القدر🖤

لقائك اجمل ما حدث في حَٰيـُُـٰٰاتيـُُـٰٰٰہٰٰ ˛⁽🙊💞⇣

قصه الجزء الثامن
الكاتبه منار احمد
لقائك اجمل ما حدث في حياتي

اليوم هو عيد ميلاد خطيبت علي. الكل جان مشغول من الصبح حتى يتحظرون بس اني جنت يم الجهال الصغار اساعد إمهم اتبدل الهم بعدين نامو
فطومه: ملوكه تعالي اسويلج المكياج و شعرج
ملاك: لا ما أريد
ام ملاك: لا ماما حطي شويه
خاله زينب: اَي ملوكه لانو هاي حفله
طبعا فطومه رهيبه بل مكياج  و بل شعر طلعتني كلش كلش حلوه، حتى اني اتفاجئت من شكلي
رند: ماما اني هم اريد
ام ملاك: لا ماما انتي صغيره كل واحد و عمره
رند: ملوكه يله تعالي لبسي الفستان
ملاك: الفستان جان لونه احمر و بي الماس فجان يجنن عليه خاصتا المكياج و الحمره جانت حمره بس هو جان فستان طويل و مصمم على جسمي لبست كعب عالي هم، الكل جان متفاجئ بس اني حسيته جان كلش أوفر، طب علي و حسين( اخو علي الصغير ابن خالتي) جانو متفاجئين
حسين: هاااي شنو الحلاوة و الجمال ملوكه
ملاك: ابتسمت ولَك شوف محبيته طالعه كلش اوفر حتى عبالك عيد ميلادي
حسين: لا ولج طالعه تخبلين اذا اكو ركص عود ركصي ويايه
طبعا حسين بكد رند ف احسه اخويه الصغير و كلش ميانه اني وياه
علي: ملاك لطلعين هيجي عود لبسي عبايه و شال
ملاك؛ اَي حاظر احسن لانو اني أصلا ماكدر هيجي اطلع
علي: لعد راح أفوت السياره و عود صعدي من الطرمه
ملاك: اَي اَي حباب
حسّيت علي كلش فرح لانو هيجي رديت، بنت عمه اجتي يمهم حتى فطومه اسويلها المكياج وجانت لابسه فستان قصير و علي كال الها ميصير هيجي تطلعين بس هيه مقبلت تلبس عبايه 
علي: يله لعد روحي لبسي لمن مااجيب السياره
ملاك: تمام
الكل سمعتهم صعدو بل سياره و اني جنت اخر وحده تطلع و خاله زينب جانت تنتظرني حتى تقفل الباب، الصدمة هنا الكل صاعدين بل كوستر بس اني و علي راح نروح لوحدنا 😳 هههه اعرف الاموجي يخرع بس هيجي جان شكلي صعدت بل سياره و علي كلي اطلع اغاني و الأجواء صارت حلوه بعدين اذكرت انو هو محاجيلي شلون تعرفو فكتلة و هوه بدّه يحجي لحد ما وصلنه العرفته انو بل كوه يله اهل الابنيه و افقو صارلهم ٤ سنين يحبون بعض و همه رأيديها تخلص للجامعه المهم وصلنه و نزلت و نزعت العباه و الشال و كل الأنظار صارت عليه و على رند بس جنت متفاجئ شلون نصهم لابسين قصير و صلوخ. اني جنت فاتحه شعري و جان طويل. خطيبت علي بعدها مجايه فرحت للحمام حتى اعدل نفسي و من طلعت شفت ابراهيم 😳
ملاك: عزاااااااا هذا شيسوي هنا
ابراهيم : هلو بس كالها بطريقه محترمه مو نفس قبل
ملاك: هلا بيك
و رحت جنت متفاجئه شجابه هذا بس بعدين عرفت انو هوه و اكع بالحب  و الابنيه ألي يحبها جانت بل حفله و لانو علي يعرف فعزمه.
ابراهيم: ملاك تكتدرين تساعديني
ملاك: اَي تفضل بشنو
ابراهيم: اريد احجي ويه اسيل بس مداعرف شلون
طبعا هنا أني صرت بحيره جنت خايفه لاأحد يشوفهم و تصير مشكله بس كلت خطيه خلي اساعد
ملاك: شوف ابراهيم اني راح أساعدك بس ما اريد اَي مشكله تصير ماشي ما اريد أتسبب اَي مصيبه
ابراهيم: ماشي ماشي يله حبابه ساعديني
همزين من جنت احجي وياه الكل جان ملتهي وإلا جان اني الي  صرت بمشكلة
ملاك: اسيل تكدرين تجين تساعديني
اسيل: اي طبعا بشنو
طبعا كلش حبابه و اخلاق و تخبل بعد
الخطه جانت انو اني على أساس ناسيه شي و اخلي اسيل تنتظر بل مطبخ و يجي ابراهيم يحجي وياها و بعدين من يروح اني اطب و اسوي نفسي كلش مشفت ولا اعرف الي صار
و همزين همزين كلشي مصار و لا أحد شك بشي الخطه نجحت و حجه وياها
ملاك: اسفه اسيل خليتج تنتظرين
اسيل: لا عادي كالتها و هيه فرحانه كلش
ماعرف أذا اسئلها لو لا جنت خايفه بس باوعت عليها و ابتسمت
اسيل: اوف اوف اوف ملاك بعد ما اكدر أصبر راح اكلج بس حبابه لتكولين لاي شخص ماشي
ملاك: ماشي حياتي كولي
اسيل: ابراهيم اعترفلي هسه
ملاك: ياااااا صدك الف الف مبروك و بستها
هااا يعني انتي هم تحبي
اسيل: لج شنو احبه اموت عليه صار سنه اخيرا حس ابحبي اله
ملاك: حياتي انتي
طبعا مجنت اعرف انو ابراهيم جان كاعد يسمع حجينه لحد ما انتبهت عليه و باوعت عليه و خنزرت ههههه هوه رسن راح. اني و البنات أخذنه كومة صور و حظرنه النواقص لحد ما اجت خطيبت علي( آمنيه) و سولها المفاجأة طبعا مجنت اعرف بس فطومه كالت انو هوايه ناس طلبو أَيْدِي لو حجو ويه ماما، رند جانو اكو ثنين بنات نفس عمرها جانت وياهم و حمودي جان يلعب و يه الولد. كلش كلش اتونسنه و اطيناها الهدايه علي راح يوصلها فاني رجعت وياهم جنت كلش تعبانه بس سوالفهم تنحب رحت كعدت يمهم و سوالف و ضحك ورآهآ بساعه اهل ماما اجوي و صارت ألمه تجنن و متنه ضحك على التصنيف، اني كعدت ويه بنت خالي و بنت خالتي و رند و بقينه نسولف و نحجي. بعدين بدينه نسوي عشه و نسولف اخذنه صور كومه، خاله هدى توسلت بيهم يبقون و بقو و باتو بابا هم اجه و صارت ألمه بعد احلا و احلا منه ساعه ٨ الصبح اتريكنة و نمنه. بابا جان معزوم عند أصدقائه يومين و رآها يروح يزور يومين و يرجع ياخذنه و نروح بيت جدي. كعدنه متكسرين بس لمتنه حتى مخلتنه نحس صار العصر اجوي بيت اهل أمنيه و اخوها بس يباوع عليه اني خجلت و طبيت جوه و أخذت البنات و ره شويه اجه هو و علي بس كل شويه يباوع عليه، علي جان كاعد يطي شي مال كليه أوراق و ملازم؟ اني رحت للمطبخ صبيت جاي و اجه علي وكال ايريد واحد اله و عمر ( أخو أمنيه) اني كلت ماشي و رحت سويت هههههه بس طول مأني كاعد أصب احجي عليه، المهم صبيت جاي و وديته اوووف لك شلون هيجي يكدر اني خدودتي صارن حمر من هل كد ما خجلت من نظراته، من اطيته الجاي عيني صارت بعينه و هو كال شكرا بتسم😁 اني باوعت و خدودي كلها حمره من الخجل كتلة العفو بعدين طلعت حلويات للبنات و مشروبات بقينه نحجي و اني تلفوني جنت ناسيته فوك فجان يوسف و حنين يخابرون لانو البارحة و اليوم محاجيه وياهم. وره ساعتين من السوالف الحلوه و ألمه كالو خلي كلنه نشتمع بعد يومين، رادو يروحون للزوراء و احنه أصلا بعد ٤ ايّام و نروح بيت جدي اهل ماما المهم الكل راح وره ساعه و بدينه ننظف و نعزل الصالون و نص يغسل الاماعين و اخير شي خطيه ساعدت فطومه رحت نومت الطفل و هيه راحت ترتاح شويه طب علي و كال اذا اريد اروح للكليه وياه ويه أمنيه اني جنت كلش فرحانه لانو دائما ردت اشوف الأجواء مال كليه
ملاك: علي اني ماعرف اذا اهلي راح يقبلون
علي: انته هسه بس كوليلي تريدين تجين لو لا
ملاك: اَي و كلش كلش حابه اشوف الاجواء و شلون الحياه بل كليه
علي: خلص لعد حظري نفسج باجر ب  12 بنطلع
ملاك: دقيقه دقيقه بس مسائله اهلي بعدني
علي: اني راح احجي وياهم،
من خلصت حجي ويه ملاك رحت حجيت ويه ابوها اول شي و كتله انو أمنيه رادت تكلك بس استحت و تريد ملاك بأجر تجي للكليه وياها حتى اشوفها يعني بعد إذنك اكيد اذا تقبل و ابوها كال اَي و اتشكرته و ورآها رحت على ام ملوكه و كلت الها نفس الحجي الي كلت الابوها و كلت هم حجي ابو ملاك و بلكوه يله اقتنعت ورآها رحت لملاك و شفتها بعدها ليهسه كاعد تخلي ابن فطوم بمكانه اخيرا نومته بس شكد بعدها نفس قبل تنوم بل جهال و تعشق الجهال ولا تغيرت، طبعا من جانت صغيره نومت الجهال دائما عليه و من اني اروح اتصير علينه اثنينه هههههههه شلون ايّام حلوه و شكد جنه نلعب.انتبهت كاعد تباوع عليه و نظراته تكول هااا شكالو!!
ملاك: هاااا بشر علي شكالو
علي: الاخبار مو زينه يا ملوكه
ملاك: و جهي زعلان يله عادي غير مرة
علي: اَي يمكن
ملاك: يبببب
علي: يمكن اقرب يوم بأجر
ملاك: صدك صدك
علي: اَي
ملاك: حظنته لا إراديا يسسسس يسسس اخيرا راح اشوف الأجواء مال كليه و منتبهت على نفسي الا من كلت شراح البس بأجر ههههه و بعدين حسّيت على نفسي واعتذرت
علي: هسه روحي نامي و بعدين فكري بل ملابس بأجر ب١٢ انته جاهزه
ملاك: أو...... رءسن راح اني هم رحت صعدت بلغرفه فتحت تلفوني و شوفت كومه رسايل جايه من حنين، رءسن، يوسف، ساره، بنت خالي دازتلي الصور، صديقاتي، و حتى حسين 😳😳👉 هذا جان شكلي هههههه اول شي خابرت حنين و من جنت احجي وياها جاوبت على المسجات و رآها صاحت يوسف اووف شكد مشتاقتله و مشتاقه الصوته فتحنه فديو و جانت حنين يمه خاف اَي واحد يطب. كلت الهم ليش مرديت عليهم و حجينه وسولفنه و بعدين همه هم حجو ورآها حجيت ويه يوسف لساعه كامله ولا حسّيت بل وقت انتبهت الساعه صارت ب١ اعتذرت و كتله ليش لازم اروح و كالو همه بعد سبوع و يرجعون و همن كال انو راح يخابر بأجر هم.
ملاحظه: اني ويوسف مو حبيبين( بعده ممعترف!!!)

يتبع......👈