الشيخ و بنت بغداد

تكمله

هبه
من سمعت اصياح طلعت شفت عباس جاي يضرب با امير اشو يكله شلون تباوع على عرضك(عززاه اخاف جان يباوع عليه)جنت اباوع عليهم انتبه عليه عباس وعاط بيه وكلي دخلي جوه اني بصراحه خفت
دخلت الكيت البنات ملتمات

تبارك:هاي شكو

هبه:عباس ضرب امير

نور:يااا هاذه امير ابو المشاكل هذيج المره هم سواله هوسه وراح

زينب:عوفنه منهم وتعالن خلي نحضر السفره
راحن البنات وشويه وشفت عباس داخل رزلني وكلي بعد لا تلبسين هيج وما انزع الحجاب صدك نزعجت بس حسيت بهتمامه

احمد:يله امشينه خلي نتعشه صبو السفره
دخلو الولد وبقيت اني جانت عندي شغله با الديوان خلصتهه ورحت وراهم جاي ادخل البيت وشفت نور وثنين بنات وياهن ام السان(قصده تبارك) جانن دايرات وجهن وما شافني سمعت ام السان تحجي عليه

تبارك:شدعوه هل كد شايل خشمه اجو الولد كلهم ياكلون وهوه لا اخاف يخاف خالتله سم وما ياكل منه
نور:لا شيخ ما يفكر هيج بس اخاف جان مشغول

تبارك:بشنو مشغول اراهنج بعد ما يجي

احمد:من سمعتهه ضحكت على حجيهه هاي البنيه شايفه مسلسلات هواي ومثرات عليهه فا اشرت النور تروح وتاخذ البنات وياهه

تبارك:افففف جاي على بالي اضربه كف و رازله و و

احمد:وبعد شنو
دارت وجهه باوعت عليه بصدمه بعدين بتسمت وشردت
احمد:ههههه
دخلت الكيت الولد منتضريني
احمد:يله سمو
الولد:بسم الله الرحمان الرحيم

جانو الولد متلذذين با الكل وصراحه جان الكل طيب جان محمد حجه

محمد:هااا عباس شلون اكل بنت بغداد

عباس:والله ما توقعت

عمر:اي والله كلش طيب

فهد:محمد اسفين نشاء الله باجر اوديك الصيد

محمد:لا باجر اني اروح البستان اريد اشوفه

احمد:واني جاي اودي راتب الفلاحين ماطول انته رايح ادزهن بيدك الهم اذا ما عندك مانع

محمد:لا عادي نشاء الله باجر الصبح اروح

البنات

تبارك:من شفته نصدمت بعدين بتسمت على غبائي وشردت وسمعته يضحك دخلت الكيت البنات ميتات ضحك

زينب:ههههه يمه راح اموت ههههه

تبارك:كافي خاينات شلون تعوفني ويه وتشردن

اسراء:تستاهلين ههههه منو كلج احجي علي

نور:بس الو شفتن شلون جان الشيخ عصبي كلت راح يذبحهه

تبارك:يااااا شنو يذبحني

هبه:ههههه ديله امشي يا ام المشاكل