اه يا ربي كين غاندير معاهم انا باقي مدصرتش عليهم و باش كملوها جي باش تحضري للعرس ومنها تعرف على العائلة
سبعيام كلها لعرس يخليوني تا لنهار لخر ونجي جيت بزز مني جايبني السي احمد حاضيني خايفني نهرب ليه دازت ربعيام عرفت فيها عائلة سعد واحد ختو اللي متسرطتش ليها باغتني نبوس ليها يديها هههه معرفاش راسها معامن مدت ليا يديها بقيت كنشوف فيها قتليها:ااه بغيتيني نشوف الخاتم ديال الزواج نسحابك بايرة
خليتهم كضحك عليها ومريم كتنغزني باش نسكت درت ليها تا هيا:علاش كتقرسيني بغيتي شي حاجة
نهار الحنة حنا مشينا لعائلة العروسة وهما كنقصد الدراري ديال العائلة وصحاب امين خويا الكبير بشاو يحتافلوا فشي بار خليهم يجمعوا شويت الذنوب ما رجعوا تال الثلاتة صناو عليا حليت ليهم الباب كلشي شارب كان معاهم حتى جود كنت كنصحابوا مغيجيش اودي مزيان مني فيقتوني كنت ناويا نفرشهم انا نمشي نحضر ا هما ينشطوا مع راسهم مني بدا العرس و انا برا مكنبغيش كثرة الناس والصداع شوية ورجعت الدار لغد ليه قالك يمشيو العروبية اودي عطيوني التساع سيري فيما بغيتوا
هاد السمانة لخرة كنت كنحاول نشوف جود قد ما قدرت و نحافظ على ملامحو فذاكرتي معرفتش امتى غنشوفوا النهار اللخر بابا طلب ايد بنت السي احمد لكريم صدموني كنت نصحابها دريويشة ساعة بجوجهم طايحين على زنافرهم مني قراو الفاتحة وانا كنشوف درسة العقل ديالهم بجوجهم اودي الله يدومها محبة شوية تم داخل الياس هو و العدول وليديهم ما فهموا والوا كبالك غا جدي محمود اللي كدوي كانوا خايفين من خالي يرفض وجدي ناض كاتبهم قبل ما يبدل رايو ايوا اجدي اشهاد الفرزيات كن غير جوجتيني تانا بولد ولدك
فقنا لغد ليه لقينا لعرسان غبروا باش يدوزا شهر العسل تما اللي صادقا ليكم
تقريبا وليت كنجي غير في المناسبات تا واحد النهار عيطو ليا باش نحضر عرس جود تصدمت بقيت كنبكي اه بكيت بحرقة انا اللي كنحس بيه من ناحيتو هو العشق الهيام و يا ريتني ماشفتوا السي احمد فرحااان غيجوج ولدوا لكبير وانا عندي كنازة فقلبي الشخص الوحيد اللي بغيت غادي يتزوج و انا جايا نحضر عرسوا
اليوم الخطبة داروها فاوطيل كتشوفي غير مظاهر البدخ العروسة المعري كثر من المغطي صدمتهم هههه شدتني الضحكة شافوها وقلبوا وجوهم عمي احمد دار فمرتو هذي هيا الانسة المصون اللي مصدعاني بيها نودوا تقعدوا نرجعوا منين جينا مشرفنيش هذي تكون عروسة ولدي و اللهيلة اعمي تا انا رايي من رايك جاب الله متقزبتش تا انا كيبان ليا جود كضحاك تخبية شافني كنشوف فيه وجمعها
ايه اسيدي راه متافق مع البنت باش هاد الخطبة تفسخ ما ضرني غير البكى اللي بكيت عليك لغد ليه كنا كنتعشاو كلشي كاين الكبير و ااصغير اوا نوض يا خالي حبيبي او قول ليهم :انا اللي غادي نخطب جود تا حد ما غادي يدخل و انا اصلا حاط عيني عليها من شحال هادي غير ماجابتهاش الظروف ناري قلبي غادي يسكت اودي ا خالي راعي ليا
سعد انا كنطلب ايد بنتك على سنة الله و رسوله لولدي جود انا بكثرة الصدمة درت كنقلب على بنت سعد شكون نغزني ريان حدايا :راه كدوي عليك نتي اواه متيقتش دار عندي خالي شقلتي ابنتي بقيت كنشوف فيه وساكتة نقزت جدة:السكوت علامة الرضى اولدي (اري ليا راسك نبوسوا اجدة)
السي احمد:الياس
ناض الياس تم داخل هو العدولات معقلتش تا لقيت راسي كنسني فالعقد تا هوا سنا بلا مايقول كلمة الزهر مني كيجي كجي مرة وحدة
ناضو كباركو لينا انا مكنشوفش فيه حتى هو حنا اصلا مكنهضروش مع بعضياتنا الا هو قال السلام انا غير كنحرك راسي واقيلا كسحابني شي متكبرة على الاغلب مني كنشوفوا كنكون راجعا انا وخوع مع نصاصات الليل من الزنقة كبقا غير يشوف
طلعت لبيتي بقيت غير كنضحك مامتيقاش بلا تزوجتو كنتمنى يدوم هاد الزواج
فالصباح كان جود رجع منين جا هو طبيب جراح حتى هو ففرانسا حنى ففالونس ا هو باريس
بشا ما قالها لحد هاد الفعل ديالوا كذل على رفضوا خالي ما عجبوش الحال اوا انا و خالي و مرتوا رجعنا صدمني خالي قالك انا دابا مزوجة وخاصني نبقى معاهم رفضت بحكم حتى انا خاصني نتقبل هادشي معا راسي
داز واحد الشهر رجعت للدار دخلت لبيتي وانا نتصدم بجود ناعس ففراشي الله الله شهاد المفاجئة الزوينة دوشت ولبست والعشاء وصل عاد فيقتو
بلقيس:نوض تعشى(لحتها ليه و خرجت من البيت)جلس كياكل
بلقيس:كدخلتي و علاش جيتي
جود :دخلت من الباب و جيت حيت خلك ولا يهددني ها السخط ها الرضى
باينة كاينة شي حاجة ورى هاد المجية
عيط ليه السي احمد و اكد عليه بلي خاصوا يحضر معايا للحفلة السنوية ديال الشركة
بلاتي شتو نايض و مخلي ليا الماعن
بلقيس:جمع الطبلة رجع ليها بلا ما يجوب
السيد ناعس ليا فبيتي وواخد راحتو حتى انا مديتهاش فيه تكيت حداه ونعست معقلتش عليه وصل وقت الحفلة لبسنا وبشينا خالي عرفوا علىاساس راجلي كلشي كبان ليا مستغرب كفاش وحدة باردة بحالي مزوجة كدرت ليها الحفلة كلها وانا مدرقة ايدي ليسرة بكم الكسوة السي سيد ما ركب ليا تا خاتم واحد اللحظة نطق
جود :علاش وافقتي على هاد الزواج
بلقيس:بحالي بحالك بقا كيشوف فيا
جود :مزوجةبواحد ما كحس بتاشي حاجة اتيجاهك
بلقيس:تا انا مكنحس بوالو اتجاهك
جود :وجدي باش تنتاقلي ل باريس ميمكنش نبقاو كل واحد فجيهة
بلفيس :وجد راسك نتا باش تنتاقل لهنا انا مناوياش نبدل خدمتي انا هنا شريكة
بقا كيشوف فيا تا انا بقيت كنشوف فيه تا حشم هو ونزل عينو
كسحابليه غادي نطاوعوا ونتنازل على حياتي هنا انا غادي نوريك بلفيس شكون هيا ما تسميش بهاد الاسم هبثا سماني سعد بيه باش نكون بحال بلقيس مكة سبأ فقوتها
نتا بحالك بحال اي راجل وانا غنخليك نتا نجي عندي بارادتكمغديش نتعذب معاك نهائيا كيد النسا غادي يطبق عليك
مني بغينا نخرجوا وقف عليا ليون هذا واحد من المدراء عندنا سلم عليا بوسة فكل حنك هادا سلامهم الصراحة مكعجبنيش وانا اصلا مموالفاش نسلم عليه معرت منين جاتو هاد الزعامة ما علينا جات فصاليحي كبان ليا جود كشوف فينا تا انا زدت فيه وضحكت معاه بزز حتى خرجت ليا هاد الضحكة
كبان ليا سي السيد جاي عندي حط ايدو على خصري وفمو على وني وقالي :شيغي يا الله نمشيو تا انا ماشي من العاجزين درت عندوا فمي على فمو :يلا نمشيوبشينا وخلينا هداك واقف
جود :اشداك السلام
بلقيس:عادي
جود:عادي عندهم ماشي عندنا حنا متنسايش راسك راك مرت الراجل
بلقيس:الراجل اللي سنا العقد وغبر
جود :كان عندي جراحة عاجلة نتي دابا مزوجة عرفي معمن تعاملي و كفاش اه و داك الخروج و الدخول مع الياس فنصاصة الليل مايبقاش نتي دابا ماشي ديال راسك
اودي غابشوية عليك يلاه بدينا
دخلنا للدار نيشان دخل لبيتي شتو استعمرني
بلقيس:امتى غادي ترجع
جود:علاش
بلقيس:انا مولفة نعس راسي
جود :دابا تولفيني حداك اجي علاش مابغيتيش تبقاي مع الدار
بلقيس: بغيت نكون مرتاحة
