هنا احنا البنات عرفنا انو رقية واسماء هم متكاونين هما
صح يتكاونون بس ما تصل لهاي الدرجة شو ناس تصيح لازم السالفة جبيرة
_ الين تتوقعين شصاير ليش هيج المدرس كال لا تتطلعون
_ ما ادري اتوقع اهل رقية واسماء تكاونو ، هم احنا شعلينا
خلي خارج المدرسة يتكاونون
_ ايي والله هسه لو يفصلوهم نهائي ونخلص كل يوم سالفة
_ ما اتوقع يبطلون صارت سالفة عناد .
شوية وصارت صوت طلقات اووو قلبت الدنيا بهذاك اليوم
اجه علي فات على الصف وطلب من المدرس انو يأخذني
_ يلا الين كومي اوديج على البيت
_ بس اني اخاف اطلع شوف طلقات
_ دمشي هسه خوما تبقين هنا
طلع علي من الصف واني ورا وبقينا نمشي شو من وصلنا باب
المدرسة صار صلي طلقات ينضرب اني متت كلشي الى طلقات
_ علي خلي نرجع حباب اخاف اني
_ شترجعين امشي وبلا حجي زايد
مشينا من ورا المدرسة ومن الأفرع الى وصلنا بيت علي
_ فوتي على بيتنا هسه وبعدين خلي احد يجي عليج
_ لا اني راح اروح على بيتنا
_ فوتي مالي وهسج يلاا
_ هذا شبي المخبل اني الي مالي وهس ألوو ، بربي اليوم كتلي حلال
عند امي هسه تجي امي هدادة على بيت عمي امي طبعها جان ابد
ما تخلينا نختلط ويه اقارب ابوية وعمامي بس بل أعياد أو حفلات
نتشاوف مع انو بيت عمي ابو علي قريب منا بس ابد ما تخلينا
نروح عليهم ، مرت عمي جانت بل مطبخ فتت عليها
_ مرحبا عمه شلونج
_ هلا زينة انتي شلونج
_ الحمدلله ، كعدت بل مطبخ بس شو هاي ما عاجبها تعوج نفسها
ويايه شنو عدهم عادة البيت كلهم نفسية ولا حجت ويايه اصلاً ضليت
كاعدة تقريباً صارت الساعة ١٢ اريد ارجع للبيت معرف شلون اكوللهم
خلي يخابرون اهلي شوية واجت بنتهم اسمها ياسمين
هيا حبابة مو مثلهم كعدت يمي وضلت تحجي ويايه
_ اكلج ياسمين بس خلي احد يخبر اهلي يجون عليه
_ ليش تروحين بعد وكت اتغدي بعدين روحي
_ لا حبابة اريد اروح كولي ل علي خلي يخبرهم
_ هسه اكولو ، راحت بعد شوية اجت كالت هسه اخوج سعد يطلع
من الجامع ويجي عليج بقينا نحجي الى ان أجى اخوية
طلعت مرة عمي ما شفتها بس سلمت عليه واختفت بس ياسمين
ودعتني وطلعت
_ هلوو سعد
_ هلاا الين امشي نروح
_ سعد ما سمعت المشكلة الي صارت بل مدرسة شنو
_ بلا كالو بنتين متكاونين و وحدة حاجية على عشيرة البنت الاخ
والبنت طالعة من المدرسة ورايحة كايله لاهلها ومتكاونين
_ اووو هذولا البنات ابد ما يكعدون اشكد بلا تربية
_ لا حرام لا تحجين هيج عليهم هاي غيبة
_ اسفين عمي محمد العريفي
_ ههههه اكو احلى من الدين
_ سعد انتَ من ايمت هيج تحب الدين وكمت تروح للجامع
_ من جنت صغير ابوي دائماً جان يوديني وياه على الجامع
عكس ياسر ابد ما جان يحب يجي واني كبرت وصرت احب الدين
وأحب ربي واصلي بل جامع الف الحمدلله الله يحبني لأنو اختارني
أكون عبدو الصادق
_ يمه فديت اخوي اليخبل
_ ههههه امشي امج منتضرتج هسه تنفش ريشج ريشة ريشة
_ بربك اكف ويايه والله مو بيدي اجيت على بيت عمي علي
كال تعالي وبعدين اخوتج يجون عليج
_ امشي امشي
وصلنا البيت لو قامت القيامة امي خربت الدنيا
_ اني جم مرة كتلج لا تروحين على احد انتي ما تفتهمين
شو صايرة بلا تربية صاقطة تفترين بكيفج بلا علمي
_ يوم والله ما عليه علي كال تعالي علينا وبعدين اخوانج يجون عليه
_ انعل ابوج لأبو علي وياج
_ يمه دعوفيها خوما شصار هذا بيت عمنا وابوية ميت حرام هيج
تحجين عليه
_ دسكت اسكت صاير متدين براسي
_ استغفر الله يا يمه ما يصير هيج تكولين
_ يمه ليش هيج تكرهين اهل بابا حرام عليج هما ما مسوين
النا شي
_ انجبي يا بلا تربية شو بعد اخليج تروحين على المدرسة
خلي ياسر يرجع شو بعد تشوفين مدرسة
_ لا يمه كلشي الى المدرسة الله يخليج والله اموت بلا مدرسة
وياسر اذا اجه يموتني وما اروح على المدرسة
_ يمه ليش هيج تسوين خطية الين ما مسويه شي
خوما تخرب الدنيا راحت عليهم يعني لو باقية بل مدرسة
وكون بالله اجتها طلقة بل غلط شنكول بعدين
_ يلا هاي المرة راح اسكت مرة الاخ الى اكول ل ياسر
_ توبة بعد اموت وما اروح على احد
، فتت على غرفتي وكعدت ابجي ساعتين متواصلة شنو
اني لعبة اكول لا ل علي جان رزلني كدام المدرس والطلاب كلهم
رحت امي قلبت البيت عليه دخلي ياسر يعرف يشحطني وربي
حتى ما تغديت ولا صليت نمت العصر كعدني سعد
_ كومي حبيبتي الين ما صليتي وما اكلتي شي
_ سعد ليش امي هيج تكرهني اني شمسويه
وياسر ليش هيج اصلاً ولا عبالك اخويه
_ ميخالف يا عيني ان الله اذا احب عبداً ابتلاه والله يحبج
وكلنا نحبج يلا كومي صلي واني احضرلج اكل حتى تاكلين
_الله عوضني بيك والله فديتك يا روحي انتَ
_ ترى يكبر راسي بعدين ديري بالج
_ هههههه ، كمت توضيت وصليت طلعت من الغرفة سعد كاعد
بل مطبخ
_ شو البيت فارغ امي وين
_ كالت اروح على خالة مروة
_ اها ، كعدت اكل ودرست شوية نظفت آلبيت كلو وغسلت مواعين صارت الدنيا ليل كمت سويت
عشه امي اجت وكعدنا ناكل اني وامي وسعد شوية وفات ياسر
_ السلام عليكم
_ وعليكم السلام
_ اكول يمه عندي موضوع وياج
_ كول ابني شعندك
_ اريد اتزوج ولكيتلي حرمة زينة ورايدها
_ منو هاي الي شفتها
_ اخت صديقي جاسم شفتها مرة وعجبتني ف كلت لجاسم رايد
اختك بل حلال ف وافق
_ بس اني اريد بنت خالتك مروة الك احسن من الغريبة
_ بس اني ما اريد بنت خالتي اني احب يقين ورايدها
_ واني ما موافقة عليها
_ واني رايدها
صارت سالفة وصياح بين امي وبين ياسر اني وسعد ما ادخلنا
هما بيناتهم يتفاهمون لان محد يسمع منا ف ما النا دخل
بس والله كيفت من ياسر يتزوج بلكت اخلص منه شوية ويروح عند
مرته ويعوفني بحالي تالي بعد صياح امي وافقت عليها وكالت
اشوفها بعدين احكم ف قبل ياسر
بس شو هذا ندار عليه وحجه
_ الين سمعت جنتي ابيت عمج اليوم
_ درت وجهي على سعد بعدين على ياسر ، هاا ايي مو علي كال
تعالي علينا بعدين اخوانج ياخذونج
_وليش ما عندج رجلين تجين على البيت
_ ها بلا بس مو جانت طلقات وهوسه ف كال ابقي يمنا
_ سالفتج والمدرسة مو عاجبتني بس ساكت عليها
شلج بل مدرسة اكعدي ابيتج احسن باجر تتزوجين وتبطلين
_ لا عفية الى مدرستي والله بعد ما اروح على بيت عمي
_ نشوف
كملنا العشا وغسلت المواعين كعدت ادرس فكرت اروح يم
سعد اخذ رأيه بل عرس مال ياسر ف فتت على غرفة سعد
_عادي افوت
_ ايي اكيد تعالي فوتي ما عندي شي
_ اكول سعد شنو رايك بعرس ياسر
_ والله الصراحة ما عاجبني وراح احجي وَيَا
_ ايي احجي وَيَا واني هم ما احب صديقو ابد مكروه
_ الله ينجاز بي وباجر راح احجي مع ياسر
_ ايي احسن يلا اروح اني اكمل دراسة تصبح على خير
_ وانتي بألف خير
وللحكاية بقية
الكاتبة هيه ❤️
أنت تقرأ
سلاماً على قلبي
Romanceوسلاماً على اعيُن ذاقَت العَناء وما زالت تضحك وفي قلوبها فوق البُكاء بُكاء قصة تدور أحداثها عن البطلة والتي تخلد عند ربها بعد طول عناء وعذاب تتحرر ولكن بخطيئة وهي الانتحار فهل ستسامح على خطئها راجياً الله ان يغفر لها ويدخلها فسيح جناتهِ 🙏🏻
