القدر🖤

لقائك اجمل ما حدث في حَٰيـُُـٰٰاتيـُُـٰٰٰہٰٰ ˛⁽🙊💞⇣

قصه الجزء السابع
لقائك اجمل ما حدث في حياتي
الكاتبه منار احمد

اليوم بدايته كلها ركض بركض علي كلي ب ١٢ اني جاهزه و هسه ساعه ١٠ و بعدني كلش ممسويه. أول شي سويته اكلت ريوك سريع بعدين صعدت لكيت فطومه كاعده.
ملاك: فطومه نقذيني حبابه
فطومه: شكو خير ولج
ملاك: فطومه بعد ساعه لازم اني مخلصه كلش شي حبابه سويلي مكياج و شعري
فطومه: تعرفين انتي حاليا محظوظ( جيهان ابنه) نايم
ملاك: هههههه يله حبابه
فطومه: أول شي بدلي حته أحط المكياج و ارهمه على الملابس
ملاك: هيه هاي المصيبه ماعرف شراح البس
رند: خير شكو
ملاك: حجيت الهم القصه و اني وين رايحه
رند: اَي لبسي لعد تنوره
فطومه: لا لبسي هذا الفستان حلو
ملاك: لا راح البس هاي تنوره و هاي البلوز كلش حلوات و نازكات و همن راهمات للجو الدراسي
رنوده: اَي اني اكول لبسي هاي الأكلاده هم
فطومه: اَي وياها ساعه و حذاء كعب عالي
ملاك: بدلت و خلصت و بدن رنوده و فطوم يسولي شعري و المكياج خلصنه وره ساعه بس طلعت فد شي كلش جنت حلو و مو اوفر جان اهم شي مكياج عادي و شعري هم عادي شلته بس حطيته ليفوك و طلعت كذله و لبست تراجي هم
رنوده: يله تعالو ناخذ صور,ههههههه اني من واحد يكولي صور اخذ فديوات و صور كومه ف شكد اخذنه كومه كومه و كلهن دزيتهن لملاك لانو إرادتهن
ملاك: شنو تتوقعون راح اشوف بل كليه؟؟؟🧐🤔
علي: صباح الخير
ملاك: صباح الخير و السرور على عراق المنصور هههههه
علي: من الصبح اتذكريني بل مدرسه
ملاك: هههههههه اَي
علي: يله جاهزه
ملاك: صارلي كومه من مخلصه
علي: صارلج شكد منتظره
ملاك: دقيقتين ههههههه
علي: هاااا يعني هاي صارلج كومه ههههه
ملاك: هههههه اَي لعد شعبالك
علي: صعدي صعدي
ملاك: اكول علي شلون راح تجي أمنيه
علي: عمر راح يجيبها
ملاك: كلبي كام يدك اووووف هم هذا
علي: ملوكه تره يمكن نظل لساعه ٤ العصر
ملاك: اَي عادي ماكو مشكله
علي: اَي واني اليوم عندي محاظرتين يعني وحده راح تظلين ويه اسيل و الثانيه وحدج
ملاك:😰 وحدي كلتها بكلبي. اَي عادي ماكو مشكله😨😅 كلت لعلي
وره مده ١٥ دقيقه وصلنه جان اكو هوايه طلاب وكل كم شخص مسوين كروب اذا بنات او ولد و نصهم جانو مكبلين.عمر و أمنيه جانو موجودين هناك و منو تتوقعون شفت ابراهيم و أسيل هم هناك رحت سلمت عليهم كلهم و اول بدايه عمر جان يباوع عليه و وره شويه انتبهت جان كاعد يباوع على بنيه و هيه هم كاعد تباوع عليه و مبتسمه اول شي اني كلت عادي خاف اصدقاء و مهتميت بس شفت انو اكو شي اكثر من الصداقه النظرات مالتهم تحجي عن شي ثاني و هوه😊 "الحب ❤️"
علي: ملوكه اني راح اروح للمحاظره و اسيل و أمنيه راح يبقون يمج و قبل ميروح اشتره عصير النه و عمر اشتره فطائر و ابراهيم اشتره كيك ألنه و راحو لانو المحاظره ساعه فكالو سولفو و شوفو الكليه( الجامعه) لمن نخلص، و احنه هيجي سوينه بقينه نسولف و أسيل حجت على اخر التطورات بينها و بين ابراهيم، نفس الشي ويه أمنيه ، و اسيل كالت اكو خبر زين عن قريب، صحيح تره اسيل تصير بنت عمتها الامنيه، و ابراهيم يصير صديق علي المقرب،
عرفت انو اليوم الي أول مره حجه ابراهيم ويايه و من علي عرف رايح حاجي وياه و مرزله فإبراهيم كايله انو هو يحب أسيل لانو قبل جان ميريد يعترف ولا يصدك، فاني السبب بمعرفت ابراهيم بحبه اسيل 😂😂😂😂 مو بيدي اني فاعله خير ههههه. بس هاي المعلومات سمعته من اسيل بس مجانت تعرف انو اني هيه الابنيه، هوه حاجيلها القصه بس مكايل منو الابنيه، أصلا اسيل حتى ممفكره من هيه.
اسيل: ملاك شوفي هذا الشخص مرفع عينه منج
ملاك: منو
اسيل: اذاك
ملاك: يعني شسويله
اسيل: ملاك انتي كلش بارده غير ابنيه اذا ما مرتبطة و حلو مثلج جان راحت رءسن كبلت وياه
ملاك: اَي غير بنيه مو اني
أمنيه: تعالي تعالي ملاك احنه صارلنة ساعه كاعد نحجي شو انتي كلش متكولين
طبعا اني طبعي ماحب احجي لاي بشر عن اَي شي يخصني هذا طبعي و ماكدر أغيره
ملاك: اوكي شتريدين تعرفين
اسيل: عندج حبيب
امنيه: اَي عندج حبيب
ملاك: ردت اكول اَي بس اذكرت يوسف بعده مكايل شي فرديت لا ماعندي و حاليا ممفكره بهذا الشي
أصلا اني مقرره ما أرطبت و احب اَي شخص منا
اسيل: اوكي
أمنية : اوكي
ملاك: اكللكم احنه جاين هنا علمود نأكل غير تشوفوني الكليه
امنيه: يله امشي
ملاك: لاحظت هذا الشخص كاعد يلحكنه بس سويت نفسي مشايفته، و غفله و احد طخ أيدي و كال عفوا، اني جنت شويه عصبيه ف رءسن كتله هااا شتريد ليش صارلك ساعه كاعد تلحك بينه، و هنا المصيبه طلع الجزدان مالتي و اكع و هو خطيه جايبه الي بس جان يستحيي يطينياه، هو مكال اَي شي بس اطاني إياه وراح، باوعت على اسيل و امنيه جانو ميتين من الظحك، اوووف مني شبيه اليوم ليش هيجي صار ، حسّيت بتائنيب الضمير و جان لازم اروح اعتذر منه شفته هو و أصدقائه جانو واكفين، اوووف هسه شلون راح اروح احجي وياه، شلون هسه، بعدين فكرت كلت لازم هسه اروح و اعتذر، فرحت و طخيت أبيدي على اجتافه هو جان مطيني ظهره لانو اجيت اني من وره فجانت هاي ألطريقه الوحيدة، من الخجل الي بيه خدودي صايرات حمرات و جانت شمس على عيوني ف امبينات كلش بنيات، هو إندار و كتله ممكن احجي وياك؟؟
عثمان: تفضلي
ملاك: اسفه على الي صار قبل شويه
عثمان: مصار اشي اختي
ملاك: لا صار واعرف جان كلش اوفر بس عندي توضيح سبب انفعالي
عثمان: ممحتاجه تكولين و اني هم تصرفاتي جانت تطي مثل لغير شي
ملاك: باوعت عليه بس من الخجل كلشي مكلت، شكرًا لانو رجعتلي الجزدان
عثمان: ولو تدللين
ملاك: شفت ابنيه مرت وهو رءسن باوع عليه و هيه هم لاحظت أصدقائه كاعد يباوعون عليه، و عبالك كاعد يكولون اجتي بس بطريقه عيونهم، اني افهم بهيجي شغلات، فكرت و كلت ألطريقه الوحيدة الي اكدر اساعد هذا الشخص و اعبرله عن امتناني هو اخلي هو و هاي الابنيه يحجون، بس ردت خطه كلش حلو، فكرت فكرت وكلت خلي اكتب ورقه واطيها الابنيه و لعثمان و اخليهم يلتقون و يحجون، فعلا سويتها بس جنت خايفه اذا مراح تنجح الخطه او يصير اَي شي معاكس، المفاجئة جانت صارت احسن من ما جنت متوقعه و عرفت انو اذوله الاثنين جانو محتاجين يحجون، بس المشكله هنا عثمان عرف أنو اني هيه الابنيه و هدى هم عرفت بعدين هدى تشكرت مني و أخذت السوشل مالتي علمود نحجي. اسيل و امنيه جانو جوه بل كليه اني خابرتهم و كالو همه بل كفتيريا، ورآها بدقايق من وصلت دك الجرس و كالت لازم يروحون.
اسيل: يله ملوكه اني رايحه باستني من خدي
ملاك: باي حبيبتي
امنيه: بآيات هيه هم باستني
ملاك: شنو عدكم امتحان
اسيل و امنيه: اَي مآل رياضيات
ملاك: يبووووو حظ موفق الكم
اسيل: مرسي
امنيه: شكرًا
ملاك: ولو أدللو
علي: هاااا ملوكه شراح تسوين
ملاك: ولا شي يمكن شويه افتر و بعدين ارجع انتظر هنا
علي: اَي عود من يدك الجرس ابقي هنا و لتروحين لاي مكان
ملاك: اَي حاضر
جنت كاعده وحدي و بعدين انتبهت الابنيه الي عمر جان كاعد يباوع عليه هم كاعده وحدها فكرت اروح اكعد يمها و احجي وياها، بس كل ساع اكول اروح لو لا ماروح اخير شي رحت
ملاك: هلو اكدر اكعد هنا
دانيه: اَي اكيد تفضلي
ملاك: شكرًا
دانيه: اَي
ملاك: بل حقيقه اني طالبه مو منا و اليوم بس جاي اشوف الكليه بس جنت واحده و انتي هم شفتج وحدج فكلت خلي اكعد يمج، طبعا اذا ممضايقتج
دانيه: لا حبيبيتي، أصلا اني هم جنت كاعده و حدي
ملاك: شنو ماعندج محاظره
دانيه: لا ماعندي
ملاك: حجينه و عرفتني عليه وره ربع ساعه شفت عمر جان جاي للكفتيريا، طبعا اني شفت عينه بكل مكان و شلون يعرف انو هيه موجوده هنا، فكرت هاي فكره حلو لو اخليهم يحجون، صحت عليه عمر تعال، هو جان مصدوم
ملاك: تعال اكعد يمنه، باوعت على الابنيه خدوده صارن حمر ، باوعت عليه و غمزت، ولج انتي انفضحتي اعرف بيج تحبي خدودج صارن طماطه ههههه
دانيه: لج حبابه ماكدر أضل وياه غير راح يعرف
ملاك: يعرف يعرف لتخافين
دانيه: شلون يعرف عزاااااا
ملاك: من النظرات مالتج هههههه
عمر: هلوووو
ملاك؛ هلا، طخيت رجلي برجل دانيه يعني كولي هلوو
دانيه: مرحبا
عمر: ملاك شكاعد تسوين هنا
ملاك: اولا، اعرف بصديقتي دانيه
ثانيا، الكل عنده صف واني جنت وحدي و شفت دانيه وحدها فكلت خلي اجي احجي وياها
عمر: هاااااا اوكي
ملاك: اَي شنو انته ماعندك محاظره
عمر: لا
ملاك: صحيح دانيه هذا عمر يصير اخو خطيبت ابن خالتي
دانيه: هااا يعني آنته اخو امنيه
عمر: اَي منين تعرفيها
دانيه: جنت صديقات بلسادس و هسه هم بس لانو ماعدنه صفوف سويه بس دائما من اشوفها اسلم عليه
عمر: حلوووووو، يبات اني راح اجي عصير تريدون
ملاك: لا شكرًا
دانيه: اني هم مااريد
عمر: لعد إبقو هنا راح أروح أجيبه بسرعه واجي
ملاك: باوعت عليه جان فرحان و باوعت على دانيه هم جانت منزله رأسها و مبتسمه فجئه
دانيه: ولج تعالي تعالي شلون تعرفين
ملاك: يمه صمله هاي شنو نكلبتي شبح
دانيه: ههههههه لا صدك ولج
ملاك: من اجيت الصبح شفتكم واحد جان يباوع على الثاني
دانيه: اني حتى صديقاتي ميعرفون
ملاك: هههههه اَي لعد اني اول وحده
دانيه: اَي هههههه بس شوفي شكد كيوت
ملاك: كيوت الج حبيبتي
دانيه: اووووف منه لو تعرفين شكد احبه
ملاك: شايفه شايفه، اكلج فتحي وياه مواضيع ماشي عرفي شغلات عليه
دانيه: لا استحي ماكدر
ملاك: تكدرين تكدرين
عمر: شنو تكدر
ملاك: ولا شي
عمر: هاكم جبتلكم عصير
ملاك: شكرًا
دانيه: تسلم
عمر: عفوا
ملاك: اكول اني هسه شويه واجي إبقو هنا لتروحون لاي مكان ماشي و غمزت لدانيه
دانيه: عرفت قصدها باوعت عليه و ابتسمت
ملاك: اول شي رحت للحمام عدلت المكياج، بعدين بقيت اتمشه بل كليه و جانت شويه فارغه اخذت صور و حجيت ويه صديقتي زهراء باميركا هيه كلش كلش قريبه عليه محسيت بالوقت أبدا من جنت احجي وياها بعدين انتبهت انو بقه خمسه دقايق و يدك الجرس ف رحت و اول موصلت دك الجرس شفت دانيه و عمر كاعد يضحكون و من صدك عرفت انو عمر صدك صدك يحبها من نظراته و هيه هم بس خلي نكول نظراته جانت اكثر. رجعت للبيت جنت كلش كلش تعبانه كعدت ساعه و بعدين نمت و كعدت على اتصال يوسف. كتله كل شي صار و هو هم وراها رحت اكلت و بعدين رجعت نمت

يتبع.......👈