هتفضل كدا لحد امتي لازم تقف وتوقفها معاك الحياة ماوقفتش علي كدا يابني
سيف: مش قادر تعبان اووي يادادة تعبان حاسس اني عاجز ليه كل حد احبه يتأذي هو انا وحش ربنا مش راضي عني ليه انا مقصر في حقه
دادة: اوعي تقول كدا استغفر ربنا .ربنا لما بيحب عبد بيبتليه لازم يختبر صبرك ده شوف سيدنا يعقوب استحمل قد ايه فراق ابنه ولا سيدنا يوسف اتحبس قد ايه سيدنا ذكريا صبر قد ايه كل الانبياء صبرو علي الأبتلاء وربنا عوضهم الصبر حلو والصبر مفتاح الفرج ياسيف الدنيا بتحصل فيها كتير لازم نستحمل ونصبر قوم ياله شيل دقنك دي ماخدناش علي ده واهو مهاب وصل وهيجننك معاه ههههههه قوم ياراجل بقي
سيف: ونعم بالله انا صابر اهوه وتوكلت علي ربنا
ربنا يخليكي ليا يادادة
مهاب: ياحونين انت ايه ياواد الدقن دي قوم قوم خد شاور انت بقالك قد ايه مااخدتش شاور اوعا يكون انت من الي بياخدو كل عيد بس 😂😂😂😂😂😂
سيف: هييه هيييه خفه ياض وبعدين ايه ده انت قطر ماشي مابيفصلش
مهاب: ربنا يسامحها ياشيخ دي عدوة ههههههههه
شيف: اهي هي دي الي هتربيك صح
مهاب: سيبك بقي المهم كلمت مامة رهف ولا لأ
سيف: لا يامهاب ماكلمتش حد انا حاسس بالزمب كل ده حصلها بسببي
مهاب: لا ياسيف لازم تقف معاهم مش تسيبهم كدا اهو عدا اسبوع وياعالم هيا اتحسنت ولا لسه زي ماهيا
سيف: هروحلها يامهاب وربنا يستر
دادة: ايوه كدا سمعوني صوت ضحككم خلو البيت ينور من تاني انا كنت قربت اعجز هههههههه
مهاب: ياشيخه علي اساس انك ماعجزتيش هههههههههه
سيف: بس ياض دا بيضحك يادادة دا انتي اصغر مني ومنه ههههههههههههه
مهاب: انت نصاب اوووي وهتدخل النار ياكذاب ههههههه
سيف: ياواد انت مابتعرف تقول كلمه حلوة ابدااا انت علطول غشيم كدا
مهاب: انا غشيم طيب هههههههههههه
دادة: باااااس باااااس قومو ياله عملت الاكل
مهاب: حبيبة قلبي يالي فهماني علطول انتي
دادة: ياقلبي بالف هنا
سيف: انتي علطول كدا اكل اكل اكل ياابو كرش
مهاب: هههههههههههه ياعم اسكت ياله بس قوم خد شاور وناكل ونروح ليهم
سيف: نروح علي اساس انك هتيجي معايا
مهاب: ايوه خدني معاك البت وحشتني اووووي
سيف: ولا هو انا طالع رحله ولا ايه
مهاب: انت رخم اصلا ياله بس ناكل الاول وبعدين نشوف الحكايه دي
سيف: مافيش فايده هههههههههه ياله قوم
-------------------------
سوزي: في جديد يامدحت
مدحت: لا مافيش لا حد بيخرج منهم ولا حد بيروح ليهم اظاهر خافت فعلا
سوزي: اومال احنا بنلعب ولا ايه ههههههههه دا انا سوزي
مدحت: احلا سوزي دي ولا ايه
سوزي: عاوزه اسهر سهرة حلوه كدا عشان هروح من السفر علي بيت الدكتور رامي ههههههههههه
مدحت: والأمورة كانت مسافرة فين بقي انتي مصيبه هههههههههههههه
سوزي: قؤلتلك ماحدش يقدر ياخد حاجه مني لسه ما أتخلاقش ياابني
مدحت: ياشرس انت ياشرس
------------------------
هبه وحنان قاعدين بره الأوضه مش عارفين يتصرفو ورهف كل الي بتعمله بتعيط وتصرخ وبس
هبه: وبعدين ياماما هنسبوها كدا انا مش قادره اشوفها كدا بقالها أسبوع علي الحال ده لا بتاكل ولا بتشرب ولا بتكلم حد فينا
حنان: قلبي وجعني اوووي نفسي اخدها في حضني وهيا مش عاوزه تفتح اعمل ايه وقاعدين سوا يعيطو علي حالهم الي اتبدل من غير مايعرفو السبب شويه والباب خبط
حنان: هشوف مين
هبه: لأ خليكي انا هقوم اشوف مين بتفتح لقت سيف هبه: دكتور سيف اتفضل أدخل
سيف: مامتك موجوده
حنان: ادخل ياابني انا هنا أدخل
سيف: دخل حط الي في ايده علي السفره وسلم عليهم وقعد اسف اني جيت من غير ميعاد ولا حتي أرن وكنت عاوز ارن علي رهف اطمن عليها بس عارف انها مش هترد عليا
حنان: عيطت احنا نفسنا مش عارفين نطمن عليها
هبه: طبطبة عليها خلاص ياماما اهدي عشان خاطري
سيف: في ايه طمنوني أتكلمت مع حد فيكم قالت حاجه
حنان: رهف من ساعت ماجت وهيا حابسه نفسها في الأوضه لا بتخرج ولا بتفتح لحد فينا ولا بتاكل ولا بتشرب ولا اي حاجه خالص
سيف: واقف مره واحده يعني ايه وليه ماحدش رن عليا افرض حصلها حاجه هو ده ينفع يعني ايه ياانسه هبه مش قؤلت لو فيه حاجه كلموني ممكن اخبط عليها
هبه: مش هتفتح ولا ترد عليك ولو ردت هتفضل تصرخ وبس سيبها مع نفسها
سيف: اسيبها لغاية امتي لأ طبعا ماينفعش راح خبط علي الباب رهف رهف لو سمحتي افتحي ماينفعش كدا الي حصل ده مايخلكيش تضعفي لا لازم تقفي علي رجلك وتتقوي وتاخدي حقك مهما كان مين اقفي واجمدي وانا في ظهرك رهف والله هجبلك حقك بس افتحي وكلميني
رهف: جوا بتزيد في العياط
سيف: قلبه بيوجعه علي الي هيا فيه رهف لو مافتحتيش الباب هكسره والله هكسره انا مش هفضل واقف كدا اتفرج عليكي وانتي بتضيعي مني رهف افتحي مش هقؤلك عشان خاطري لا عشان خاطر مامتك واختك كدا حرام يارهف مامتك هتتعب
رهف: مش عاوزه اشوف حد ولا اتكلم مع حد امشي مش عاوزه اشوفك ولا اكلمك سيبووووني بقي انا عاوزه اموووت سيبوني بدل ماهموت نفسي لغايه هنا
وسيف: ماقدرش يمسك نفسه وبص لحنان عاوز يكسر الباب ويدخل
حنان: هزة راسها يعني ايوه انا موافقه
"سيف: فضل يخبط في الباب لغايه مافتحه لقاها قاعده في اخر الأوضه وحاضنه نفسها ودماغها بين رجليها حنان: جريت عليها حضنتها هيا وهبه وسيف واقف مش مصدق ان دي رهف الي كانت ورده مفتحه دبلت خالص ووشها بان عليه التعب واقف مكانه مستني حنان وهبه يخلصو كلام معاها"
سيف: بعد اذن حضرتكم تسبوني معاها شويه بعد اذن حضرتك اتفضلي تعالي نقعد في الصاله لان ماينفعش اتكلم معاكي هنا بعد اذنك
رهف: مش عاوزه اتكلم مع حد مش عاوزه اشوف حد سيف: رهف هتتكلمي ومعايا ولو سمحتي قومي انا ماعتش قادر امسك اعصابي اكتر من كدا مش قادر اشوفك كدا اتفضلي قومي بعد اذنكم طلعوها بره "طلع بره الاوضه واقعد مستنيها تطلع ودموعه محبوسه نفسها تتحرر وتنزل بس للزم يكون اقوي من كدا"
حنان: قوني يارهف اغسلي وشك وتعالي يابنتي
رهف: مش هطلع مش عاوزه اتكلم مع حد مش هتكلم سيبوني واطلعو
هبه: ماينفعش يارهف لازم نعرف الي حصل
حنان: قومي يابنتي ربنا يعديها علي خير "ساندتها تلبس الأسدال لأن رهف بقت ضعيفه اووووي وطلعو قاعدو في الصاله
سيف: ممكن تسبوني معاها شويه
رهف: مسكت ايد حنان وهبه
سيف: فهم انها عاوزاهم جمبها تتقوي بيهم طيب خلاص مش هيسبوكي ممكن تتكلمي عرفينا الي حصل
رهف: دموعها بتنزل بصمت
سيف: قلبه بيتعصر كان نفسه ياخدها في حضنه ويطمنها بس مش من حقه علي الاقل دلوقتي
سيف: اهدي كدا وانا سامعك للاخر والي هيتقال دلوقت مش هيطلع لغيرنا بص عليها وطمنها بعنيه
رهف: ماعنديش كلام أقوله
سيف: لازم تتكلمي يارهف لازم انا جمبك صدقيني رهف: بصت لعنيه وشافت فيها صدق ولهفه بلاش اتكلم احسن لاني مش عاوزه شفقه من حد ولا حد يعطف عليا انا خلاص مش عاوزه حاجه من الدنيا انا خلاص اكتفيت بكدا
سيف: بس قبل ماتبدأي اي كلام وقبل ما اسمع منك حاجه لو سمحتي ياأمي تسمحيلي اقؤلك امي
حنان: طبعا ياابني انت ابني الي مخلفتهوش
سيف: طيب ياامي انا بطلب ايد رهف انا عارف ان ده مش وقته والخطوه دي اتأخرت كتير مني ويوم ماكنت هعترف بحبي ليها حصل الي حصل ومش عطف يارهف لا انا حبيتك من اول يوم شفتك فيه وكنت عاوز أتاكد من مشاعرك نحيتي والي حصل ده خلاني هتجنن عليكي واتأكد اني مش قادر استغني عنك انا مش بس بحبك لأ انتي عندي حياه الي مش هقدر أعيش من غيرها وربنا شاهد علي كلامي ده من يوم ماشفتك قلبي دق وكنت مستني انك تعرفيني اكتر وكنت جاي اقؤلك واعترفك بمشاعري بس طلعت من المكتب لقيتك بتجري طلعت وراكي بسرعه لقيتك ركبتي التاكسي ومشيتي قلت اكيد في مشكله وماحبتش ارن ادايقك وعرفت بالي حصل من مامتك وهبه والباقي عندك انتي انا لا هغير رأي بعد الي هعرفه ولا هشفق عليكي لانك اغلي من كدا عندي .انتي حياه بالنسبه ليا ثقي فيا يارهف واتكلمي وانا الي هاخد حقك وهندم كل واحد اذاكي ثقي فيا
رهف: دموعها نازله علي اخرها😢😢😢
---------------------------------
تفتكرو هتتكلم ولا هتقف في وشه
سيف هيصمم يعرف ولا هيستسلم ويمشي
منتظرة رأيكم وتعليقاتكم
دمتم بخير يا قمرات🌹
