القدر🖤

لقائك اجمل ما حدث في حَٰيـُُـٰٰاتيـُُـٰٰٰہٰٰ ˛⁽🙊💞⇣

قصه الجزء السادس
الكاتبه منار احمد
لقائك اجمل ما حدث في حياتي

أحلا ايّام حياتي عشتها بل عراق مجنت متخيله انو راح أتعرف على يوسف ولا على حنين ولا حتى الناس الي صادفتها بحياتي ، اليوم راح يُبين شكد نحب بعض
ام ملاك: اليوم راح يجون يبت خالتكم نور و يأخذونه لبيتهم جان كمتو حظرتو الغراض.
رند: تمام ماما هسه اكول لملاك و ساره يساعدوني
ام رند: يله بسرعه كملو علمود نسوي كيك سويه
رند: هااا اكو كيك لعد ثواني و تلكينه يمج هههه
ام ساره: مفجوعه هههههه بس سمعتي اكل
رند: ههههه بعد هذه الاكل هيجي يسوي بل إنسان
ام ساره: لعد اني اروح احضر المواد لمن متخلصون
رند: يله لعد اني رايحه اشوف وين ملاك و ساره
ساره: ملاك همزين خلصت الواجب شكرًا على ألمساعده
ملاك: ساره انتي مريضه هههه
ساره: ليش لا كلشي ما بيه
ملاك: اول مره سامعه كلمه شكرًا هههه لازم نسجلها بل تاريخ
ساره: ملاك أنجبي ههههه اني حتى لو مااكولها بس تعرفيني انتي
ملاك: ههه اَي اَي
ساره: ملاك تذكرين من جنه صغار انتي هم جنتي شاطره و جنتي تقريني
ملاك: اَي ماعرف منين جنت جايبه الشطاره مع العلم جنه بنفس الصف بس من جنه نرجع للبيت جنت اشرحلج الدروس
ساره: هههه اَي و هسه كبرنه و بعدج على هذا طبعج
ملاك: شاطره مو بيدي
ساره: ههههه
رند: هاي انتو هنا و اني صارلي ساعه كاعد ادور عليكم
ملاك: خير شصاير
رند: راح يجون بيت خاله نور يأخذونه لبيتهم ماما كالت حظرو غراضكم
ساره: ما ماخليكم تروحون
ملاك: اوووي فدوه ولج هاي بعدج على هذه طبعج
ساره: اَي وراح أضل للأبد
رند: و الخبر الثاني الحلو راح نسوي كيك
ملاك: يسسسسسسس
ساره: هههه بعد ملاك و سمعت كيك
ملاك: هههه لعد شلون
رند: يله امشو عد شكد تحجون
ملاك: اوي صارت عصبيه
رند: هههههه
ملاك: رند ناخذ كل الملابس لو شنو
رند: اعتقد
ملاك: خلي اروح اسئل ماما
رند: يله لعد اني راح الم الغراض المهمات
ساره: اَي احسن واني هم راح أساعدج
ملاك: لعد اني رايحه اسئل ماما
رند و ساره : اوكي
ام ساره: ملوكه خلصتو
ملاك: لا بعد هسه يله بدينه
ام ساره: يعني بعد شكد و تخلصون
ملاك: امممم فد نص ساعه
ام ساره : ماشي لعد اني راح اكعد و لمن تخلصون عود تعالي و كليلي 
ملاك: ماشي ، ماما ناخذ كل الغراض لو شنو
ام ملاك: اَي بس اكو ملابس الي راح نتبرع بيهن عود عوفيهن هنا
ملاك: ماشي
رند: ها ماما شكالت
ملاك: ناخد كل الغراض بس الي بل علاكه مال ملابس الي نتبرع بيهن عوفيها
ساره: لعد يله خلي نستعجل
ملاك: ماشي ، صحيح رند طلعي الملابس الي راح تلبسها عوفيها عود على صفحه
رند: اَي طلعتهن
ساره: اكول شكد راح اضلون هناك
رند: ماعرف
ملاك: اني هم ماعرف
ساره: تعرفون سمعت انو حنين رايحه السليمانية هم
ملاك: هاااا شوكت كالت
ساره: مكالت بس رسن كلتلي
ملاك: اَي زين لعد ( اوف حنين ليش راح تروح كلتها بكلبي)
رند: يله اذا كملتو خلي نروح
ملاك: يله
ام ساره : ها بنوتات خلصتو
ساره: اَي
ام ملاك: لعد يله أمشو خلي نروح نسوي الكيك
ملاك: ماما اكو ببسي علمود أحطه بل ثلاجه خلي يبرد
ام ملاك: اَي اكو ببسي و ميرنده
ملاك: أذني عليه رايحة أحطهن بالثلاجه
ام ساره: راح نسوي كيكتين و همن كب كيك
رند: يله
ساره: ههههه
ملاك: انتو حطو المقادير و حنه نخلطه بل خلاط
ام ملاك: ماما اَي احسن و علمود كل وحده همن تسوي شغله
ملاك: لعد اني راح أبدي الاول
ساره: اوكي اني لعد راح احظر الإماعين
رند: واني راح أحضر الأكواب
ملاك: يله
ام ساره: ملوكه تعالي خبطي
ملاك: اجيت
ام ملاك: بنات سو مكان للكيك
رند: اني سويت
ملاك: خلصت
ام ساره: بعد سوي الحافات
ملاك: ماشي و هسه
ام ساره: اَي
ملاك: خلي اني احطها على الفرن
ام ساره: يله
ام ملاك: ملوكه وره متخلص الكيكه خلي شويه تبرد و بعدين راح نحط كريم و نساتل و بعدين نحطها بل ثلاجه
ملاك: ماشي
ام ملاك: ماطول ماعندج شي روحي غسلي لاخوج
ملاك: أبدله هم لو بعدين
ام ملاك: لا خلي يأكل و بعدين كلنه نبدل
ملاك: ماما همه ساعه بيش يجون
ام ملاك: بعد ست ساعات
ملاك: حيل بعد هوايه
ام ملاك: اَي غير يجون بل ليل
ملاك: يله اني رايحه
خلصنه الكيك و حطينا بل ثلاجه و ره ساعتين خابرت حنين و كالت انو همه رايحين للسليمانيه و كلتلها انو اني هم رايحه لبيت خالتي و اتفقنه انو نبقه على تواصل ومنقطع.
ام ملاك: يله ماما خلصتو اجوي بيت خالتكم
ملاك: دقيقه و نجي
رند: حمودي يله خلصت
حمودي: اَي
خالتي: هلو ملوكه شلونج
ملاك: هلا بيج خاله 😍
راح اقدم الأحداث وره مخلصنه اكل و رحنه ويه بيت خالتي اول يوم جان يخبل بقينه كاعدين ل ٨ الصبح نحجي و نلعب و نأكل. ابن خالتي الجبير جان مخطوب و كالو راح يقدمون العرس علمودنه. اني من جنت اصغيره جنت معجبه بيه بس من جيت لامريكا نسيته و حتى من دنروح للعراق ابدا مفكرت بي. نظراته جانت غريبه بس بنفس الوكت من جنه نحجي جان عادي. لعبنه لعبه و الي يفوز  يشترون حلويات ههههههه و منو الفاز اكيد اني😂. جانت بل ليل و بقيت احجي ويه بنات خالتي و نسولف و نذكر مواقف بعدين واحد من جُهالهم جان يبجي ف أخذته و كلت اني انومه.طبعا اني آموت على الجهال اعشقهم عشق. من جنت انوم الجهال اجه علي ابن خالتي المخطوب و همن حاول ينومه اني باوعت عليه و ضحكت اكيد هوه اتفاجئه ليش اني كاعد اضحك كتله تذكر من جنه ننوم الجهال و بعدين بقينه نذكر و نضحك لحد ما بعد ماكدر أقاوم و نمت و همه هم نامو ب ٨ الصبح. كعدنه ب ٣ الضهر . احنه قبل منمنه اكلنه و صلينه و بعدين نمنه. علي جان كاعد قبلي و راح اشتره حلويات و اني من كعدت اطاني إياهن. خالتي زينب و ماما جانو كاعدين قبلنه.
ملاك: هلو هلو
خالة زينب: هلا بيج
ملاك: خالتو شنو الاكل
خالة زينب:  هسه كاعد احضر أطيب أكل
ملاك: خالتو راح اساعدج
خالة زينب: اَي تعالي
جنت كاعد اساعد و مندمجة و يه الاكل و فجئه اجه علي
علي: صباحوو يوم خابرت مريم و كالت تريد تطلع للمول
بنفس الوكت الي علي اجه ماما هم اجتي 
ام ملاك: هلا بيك علي اَي روحو ماعدنه شي اليوم
طبعا اني ممهتمة كاعد اسوي بل اكل
خاله زينب: ماما علي لتروحون و حدكم اخذ ملاك و ياكم
اني بقيت متفاجئه و باوعت على ماما و هزيت راسي ( مااريد)
خاله زينه: خلي ملوكه تروح لانو اهل الابنيه ميقبلون بيتهم تبقه وَيَا و حدهم شويه اهل الابنيه طبعهم حاد
ام ملاك: اَي عادي
اني هنا ماعرف شكول ماعرف الابنيه ولا طبعه و ماريد اروح و ياهم
على العموم خلصنه اكل و الباقي كلهم كعدو ف اني أكلت و رحت اكل الحلويات الي جابها علي و كاعده بل تليفون احجي ويه حنين و كلتلي انو يوسف كلش ظايج و يريد يرجع بهاي الأثناء طب علي
علي: ملوكه شلبس
علي مو من عوايده يصيحلي ملوكه بس كلت ماشي خاف لانو الكل يصيحلي هيج
ملاك: البلوز الاحمر احلا و ياهذا البنطرون يصيرن كلش حلوات
اذكرت شلون رهمت اليوسف و شكد ضحكنه و نظراته و بهاي الأثناء اجتي خالتي خاله زينب
خاله زينب: شوكت راح تروحين تبدلين
ملاك: هسه راح اروح
رند: ملاك جيبيلي شغله وياج
ملاك: اَي راح اجيب الكم كلكم
طبعا اني من راح أرجع لامريكا راح اطب اول سنه كليه جان كلش عاجبني اشتري تنوره و بلوز ف حاطه ببالي اشتري كم تنوره و ياهم بلوزات مرتبات مع العلم صار عدنه كومه ملابس.
ملاك: علي اكدر اسئل سؤال
علي: هاي شنو الرسمية عيني
ملاك: ههههههه
علي: تفضلي بله خلي نسمع السؤال
ملاك😅 احم احم أستاذ علي تعرف اهنأ ناس فقره اريد اتبرع فلوس و ملابس
علي: احم احم أستاذه ملاك اَي اعرف
ملاك: ههههه علي
علي: شسويلج انتي بديتي
ملاك: شنو أطباع خطيبتك
علي: كلش حبابه لتخافين راح تحبيها
ملاك: منو كلك اني خايفه
علي: يبوووووو
ملاك: هههههه سكتت سكتت
علي: لا احجي لسكتين
ملاك: حاظر من هاي العين لهاي العين
علي: لا لا بطلت لتحجين احسن
ملاك: هههههه لا خلي احجي
علي: وصلنه
ملاك: وين
علي:يعني وين غير لبيت خطيبتي
ملاك: دقيقه لازم اني هم انزل
علي: اَي اكيد
ملاك:خليني ما اجي اوف علي استحي ناس ماعرفهم و اطب لبيتهم
علي: ملوكه أمشي اني وياج
نزلنه و علي دك الباب و فتحته مريم باست علي من اخدوده طبعا هيه كلش حلوه تخبل و كيوت و بين عليها تحبه كلش و هوه هم يحبه و باوعت عليه اني كلت بكلبي اكيد محبتني و اشو هاي كالت انتي ملاك مو كتلها اَي و رءسن اجتي باستني و حسّيت انو اني وياها راح نصير مقربات طبعا ملابسي جانت كلش حلوه و مرتبه و فاتحه شعري سلمت على اخوها جان جبير بس حلو و عدها اخت هم بكد رند سلمت عليها. حسّيت بنظرات اخوها الي و بل حقيقه من باوعت علي اكثر شكله مرتب و حلو و هو ثاني كليه.كعدنه نص ساعه و بعدين ترخصنه منهم. تعرفت اكثر على مريم بل سياره. وصلنه للمول جان جبير و حلو و بي هوايه ناس و اكثر شي جانو الولد. طبينة على محلات أهوايه و لكيت التنوره و اشتريت الحمودي و البابا و رند بقه بس اشتري شي الماما ف مريم كالت تريد تروح اتشوف البدلات عرفته اتريد تبقه هيه و علي و حدها اني باوعت عليه و غمزت كتله علي اني راح افتر بل محلات و من تخلص عود خابر . و كال ماشي. ف كلت خلي اروح أدور شي الماما و جنت كاعد أمشي و صلتلي رساله من حنين و هو بل حقيقه طلع يوسف كاعد يحجي ويايه من تليفون حنين ف منتبهت و طخيت ولد و باوعت عليه و كتله اسفه بس لاحظت بنات هوايه جانو كاعد يباوعون عليه و يحجون بيناتهم بس اني مهتميت اعتذرت و مشيت لكيت صوار كلش حلو ف شتريته الماما و كلش تعبت رجلي كامت توجعني ف كلت خلي اروح اكعد بل مطعم رحت و اكلت لفت كص و طلبت كيك بعدين فجئه احد كعد مقابيلي اني رفعت راسي وباوعت عليه وطلع هوه الولد الي طخيت بيه
ملاك: تفضل
الولد(ابراهيم): شفتج كاعد وحدج
ملاك: هاي يعني انته تروح و تكعد ويه كل ابنيه وحده حجيتها و اني كلش عصبيه
ابراهيم: لا بس الحلوات
ملاك: صرت كلش عصبيه و داحجي و فجئه
موسى: ملاك اسفه خليتج تنضرين هوايه ( هوه الولد الي عنده الطفل الي كاعد يم اهل ماما) باوع عليه و كال على أساس انو جاي التقي بي. بعدين كله منو انته ليش كاعد يمها
ابراهيم: لا جنت بس اسئلها على شي
ملاك: مع العلم جنت اكدر أرده بس شكرًا مقصرت
موسى: ولو تأمرين امر. شكاعد تسوين هنا؟
ملاك: اجيت ويه ابن خالتي و خطيبته بس راح يشوفون البدلات مال عرس
موسى: اهاااا حلو لعد اني خلي اروح خاف ضوجتج
ملاك: لا والله اصلن همزين اجيت، مااحب أظل وحدي
موسى: اَي لعد ابقه شويه لمن يجون
ملاك: باوعت عليه و ابتسمت
بقينه نحجي و كال انو هوه يذكرني و حجينه و بينت اني مو كلش اعرفه بس اذكره و بعدين وره نص ساعه استئذن وراح بس جان حجينه كصداقة لا اقل ولا اكثر
بعدين خابر علي و التقينه و شفت موسى و اصدقائه جانو كاعد يحجون و هوه أبدا موخر نضراته اني استحيت و رءسن وخرت عيني بقيت كل شوية واحد يباوع على الثاني هو يباوع عليه و أَنِّي شويه، اجه علي و كال لكينه بدله بس لازم بعد يدورون من دا نطلع شفت ابراهيم و جان ويه أصدقائه هوه مجان منتبه ب واحد من أصدقائه كله و باوع عليه و جان عباله انو هوه عنده أحدث سياره ميعرف انو ابن خالتي عنده الأحدث و اني اعرف أسوِّق ف علي كلي اتريدين تسوقين باوعت عليه و ابتسمت اله كال هاج السويج و من اطانياه اجه موسى هم و سيارته جانت وره سياره علي باوعت عليه و ابتسمت و هوه هم و باوعت على ابراهيم و رفعت حاجب يعني تريد تسابق فهو كال وجان ياشر  الي يوصل للسيطرة يفوز اني قبلت التحدى فسويته واني فزت و صلت قبله و من اجه سويته حركه باي بس بايدي و ابتسمت و هوه باوع و جانت نظراته عبالك حبني.المهم و صلت مريم و اخوها اجه سلم عليها وكال انو أمه تريدني اني كلبي راد يوكف بس ههه طلعت تريد تطيني أكل أوصله لخاله نور و تشكرتها.
ملاك: علي خلي اني أسوِّق
علي: ماشي، ولَج ملوكه طلعتي شاطره بل سياقه
ملاك: لعد شعبالك
علي: انتبهت عليج شنو سالفتج ويه ابراهيم
ملاك: اني انصدمت و باوعت عليه ليش انته اعرفه
علي: اَي الولد صديقي و شبي شسوه اني اعرفه أبدا مو راحه
ملاك: علي أكلك بس متكول لاي بشر
علي: كولي( كالها بس بعصبيه)
حجيتله كلشي بس كتله تره الولد ميعرف انو اني بنت خالتك لو عرف جان مسوه واني أصلا من كتلك اسمه كلت هوه مو راحه، يعني انته روح أدبه بس تره هوه صديقك واني ماريد تتعارك ويه صديقك علمودي و علمه تره اذا الي ميسولي اَي شي يمكن يروح يلعب ويه بنات الناس
علي: ولا يهمج انتي شوفي اله ما أجيبه بأجر و اخلي يعتذر
ملاك: اَي اَي جيبه حباب و جيب شي حتى اذب على وجه
علي: هههههه
ملاك: اَي هيجي اضحك خلي شويه نغير جو و بلا شي اني كاعد أسوِّق
وصلنه للبيت و جانو مجهزين عشه صحيح جنت شويه شبعانه بس مقاومت الاكل و اكلت ههههه وعلي باوع عليه و يظحك اني هم ابتسمت، اطيت الهدايا للكل. و حجيت ويه حنين و يوسف باتصال. وردت أنام فعلي طب و اجه يحجي ويايه. يريد يسوي مفاجأه لخطيبته عيد ميلادها بعد يومين.
ملاك: علي اول شي لازم تعرف هيه شنو تحب
علي: أصلا اني مقرر بس راح اكلج وانتي كليلي اذا الخطه حلو لو لا
ملاك: علي بدون ما اشوفها اعرفها حلو و ابتسمت
علي: (باوع عليه و ابتسم) فدوه😍😍
هههه شوفني الخطه و سوينه شويه تعديلات و اهل الابنيه يعرفون حتى ماما تعرف. اني عندي فستان فجان شي زين علمود ما افكر شلبس. علي راح و ردت انام بس وصلني مسج من ساره و جانت تكول مشتاقتلي و حجت على حبيبها ورآها بساعتين يله نمت. كعدت الصبح على بجي😭 ابن فاطمه( بنت خالتي) خطيه فطومه جانت تعبانه فرحت اني يم الطفل، بهاي الأثناء من جنت كاعد أنوم الطفل خطرت ابالي اسوي فطور كلش جبير و حلو الهم. نومت الطفل فدوه جان يخبل وبسته و جان علي يكعد
علي: ملوكه شكاعد تسوين
ملاك: يمه
علي: هههههه شبيج
ملاك: خرعتيني ههههه
علي: شسويت حتى اخرعج
ملاك: شفت الطفل عبالك راح يكعد فرءسن لزمت علي من أيده و أخذته للمطبخ و علي جان يباوع متفاجئه كلش
علي: اووف منج ملوكه
ملاك: هههه شكو
علي: ماكو شي
ملاك: اَي زين لعد تعال ساعدني
علي:😊 بشنو
ملاك: اريد اسوي ريوك الهم
طبعا علي مجان يعرف وين نص الشغلات و اني متت ضحك عليه و جنه نلعب ههه و حتى جان يوكلني أخيار و زيتون
ملاك: شوف هذا تدريب الك من تتزوج هيجي تسوي ويه زوجتك و حط اغاني اوووف الأجواء تصير فد شي
علي: مضغوطه ههههه
ملاك: علي😤😡
علي: كذب كذب يمعوده دنشاقه
ملاك: ههههههه 😛
حظرنه الاكل و جان كلش كلش هوايه و الكل كعد وجان متفاجئ  اني و علي بقينه نضحك. الاكل جان يخبل و الكل جان فرحان ويضحك حسّيت بل الأجواء ألعربيه و شكد حلو لو نظل هيجي على طول.

يتبع.........👈